زيت القير العادي هل يتم تغييرهـ بشكل دوري

[حبل الوريد]

سلام عليكم ورحمة الله وبركاته
حياكم الله يا اخواني
سؤال كثير فيه من الاخذ وتلعطاء
وهو تغيير زيت القير العايدي
البعض يقول ما يلزم والبعض يقول لزوم يغير كل 100 الف كيلو
ارجو من خبرائنا ومهندسينا التكرم بالاجابه

[الـمـطـيـري]

عليكم السلام ورحمه الله وبركاته

كلا لايجب تغيره

اذا نقص زيده

[ماجد الحايلي]

لا يجب عليك تغييره حسب كتيب الشركة
المصنعه للسيارة والافضل لك
انك تغيره
مع اني دايم اسمع انه مايغير
لكن مافيه شي علمي مجرد
معتقدات واذا طلبت الدليل
مافيه احد يفيدك
مثل ايام الددسن
تشتريها مكيفه ويجبرونك
على انك تقطع سير مكيف
الهواء لانه يخبط بالماكينه
وماستفدنا الا ان الحر ذبحنا

[محرين باالخير]

حياك اخوي
نعم يستبدل حسب توصيات الشركه المصنعه بعدد الكيلوات المقطوعه بعض السيارات كل 60 الف وبعضعها كل 100 الف ........
لاكن لو سيارتك ماشيه واجد وتعدي وقت تغيير الزيت بكثير الأفظل تزويده فقط لأن الزيت تعباباالرايش والتروس صار فيها احتكاك وفراغات والزيت القديم افظل عشان ما يطلع صوتها بعد التغيير وهذا القياس يطبق حتي علي الدفرنسات والكوارين . من واقع تجربه ؟؟
اتمني اني افدتك ........ تحياتي

[عاشق السيل]

وعليكم السلام ورحمة الله وبركاته ،،

حسب معرفتي إنه ما يتغير لأنه ثقيل جدا ومافيه أسباب أو عوامل تخليه يتلف أو تتغير لزوجته مثل زيت المكينة ،، بس أهم شي لا ينقص !!!

[ابونبيل]

يزيدونه بس اذا غيرته يمكن يخبط

اما لاالقير التماتيك عادي تغيره

[HAS5SAN]

السيارات الجديدة تخوف
لكن كان عندي هايلكس 1993 وبعته عام 2011
19 سنة والله ماغيرته ووالله اني كنت اكده كد
وبسم عليه وباقي متواصل مع صاحبه الجديد

[volcano]

التغيير لا بد منه ..

[ريان2002]

أحياناً يكون لدينا قناعات ثابته ويجب علينا أن نغيرها عندما نقرأ كلام من هم أعلم منا
وهنا إجابتي على إستفسارك ورد على كل من قال بعدم تغيير الزيت
http://www.mekshat.com/vb/showthread.php?t=439394
http://www.mekshat.com/vb/showthread.php?t=223566

[Saudi ARB]

إذا نقص زد عليه فـــــــــــــــــــــــــــــــقـــــــــــــــــ ـــــــــــــــــــط

[بدوي جنوبي]

حياك اخوي
نعم يستبدل حسب توصيات الشركه المصنعه بعدد الكيلوات المقطوعه بعض السيارات كل 60 الف وبعضعها كل 100 الف ........
لاكن لو سيارتك ماشيه واجد وتعدي وقت تغيير الزيت بكثير الأفظل تزويده فقط لأن الزيت تعباباالرايش والتروس صار فيها احتكاك وفراغات والزيت القديم افظل عشان ما يطلع صوتها بعد التغيير وهذا القياس يطبق حتي علي الدفرنسات والكوارين . من واقع تجربه ؟؟
اتمني اني افدتك ........ تحياتي

نعم هذا الكلام السليم
لكن عندى ملاحظة على زيوت الشركة
الزيت الاصلي اللى يعبئ من المصنع في القير او الدفرنش
أفضل بكثير من الزيوت اللى تستبدلها الصيانه .لان عمرها أطول وبجودة عالية

[التعـ King ـديل]

ميزه القير العادي انه يزود فقط لان الزيت حقه مايتاثر ولا يتلف

عكس الاوتوماتيك اللي لابد من التغير بعد 40 - 60 الف كيلو

[مجنون عسل]

شوف انا ما عندي علم بس اللي يقول اذا نقص زيده كميه من الزيت طيب اذا الدزق والكلتش احترقت لازم اغير زيت مو ازيده صح ؟
احيانا الكلتش يحترق والسيارة ما تعدت حتى 1000 كليوا متر
هل ينبغى ان يترك الزيت ما يغيره ؟

[كبسولة2]

نعم هذا الكلام السليم
لكن عندى ملاحظة على زيوت الشركة
الزيت الاصلي اللى يعبئ من المصنع في القير او الدفرنش
أفضل بكثير من الزيوت اللى تستبدلها الصيانه .لان عمرها أطول وبجودة عالية

كلام سليييييييييم أخي بدوي جنوبي

زيت الشركة للسيارة من بلادها أفضل من الزيوت الموجودة لأن مواصفاته خاصة

وهل تعلم أني أخذ زيت الدفرنسات للسيارات الجديدة من موديل 2009

و2010 لأخواني ومعارفي عند عمل صيانة لها في الوكالة أعطي العامل 20 ريال وأقول له

حط زيت الدفرنس القديم هنا في جالون وأحتفظ به لزيادة السيارات القديمة لدي !!!!


ثانياً يقولون من قرصه الداب خوفه الحبل

من تجارب سابقة ولقافه أيام الجهل غيرنا زيوت قيرات عادي وطلع فيها أصوات وثقل

كذلك الدفرنسات غيرنها وخربت الكرونة والآن نزيد النقص فقط فقط فقط

والحمد لله لم نجد مشاكل ولازالت السيارات تستخدم أستخدام شاااااااق بدون ملاحظات

[بدوي جنوبي]

تصدق اخى كبسولة
أغلب اللى يسوون صيانة لسياراتهم بالوكاله وخاصة
الجموس والشفر بعد فتره يشتكون من صوت الدفرنس
والسبب ان الوكالة يحطون زيت تقليد

لو تفتح صرة دبل تاهو او يوكن جديد بتشوف لون الزيت أخضر
بالرغم ان عيارة 10 بسبب ان الزيت أصلي وبجودة عالية جدااااا

نصيحه اللى يشترى سياره جديدة يبتعد عن الصيانة وبيشوف خير