الباترول عندي عزمه ضعيف وش الحل

[تنوم]

الباترول عندي عزمه ضعيف وش الحل وين افضل ميكانيكي فهيم في هالامور الموتر تماتيك وبانزين

[القابوعة]

اولا اخوي ما ودي اعزيك واقول احس الله عزاك في موترك ..

قبل كل شي لم تذكر الموديل ونوعه فهذا مهم جدا

ونصيحه اخوي الباترول عزمه ضعيف شد بلد !! ولا قلت هذا الكلام الا يوم جربت تويوتا سياره فعلاً بكل ما المقاييس والمواصفات ولا تقارن بالباترول ابدا فالباترول حده القار لا يتعدى وارفق عليه وسوله صيانه كل اسبوع ويالله تسلم اما تويوتا (لاندكروزر - برادو - هايلكس وغيرها) امش وانت مطمأن ولا تسويله صيانه الا كل سنه من تربيطات واشياء صغيره تغيير ربلات .. وهكذا
فأنصحك اخوي ولو اني طولت عليك .. بتويوتا .. تويوتا وبس ولا تودي سيارتك للمكانيكي ابد بيقول يبغالها كذا وكذا (وتعرفهم عاد انت وذممهم وسيعه جدا) اقصرها من اول وبعه واشتر تويوتا وعشر سنوات منتب حاط فيه الا بنزين وزيت ..
وفقك الله لما يحبه ويرضاه .. ويبقى هذا الكلام مجرد رأي شخصي لأخوك القابوعة ،،

[طحنون]

انشاء الله تلقى الحل عند الاخوان

[ولـد الدوادمي]

أخوي عطنا المديل وهل هو ربع او كامل

وابشر بسعدك

وترا يمكن تكون كربنه لان الموتر إذا كربن يضعف عزمه

[GMC79]

كم الموديل؟
وكم ماشي؟
عايدي او تماتك؟
فيه مشاكل سبق واجهتك مشاكل قبل هذي؟

[ابومحمد 16]

1- افحص طرمبة البنزين اذا كان الموتر بخاخ.
2- اذا كان كبليتر افحص الديلكو والكهرباء وغير فلتر الهوا وخذها من صاحب خبرة وتجربة مهوب سوالف مجالس

[الرهدن]

أنا صاحب تويوتا وماذكر الأخ قابوعة فيه مبالغة00

يقول أخوي00
اقصرها من اول وبعه واشتر تويوتا وعشر سنوات منتب حاط فيه الا بنزين وزيت ..

هذا مبالغة ياأخي00 وش استفاد الوكيل إذآ00
أبصم بالعشر لويكون جيب تويوتا كذا كان الناس كلهم طاقين جيوب00
وحتى لو أرادت اليابان00 الوكيل يرفض وبكل أسنانه00


.

[شبح الصحراء]

القابوعة التويوتا له مشاكله بعد خصوصاً مع احتراق وضعف قحمة الكلتش وهذا معروف والميزة الوحيدة لتويوتا على النيسان هو عدم الهرقلة بس والباقي النيسان احسن من التويوتا خصوصاً محركات النيسان أقوى .
الأخ السائل جرب تنظيف البخاخات أو التشييك على الكربليتر حسب نوع موترك .

[تنوم]

السيارة نوعها باترول 98 قير تماتيك فل كامل 4 ابواب

[أبو سيف السيف]

غريبة اجل يمكن البخاخات عندك يبغالها تنظيف أو الكربليتر

[HAS123]

السلام عليكم ورحمة الله وبركاته
اخوي تنوم انا قبل 3 سنوات مضالي مثل قصتك بالتمام اشتريت باترول موديل 98 نوع سلقة بخاخ قزاز كهرب 4 أبواب ولاكن إذا احتما الموتر عزمه ضعيف جداً المفيد اني ماخليت ميكانيكي في البلد ماعرضت المشكله علية ولاكن دون جدوى حتى اني اتصلت براعيه الاول فقالي الموتر ماخليت ورشة مامريت عليها حتى شركة نيسان برضه دون جدوى فالنصيحة لاتتعب نفسك يالغالي الموديل هذا بالاخص تعبان لايهمك مع احترامي الكبير لصناع نيسان .

[شبح الصحراء]

Has123 انت تقول اذا احتمى الموتر ضعف عزمه ، اظن الشي هذا له علاقة بفحمة الكلتش تكون تعبانة .

[تنوم]

ياليت الي يعرف ميكانيكي متخصص بالبترول وصاحب خبره

[الاتصال السريع]

انا عندي باترول سوبر سفاري موديل 95 بخاخ وقير تماتيك وعزمه ضعيف مره ورحت لعدة ورش وكل له رأي وآخر ما اشاروا علي به تغيير فلتر القير وتغيير فلتر البنزين وتغيير البواجي ولم يتغير شيئ يعني عبدك على عهدك

[عاشق نيساني]

اخوي تنوم معليش بس اول شي عطنا المشكله يعني عزمه كان كذا من اول ولاتغير بعد فتره لان بصراحه الباترول 98 حتى القير العادي

عزمه ومكينته موب ذاك الزود بس القير العادي يساعده الدفع اخف من التماتيك والقير العادي اقوى بالفزه بس انت عطنا المشكله وانشاء الله نعطيك الحل
وطول بالك يا اخوي القابوعه يعني اذا صار الموتر نيسان خلاص ماينفع لا وانا اخوك انا معي باترول 2006 ومكينته 4800 ولا فيه هدد

او فكس ارالا وقاومته وابطت يروحون على الفتك انا معك الباترول من موديل 98 الى 2001 ماش عزمه موب ذاك

ازود لان مكينته 4500 و230 حصان لكن اللي يساعد الباترول انه خفيييييييف اما من موديل 2002 الى 2006 المكينه 4800 و280

حصان وغير كذا خفييييف وانواع النشاط ومعليش مع احترامي لكل حقين التيوتا صح ان فيه مواتر بالتيوتا في الفخامه والراحه ماتتقارن

بالنيسان لكن بالقوه في العزم والقير والمكينه اسمحلي يعني بالله اطق لي موتر ب200 الف او زود و8 سلندر وفي

الاخير يجيني موتر مايتعدى 120 الف ويروح علي في طعس او خط لا وغير كذا 6 سلندر بس المكينه وشي 4800و280 والفكس ار وش 4700250