استشاره في شراء كاميرا رقمية

[الكشات11]

السلام عليكم ورحمة الله وبركاته

أنا عضو جديد في المنتدى وهذي أول مشاركه لي وهي استفسار في شراء كاميرا رقميه واحتياجاتي
هي
تكون سهله الأستخدام يعني مافيها تعقيد
1- تصوير فيديو صوت وصوره
2-يكون فيها ماكرو
3-تصور مناظر طبيعيه والطيور
علما أني ما أبغى كاميرا احترافيه

والسعر إلي أبغاه 600ريال وأن زاد 650

[الكشات11]

هاه ياشباب وينكم طيب أبزيد الميزانيه إلى 750ريال
بس ردوا أهم شي

[الكشات11]

أرجو الرد السرييييييييع

[شبح الصحراء]

جرب كاميرة HP PhotoSmart R707 انا عندي واحدة مثلها وكملت معاي سنة ومصور فيها الآف الصور زي الحلاوة وسعرها رخيص بحدود المبلغ اللي معاك وتحصلها في إكسترا بالرياض .



فيها مميزات لا توجد إلا في الكاميرات الغالية .

وهذه صورتين من تصويري بها وقد اشتركت فيهما بمسابقة اجمل صورة في خيمة التصوير الرقمي هنا في مكشات :

[الكشات11]

مشكووووور أخووي شبح الصحراء على مرورك

لكن هل يوجد كاميرات أخرى بهذا السعر ومارأيك في كاميرات سوني -كانون - نايكون-- إلخ...

يعني وش الأفضل من هذي الشركات من ناحية الأستخدام ونقاء الصووور وأهم شي ركززوووووووووا السعر يكوووون معقووول >>>>بحدوود 650ريال

المهم أخووي شبح الصحراء أنت ماقصرت

نشووووووف راي الأعضاء الأخرين
أرجو الرد السريع

[البهلواني]

انا شريت كاميرا دجيتل سوني 6 ميقا بكسل وهي حقاً رائعه

وتصويرها رائع سعرها 980 ريال لأنها يابانية الصنع والتجميع

ويوجد نوع منها ياباني تجميع صيني وسعرها تقريبا 650 ريال

المهم أن الكاميرا اللي شريتها سهله جداً ويوجد بها مخرج usb مع الكيبل ومخرج تلفيزيون مع الكيبل

لعرض اللقطات التي قمت بتصويرها على التلفزيون سواء صور أو فيديو مدة التصوير فيديو للذاكره التي

حجمها 2 قيقا أكثر من ساعه ونصف وأكثر من 600 صوره فوتوغرافيه

يوجد نوعان من الذاكره سوني أصلي وتقليد

الذاكره الأصليه 2 قيقا سعرها 550

هاذي صورتها

وهذا من تصويرها وانا اللي صورت

وهاذي مواصفات الكاميرا على موقعها على الأنترنت

http://www.dpreview.com/reviews/spec...ony_dscw30.asp

أي أستفسار أنا جاهز وتحت الخدمه

[البهلواني]

جرب كاميرة HP PhotoSmart R707 انا عندي واحدة مثلها وكملت معاي سنة ومصور فيها الآف الصور زي الحلاوة وسعرها رخيص بحدود المبلغ اللي معاك وتحصلها في إكسترا بالرياض .



فيها مميزات لا توجد إلا في الكاميرات الغالية .

وهذه صورتين من تصويري بها وقد اشتركت فيهما بمسابقة اجمل صورة في خيمة التصوير الرقمي هنا في مكشات :

شبح الصحراء

هل الصور التي ارفقتها معدله بالفوتو شوب أو طبيعيه لأني أحس انها ماهي طبيعيه

تحياتي

[مهاجر11]

نصيحه كاميرا تي سفن بس انها غويليه قيمتها من هالالف وخمس وجاي

[ابو خالد 2006]

لدي نفس كاميرا الاخ البهلواني

سوني سايبر شون w30

وشاهد بنفسك بعض صورها على الروابط التي في توقيعي

[المخيال]

جزاكم الله خير جميعا

[الكشات11]

مشكورين على ردوودكم وتفاعلكم مع الموضوع



لكن أداء هذي الكاميرا ليس بالمستوى المطلوب بما أنها 6ميقا بكسل

[البهلواني]

مشكورين على ردوودكم وتفاعلكم مع الموضوع



لكن أداء هذي الكاميرا ليس بالمستوى المطلوب بما أنها 6ميقا بكسل

شكلك تبي كاميرا تلفزيونيه هههههههههههههههههههههههههههه

فلوسك يالله وصلتها 750 وتريد أكثر من 6 ميقا

مارايح تلقى ياغالي

[الكشات11]

مشكوور أخوي البهلواني على ردك ا

أنا أقصد أن صورها في ردك موب ذاك الزود
للخبراء ولايهونون الباقين هل يوجد كاميرا مميزاتها أفضل من من هذي وتكون نفس السعر وشركتها معرروووفه >>>>>>> أدري أني نشبه

أ
خوي البهلواني عندي سؤال هل تنصحني في الكاميرا إلي عندك يعني من ناحية ميزاتها وتصويرها يعني وش رايك فيها أشتريها

[أبوسالم2006]

ابنصحك يا اخوي بكميرا بس يمكن تكون غاليه عليك


الا وهي سوني T30 ومواصفاتها الكميرا 7,2 ميغابكسل مانع اهتاز قوي جدا وفيها تصوير فيديو وشاشه كبيره وشكل وذف (محترم) ويمكن من خلال الكميرا تحرير الصور ومعها وصله USB وفيها فلاش قوي جدا ويمكن من خلالها عرض الصور وبموسيقى بعد وبامكانك توسيع الذاكره

بس لما نجي للسعر نجد انه (((((((((1800 ر.س )))))))))))) بس تستاهل

وهذه صور الكميرا

[الكشات11]

مشكوور أخووي أبوسالم على على المعلومات لكن لوكان السعر 1000يمكن أدبرها لكن 1800صعبه
ومشكور على مرورك وتفاعلك