ممكن مشاركه بالاختيار وابداء الرأي

[patrol vtc]

صوت على الرفارف السود

جلد الرفارف والصدامات أسود .. على رشته الموجودهـ..

واذا بغيت ترجعه تفك التجليد وترش ..

[SGL]

والله ياkingالدعوة أوصلت للتصويت أنا أقول للمرة الثانية مابعد الذهبي تحسه لايق مع الفل ومنظر أما الأسود تحسه سلق ماهو مرتب كنه جيب مهبود مكروف طبعن الناس أذواق وتحياتي لك

[جنوبي قطر 999]

من شاور ما خاب

ونصيحتي انك انتسوي الي بخاطرك وتستانس به مع اخذ شور الاغلبية

موفق يا اخوي

[بوعبدالعزيز84]

يعطيكم العافيه بالنسبه للي قال رشه ذهبي بعدين رشه مؤقت المشكله اذا رشيته ذهبي ورشيت المؤقت عليه او تجليد يخرب البويه وبضطر ارش من جديد

اذا جيت اشيله ،، انا فكرت ارشه اسود كربوني واذا بغيت بعدين ارشه ذهبي ويرجع مثل الوكاله لانه بكل الحالتين مرشوش ولا وش رايكم ؟؟؟؟؟؟؟؟؟؟؟؟

صح بعد هذي فكرة حلوة رش مؤقت اسود مطفي واذا بغيت تغير ارجع رشة ذهبي بوية دائمة

[راعي طفات]

رأيي والراي لك

ترشه ذهبي

غالبا زينة السيارة بشكلها وكاله

وفقك الله وأعانك

[وطن العزة]

ذهبي كااااامل أفضل على موترك

لو ان موترك أبيض كان قلت لك رشهن أسود + جنوط 2004 + بوالين

[sgl2002]

الصورة الثانيه كلام كبير

وانا ارشح الرفارف السود نفس الصورة الثانيه وتحس فيه تغيير بالموتر اما الاولى فاحس انه موتر مرشوش كامل ولا فيه اي شي يشد الانتباه


اما لو انه ابيض كان قلت لك رشه ابيض كامل مع خط سوبر لون ذهبي وجنوط ٢٠٠٤ وبوالين

[قايد النيسان]

السلام عليكم
مانصحك ترش الرفارف اسود وتغير رشة الوكالة فيه محلات تجلد الرفارف سواد وعليها ضمان وممتازة احسن من انك ترشها والتجليد ممتاز وتحمي بوية الوكالة
والله يوفقك

[abo naser 1]

السلام عليكم

لأنك عزيز وغالي لأني ما أحب أقول رايي في مثل هذي الموضع لأن الناس أذوق ولولا أختلاف الأذواق لبارت السلع فرأي الشخصي تجدد بوية الفيابر بالذهبي شغل ورشة صح بدون معاجين لو أدفع الفين ريال أو أكثر تفك وتصنفر ناعم وأساس ورشته فرن أحسن من ارش ب 800 وبعد سنه طايرة البوية مع الخديشات ومتشوفها تدري برشها...
اما رشت الأسود لا اتوقع انها بيجي شكلها زي الوكالة وشفت مواتر واجد مرشوشة اسود ياضح لأنها تجي وكالة فيبر بدون بوية
شف لي أعلان في قسم السيارات باثفندر مرشوشة فيابرة وصداماته من ست سنوات بالله عليك شف الصور والحمد لله لمعتها وشكلها ماشاء الله أفضل من وكالته.....

[المرتهي]

مشاء الله تبارك الله

الله يعطيك خيره ويكفيك شره

اخوي كنج حاب اعطيك معلومه

كلها حلوه مشاء الله

بس الرفارف السود افضل

ولاكن للمعلومية الرفارف السود بلاستيك لون بدون لمعه وملمسه خشن

اذا حاب تعمله انا شفت واحد عمل مثل فكرتك
النتيجة انه عدم موترة : (

رشة بلون اسود طلعت الرفارف لونها اسود لامع

وشوه الموترت ومنظرة للأسف

الا اذا تغير رفارف من التشليح كامة مع الصدامات فهي افضل

وللمعلومية ماصوت لاني محتار

[المرتهي]

^^^^^
في أنتظار النتائج

[التعـ King ـديل]

النتيجه صدمه لمحبي كنج التعديل وراح اعلنها خلال يومين

[المرتهي]

النتيجه صدمه لمحبي كنج التعديل وراح اعلنها خلال يومين

الله يوفقك

^
باترول شاص

<< في أنتظار الصدمة <<

[سفاري959]

ابو خالد انا سبق وقلت لك رأيي وبقوله مره ثانيه

رشها ذهبي مع الخط الأحمر حق سفاري2 ولحيه

مابعدها شي وعلى الذهبي خيال ولاتنسى الجنط 17 بلد

مزاجي شايب كل شي بلد

ههههههههههههه

بالتوفيق ابو خالد وربي يعطيك خيره ويكفيك شره

[عاشق الvx]

رفارف سود + جنوط 2002 + سيام تاير
بتكون نتيجة افضل لو كان لون غير الذهبي
لكن دام لون موترك ذهبي صدامات نفس اللون + لحية + جنوط 2002 + سيام تاير
وانا من الناس الي يعجبني الفتك وهو بهالشكل
لمسات بسيطه تطلع بشكل فوق الممتاز