15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مااوقفت على التنهات بكل مكان فيه شباب
بس اهم شى ان الشباب يحترمون العوائل ولا يضايقونهم
فيه شباب يرفعون الرأس باأدبهم واحترامهم للعوائل واذا شافوا عوائل ابعدوا عنهم
هذى المشكله قائمه الين ماله نهايه مالم تدخل الدوله والبلديه يحطون يوم للعوائل وهذا اشوفه مستحيل الاختلاط مطلب من المفسدين ويفرحون
مكشاتي متواصل
حقيقه موضوع مميز بين العوايل والعزابيه على كل حال المستفيد الأكثر هم حبايبنا العزابيه من البرالقريب من الروضات المعروف بنسبة توقعي 97% في الروضه العزابيه طاقين خيامهم ومظلاتهم حاجزين مكان وشكبره بصفت سيايرهم والعصر يشوفون الجيب يرقا النفود ويجربون الكنود يلقط وذا الظلم اليل بسيايرهم فوق النفود اسمع من هسوالف كل يرسل الحداثيته على الكنود وهم قريب مبعدو تقول يلعبون عضيم ساري ونت مبعد طاق جلستك مسوي عشيك متدري ذا جاي منا وذا مناك وذا لاف من ورا
والقصه ماهو تحامل على العزابيه هم اخوانا وشي طيب تعلقه بلبر وناستهم بمايرضي الله
ومقولت من سبق لبق طلعت العئله يالله الساعه 11ظهر الي معه أم كبيره يبييشوفه الربيع ولي معه أعيال اصغار
ولا تبيهم من الفجر وهم حاجيز مكان وطالعين
لو بطلع اعزوبي اتكلم عن نفسي مع أخوياي نشوف لنا مكان ميحومه الا الله سبحانه بحمايته ون اشتهيا الروضه جيناها اعصير وقفنا سيايرنا برا ورحنا مشي لين ناصل وسطهاوفرشنا فرشتنا وسوين قهوتنا وتقهوينا مشينا لمخيمنا
وأخيرآ اقول هو حق لكم بحجز المكان يا أخي العزابي بس راع ظروف العوائل والله يهنيكم وتستانسو بطلعاتكم البريه لا ني حقيقه استانس بطلعت الشباب العزابيه لو مكنت نعهم
مكشاتي فضي
هاذا الكلام وانا خوك نطلع حنا والرجاجيل لمكان ماتسمع صوت الجوال ولا تسمع صوت البشرالمشاركة الأصلية كتبت بواسطة 1-أبوماجد
والى يبي البر ويحبه انا عندي احداثيات لفياض داخل الصمان جايه الاسبوع الى راح مربعه ولا به احد
والاخوان راعين البر ماقصرو باتقارير وبالاحداثيات مالين المنتدى اماكن للي صدق راعي بر ويبي مايسمع غير وشيش النار والهواء
مكشاتي فضي
وانت وشهوله تاخذ عايلتك لمكان نجمع فالخلا...!
ترا التنهات خلا قسم بالله ان اللي ياخذ عايلته مهبول
لو يسكر.واحد ومعه سلاح وبلاوي او اثنين او ثلاثه
ياخي مكان تجمع خارج المدن لا يوجد فيه تواجد امني شرطه او شي
لا توحي اهلك ومحارمك له
الله يكافينا الشر بس
لا وطالع بكامري بعد من زين السالفه
لو حده احد تعلقت في جادة وايت ((صداره او راويه))
مكشاتي فضي
ارفع القبعه لمثل هالرجال لجابو علوم الربيع بين ضلعان ونفدان ومسافات
رجال تحمسك لروح المنافسه بين علوم الربيع وين
عروس أفياض رغوه تلبس أحلى حلتها 28/2/1434هـ(ولهان الصمان)
http://www.mekshat.com/vb/showthread.php?t=556442
مكشاتي متقدم
المشكله مو بالتنهات المشكله بالشبوك يعني لو طلعت من الرياض وين بتطلع الثمامه مليانه شباب ومخيمات يعني من الرياض الى الطوقي كلها شبوك
لذالك صار زحمه بالتنهات
مكشاتي متقدم
اعتقد لو يخصص جهه لشباب وجهه للعوائل ويوضع لافتات ارشاديه كان الجميع يرضى وياخذ راحته ولا يصير فيه اختلاط بين الشباب والعوائل وجهة نضر
مكشاتي فضي
والله مشكله كل شي تبون للعوائل مايصير ياجماعه
للعلم انا صاحب عائله واطلع انا واهــلي واي مكان مناسب اروح له
والشباب ماعاد لهم غير الكشتات والبر لان داخل البلد اصبح حصــري عوائــل
تروح منتزه قالوا عوائل تروح بحر قالوا عوائل تروح مجمعات قالوا عوائل
مايصيربعد شبابنا يحتاجون مكان ياخذون راحتهم فيه
ياخوفــي بكــره حتى ساحات التفحيط يقولون خاص مخصص لتفحيط العوائــل فقط
هههههههههههههههههه
وفقكم الله
مكشاتي متواصل
اخوي لاتفرق بين شباب وعوايل
فرق بين الشباب المحترم وغير المحترم
حتى في البر ماتبونهم يكشتون ويتمشون
بالله عليك وين يطلع ؟؟
يجلسون على طعس لانهم شباب بس !!!
