أفيدونا مشكورين عن جنوب افريقيا

[حائلي111]

السلام عليكم ورحمة الله وبركاته وبعد

الاخوة الاعزاء الذي لديهم معلومات عن الصيد بجنوب افريقيا الرجاء ان لايبخلوا علينا ببعض المعلومات والامور التي يحتاج اليها من اراد السفر لتلك البلاد وإليكم بعض الاسئلة :

1. ماهي الاجراءات بعد النزول في مطار جوهانسبيرغ وهل يلزم التسجيل في السفارة السعودية أم لا
2. كيف يتم التنسيق مع اصحاب المحميات الخاصة بالصيد البري والطيور واذا كان لهم عناوين أو ارقام هواتف او مواقع نت أو ايميلات
3. تكلفة اليوم للفرد شامل الاقامة والتنقلات والمقناص ومعداته
4. أنواع الغزلان والطيور الموجوده في المحميات وأسعارها
5. تكلفة شحن الصيد للملكة العربية السعودية وهل عليه جمرك
6. سعر الصرف التقريبي يعني الريال السعودي كم يعادل في عملتهم

أفيدونا مشكورين جعله الله في موازين حسناتكم وجزاكم الله خيراً

[لبيه يمنادي]

يفيدونك الاخوان بأذن الله

[قنوص السودان]

عن تجربه و ارخص شيء اسال اهل التكاسي عند باب الفندق يسنعوك بارخص الاسعار و شيء ما تتوقعه و ان الله اراد انا رايح بعد شهر و احذر هناك العصابات يتهاوشون على الضحيه قبل سرقتها و البعيد و انت عادك ماشي بالشارع يبيعون و يشترون فيك من ياخذ فلوسك و الله يجيرك ما هناك طق و سرقه الدعوه ذبح ............... خذ العلم

[حائلي111]

مشكورين على المرور والردود ولازلنا بحاجه لردودكم ومشاركاتكم

[حائلي111]

لازلنا في انتظار ردودكم مشكورين

[غيث 2013]

اخي الغريب في هذا المنتدى قليل من تسال ويرد على اجابتك

[حائلي111]

الشكر كل الشكر لكل من مر على الموضوع وللأسف كما قال اخي غيث 2013 لم يصل الرد الذي كنا نتامل قراءته من الاخوان أهل الخبره في هذا المجال اكرر شكري للجميع

[btt]

يا راعي حائل ...

فيه مواقع على الانترنت مختصه للصيد في جنوب أفريقيا وجميعها أصحاب مزارع صيد ( يعني هم مختصين في الصيد يستقبلك في المطار ويرجعك للمطار ) هذا اذا لغتك الانجليزية جيده عشان تتواصل معهم بالايميل,, وطبعا بيعلمك أسعار الصيد وبعض الصيد عندهم بالوزن يشيل الراس والكراعين والكرشة ثم يوزن لك ويعطيك السعر,, وانت عاد ناقشهم على أنهم يعلبون ويغلفون اللحم اللي بتاخذه معك في الطياره ( لا تنساني منه ) .
............
واللي يقول لك اركب مع التاكسي وخذ منه قطوعه على انه يقنصك اسمح لي ترا ما عنده سالفة ولا توهق عمرك معهم تطيح في عصابات ( وخصوصا جنوب افريقيا معروفه بالعصابات ) والله أعلم بالنيات

على العموم ....
واذا انت فعلا جاد عندك تجربة بعض الأعضاء الذين سبق لهم قنص جنوب أفريقيا تواصل معهم وبإذن الله رح يفيدونك بخبرتهم...

أعيد وأكرر نسق عن طريق المواقع المختصه بالصيد في الانترنت... وطبعا تدفع لهم اذا وصلت للمزرعه



تحياتي لك

[قناص المشاعله]

الله يكفينا شرهم وعز الله ان الحذر واجب ولكن ان شاء الله تلاقي مكاتب وتتواصل

معهم ويفيدونك احسن من الحراميه اهل التكاسي ,,,,,,,,,,,,,,,,,

الله يوفقك في رحله طيبه وتعود سالم وغانم ,,,,,,,,,,

[العاتق]

وعليك السلام ورحمة الله وبركاته
ونا خوك خذ العلم والنصيحه.. ممكن اللي ذكره الاخ عن فكرة اصحاب التكاسي يكون فيها نوع من التوفير لكن فيها مجازفه بحياتك وحياة الاشخاص اللي معك اذا كنتو مجموعه فالسرقة والقتل والنهب شائع في البلدان الافريقيه لطالما انت في يد شخص او مجموعه غير نظاميه..

انا رتبت مع كذا محميه عن طريق الايميل وراسلتهم واتفقنا على الاسعار من حيث عدد الايام والاشخاص ونوع الصيد والموضوع طويل اذا ذكرته بحذافيره.. عموما الخلاصه اني قارنت بينهم واخذت اقل سعر فيهم اللي هو تقريبا 7000 ريال للشخص الواحد شامله السكن لمدة 5 ايام مع وجبة فطور وصيد الطيور والارانب وغزال واحد... بعد الاتفاق على السعر ترسل اسماء المجموعه وارقام جوازاتهم واللي يطلبه منك صاحب المحميه عشان يرسل لك دعوة عشان تقدم على الفيزا وترسل له عربون ما يقارب 4000 ريال عشان يحجز لك المده اللي بتكونو فيها عنده في المحميه... باقي المبلغ تسلمه يدا بيد اذا وصلت المحميه.. طبعا يستقبلك في المطار ويرجعك وياخذ على كل شخص تقريبا 400 ريال حق التوصيل.. شوف اكتب في قوقل hunting in southafrica بتظهر لك روابط المحميات اللي ينظمون رحلات صيد في افريقيا.. راسلهم وشوف افضل سعر بالنسبه لك وتوكل على الله ( طبعا تحتاج الى لغة انجليزيه للتواصل معهم ).. افضل شي تكونو مجموعه.. بالنسبه للصرف اصرف دولار افضل قبل السفر.. بالنسبه لشحن اللحوم للسعوديه ما عندي فكره...بالنسبة للتسجيل في السفارة السعوديه في جوهانسبرج اكيد ولازم عشان يكون عندهم علم عنك ولمصلحتك طبعا.. اتمنى اني افدتك.. تحياتي لك وللجميع

[حائلي111]

اشكركم على المشاركه والتوجيهات الرائعه والنصح جعلها الله في موازين حسناتكم كفيتوا ووفيتوا بارك الله فيكم وجزاكم خير الجزاء

[جذآآآب]

اجل السودان ارخص واسهل منهم