ياربي لك الحمد السما تمطر فراخه ببيتنا
طالع الظهريه بالسيب أشقر على الزريعات وأحط باقي الغدا للقميري بالحوش
(أمحق حوش مترين ولا كملهن بعد)
وأناظر ماهذا
وأشوف وأثره فرخ قميري طايح من عش على مروحة شفط بالدور العلوي
هذي صورة موقع العش
أهمال أباء وعدم وضع الأحتياطات اللازمه لحفظ الفروخ عن السقوط
ومسيكين هالفريخ لقيته ينتفض من البرد
وأصوت للقميريات هذا من ولده أحد منكن مضيع له فرخ
هذا موقع مخصص لبقايا الطعام اللي تاكله الطيور بالبيت
واللي تم إستجواب القميريات اللي يقصدن هذا المكان
ولا وحده قالت شيء
قلت يمكن أهله هاجرو وتركوه وخلوه لرب ماتنام عينه
عزمت إني أكفله لين يشب ويكبر ثم يا أزوجه
وإلا كان بغى يلحق ربعه بهواه
أول شي دفيته ولفيته بهك الفوطه ودحملته لين وقفت الرجفه
بعدين
ضبطت له سرير علبة حطيت فيها قطن
وحطيت له مفرش دسوس (دس إيدين)
كما هو موضح بالصورتين
ثم جبت شوي سيميلاك ولقمته بآبره أطعام الأدويه للأطفال
والحمد لله