مومنطقي كلامك
الموضوع مخصص للعوائل
ياحبنا للقصيم وبرانه
مكشاتي متواصل
يا أخي الله يهديك ما باقي إلا تقول اطلعو عن السعودية انتم عزاب
إذا جينا نبغى السوق قلتو عوائل ورحنى للبر قلتو ضايقتونا لو نروح للربع الخالي قلتو مهبل ولا سكارى
اعتقد فيه حديقة قريبة من بيتك ود حريمك فيها ولا تغامر بهم في الخلا احسن
آسف على التعبير لاكن هذي الحقيقة
مكشاتي متقدم
هههههههه اعتقد ان الدور جاي على القصيم بس اصبر الله يستر اليوم طلعة لنبقيه ابي الربيع الي بالحمزه والي حوله ماتقدر تجلس من النفايات الي يخلفونه بعض الكشاته الله يهدينا وياهم وغيرة الوجهه لثويراة ودرته دوران الحقيقه انه مربعه لاكن الدعوى كله شبوك الله المستعانالموضوع مخصص للعوائل
ياحبنا للقصيم وبرانه
مكشاتي متواصل
موضوعك حلو وهاادف
ولكن ...
حتى بالبر لاحقينا حنا يالعزاب
والله ماصرت ذي سالفه ..
انا ما عمري طبيت التنهات وان شاء الله ما اطبه
كله شبوك وغير العالم اللي به
انت تبي ربيع وفله وتونسك عايلتك
اطلع برا الرياض
شوف لك احد هالشعبان
مثل صلبوخ _ عبيثران
كلها قريبه من الرياض
وافضل في رأي
والله المستعان
والله يعينا يالعزاب
كل مغز ابره يقوولون للعوائل
الله يصبرنا ويسهلها علينا
وموضوعك موضوع حساااس
يععطيك العافيه
مكشاتي برونزي
الأمر سهل وانا اخوكم
راع العلم الغانم من الشباب يفترض اذا شافوا مخيم عائلة ما يجون يزاحمونهم ، المفترض يتركون المكان لعائلة اخرى واهم يتقدمون شوي ما يضر، الأمر سهل.
مكشاتي فضي
السلام عليكم ورحمة الله وبركاته
اسمحوا لي أشارك بفكرة بسيطة ترضي الجميع وهو شور طيب إن شاء الله
دائماً الكشات يتمنى يحصل مكان فيه ربيع وسيارته قريبة خاصة إذا كان معه عوائل يفتك من شيل الماء والعزب والحوسة ونسى وارجع للسيارة وجب معك وما لا نهاية من التوقعات ......
الشور هو بالنسبة لي أتبع صراحة طريقة لعل غيري يستفيد منها دائماً الناس تتجه للروضات ومعروف إن الروضة مسورة بالصبات والمواصير وغيرها لكن السؤال هل الربيع محصور فعلاً في داخل الصبات دائماً تحصل ربيع قبل الصبات وروضات قريبة تبعد عن الصبة خمسة كيلوا إلى عشرة فيها ربيع طيب وتجلس إنت وأهلك ومعك سيارتك وتفتك من الإزعاج والإحراج في أمور كثيرة على سبيل المثال فيه اللي يروح لخريم بحكم قربها من الرياض زحمة ولا أسواق وشيء يضيق الصدر اتجه للجهة الجنوبية من الروضة وخل الروضة في ظهرك ورح عشرة كيلو تقريبا تحصل أماكن وريضان طيبة تجلس وتبسط إن وأهلك طبعاً أقول الكلام هذا لمن يكشت بأهله
وأعتذر عن الإطالة وبالله التوفيق
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس