ترج السياره وحده من الثنتين ياكفر محبل او هناك خلل

[فـخـآمـه]

السلام عليكم

العنوان نص الموضوع والكتاب واضح من عنوانه

الله يطولنا في اعماركم قبل فتره كان عندي كفر فيه مثل النفيخه كل ثلاث ايام ينسم .. بس السياره ماكنت تشتكي منه ، قررت اشتري كفر مستعمل يمشي شهور .. اشتريت كفرتين با ابخس الثمن ركبت الاول ..

وانا ماشي بالنمره الثالثه والرابعه الا و السياره فيها ارتجاج وتختفي عندما اهدي .. وركبت الثانيه اللي شريتها نفس الحكاية ماتغير شي .. طبعا الكفرتين من صناعه هناكوك ، وكلنا نعرف البلدية تمنع البناشر من بيع التواير المستخدمه ..

اللي محيرني ان الكفر الاول كان فيه نفيخه وعلى ايامه ماترج السياره ، وبهذه الحاله ماني عارف او ماني متاكد وش اللي تغير واختلف ..

[ملك الفكتوريا]

يالغالي يمكن ترج بسبب ان الكفرات محبله

الشئ الثاني موضوع التنسيم يمكن الجنط يبيله خرط


أنا مثلك كان الكفر كل شوي ينسم انزل الساعه 10 الليل اوقف الصبح الساعه 7 منسم على الجنط


كنت اركب الاستبنه بنفسي وبعدها امشي على الجنط لين البنشر طفشت


لدرجة ان اخر مرتين عبيت الكفر بها العامل ما أخذ شئ ههههههههههه



وبالاخير رحت الصناعيه طلع الجنط يبيبله خرط وخرطته بخمسين واختفت الرجه وخرب الكفر من كثر ما امشي على منسم




وبس حبيت افضفض عن مشكلة كانت ترفع الضغط كل صبح وهي مقفله معي

[فـخـآمـه]

الله
يبارك في عمرك
والله
يخليك

مثل هالفضفه الواحد يستفيد منها ولو قطاع طرق قصدي عابر سبيل

انا عندي جنوط سوداء رميها بالحوش ابجربها .. والجنط الرصاصي مستخدمه بالكفرتين بديت اشك فيه من بعد كلامك

راح اشترى لي جديد او قبلها ابجرب اسبير اخوي ابفتشخه

بودي اطلع اليوم وحل المشكله .. بس لما اتذكر السياره تتلاعب وتتناقز صراحه صراحه ماهو بس ترفع الضغط الا تخنقك وتشنقك مابطلع من البيت الا بكره عاند لها وروح لابو يمن فايق رايق
وخيرا حصل

الله يكرمك وشكرا لك على تفاعلك