يالربع كره على سرعة 160 لانكروزر تكفون

[ماجد ابو فيصل]

بارك الله فيكم كلم ولا هنتو ونا ابي اشيك على اللي قالوه الشباب من رمانات وغيرها واشوف
بيض الله وجيهكم جميعا

[ابو خَالِد]

هاه بشر اخوي ماجد وش صار معك

[4x4ofroad]

انا معي فكسار 2004 قير عادي وفيه صوت الحره واو الكره تقل جوال على وضع هزاز طبعا تجي من ال 160 وانت طالع
والوالد معه مثل موتري 2001 وقير عادي وامشي عليه ما اشوف فيه شي ماشاء الله
فالبلا ليس بكل الجيوب ولا هي طبيعيه بكل السيارات
وموتري ماجا الصوت الا من تالي
وودي احل المشكله بس ماودي ادخل بتخمينات وخساير

[ابوراكان تبوك]

كل الجيوب اللي مشيت فيها نفس الصوت الا مره اذكر مشيت في جيب ربع 2005 اكثر من 170 وهدوء مع ان السيارة ماشية 160الف
ومشيت في ربع 2008 نفس الشي صوت الكره موجود

فيه سبب آخر يسبب أيضاً مشكلة الكره لو تلاحظ على عمود الكردان وعمود الدبل في الجيوب تجد قطعة رصاصة في بداية العمود وعلى النهاية اذا كان العمود وصلتين فمهم جداً عند التركيب ان تجعل القطعيتن متقابلة والا سوف يحدث رجة وأصوات 100% حتى لو العمود جديد من الوكالة

وايضاً من مسببات المشكلة وزن بنيون او فضاوه في البنيون كلام ابو حمدان اقرب جداً للصواب واتمنى ان نتفق في هذا الموضوع حتى نصل الى حل يخدم الجميع

[ماجد ابو فيصل]

انا بفحص على العرموطات وارد لكم انشالله بعد بكره

[4x4ofroad]

الله يقويك ويسهل امرك

[مضارب سيارات]

ياخوي المشكلة عندك في قطعة توضع داخل الدبل لفصل الدفع الرباعي وهي اللي تسبب العره في اغلب الجيوب خصوصا الخليجي .

[4x4ofroad]

طيب وش الحل معها؟
انا موتري فاصل الرباعي ولا ودي ارجعه اصلا بس ودي تنحل المشكله
مع العلم ان الرباعي مفصول من سنه تقريبا والحره ماجات الا من شهر ونص او شهرين

[mekshaat]

من تجربتي الكره ماتجي الا من صليبات عمود
الكردان تجي على سرعه معينه وتصير السياره
تهتز مثل المساج والمشكله ممكن تفحص ولا
تبين معك لأنها تبي واحد فاهم يفحصها لك
شيك على الصليبات وتأكد منها.

[ماجد ابو فيصل]

والله للحين مافحصت العرموطات غيرت جنوط ورصصتها مانفع ورفعت السياره ومشيت 160 وطلعت الكرة لاكن ابشرو يمكن اليوم الشيك على العرموطات واردلكم


ابلغك يابو خالد لو صار شي

[أصيل حجآ زي]

والله للحين مافحصت العرموطات غيرت جنوط ورصصتها مانفع ورفعت السياره ومشيت 160 وطلعت الكرة لاكن ابشرو يمكن اليوم الشيك على العرموطات واردلكم


ابلغك يابو خالد لو صار شي

يا أبــــــــــــآ فـــــــيــــــصـــــــــل :

أذا أنك مرفـــّــع من قبل
ولا أتذكر أنــــــــــــك قلت لنا !!!
فالترفيع هو سبب المُشكلة أكيد 97% لأن

الترفيع زيآدة عن الحد المسموح
بها يضغط على عمود ترس الدُقمة
اللي يدخُل في التآجية { الكرونة } في مُقدمة الدفرنش .
ونفس الشيء ترس الدُقمة اللي يدخُل في مؤخرة القير .

ترس الدُقمة هو اللي من الصليب وينتهي
أما بالدفرنش من مُؤخرة عمود الدفع
أو يدخُل بمؤخرة القير من مُقدمة عمود الدفع
يسميه العلوج { بنيون يوك pinion yoke } :

شف بالكروكي تحت
جآلس يتأكد أن عمود ترس الدُقمة
موزون مُسطح بأستخدآم منقلة :






يعني من هُنا والمُتجه للدفرنش
شف وش أقصُد بالصورة تحت
هذا اللي أنا أسميه ترس الدُقمة أو عمود الدقمة :

[IMG]http://i.tfcdn.com/img2/t-_a0T8AYyq6zSSXnFhUzJBRUlJgpa-fmlyhl5mbmJ5arJuYm1iVn6eXnJ-rDxHR99Q3NTQxcYnyirJM9NHLKkgHAA**/fyVMtP8A[/IMG]

ما يحتآج كلام :

الترفيع خطاء تعدى الحدود القصوى لوزن دخول
أعمدة الدُقمة { بنيون قير Pinoin Gear }
الأمآمية والخلفية حدودها .

رجع السيآرة زي ما كآنت
وترفيعها قليل في الحدود المعقولة مُمكن .

لا أستبعد أن
تخرب عليك كلا القير والدفرنش
أنت بترفيعك السيآرة دفعت زوآيا عمود الدفع
للجهود القصوى أو تعديت الجهود القصوى على أطرآفها :

ترى ما هي على كيف النآس .
الترفيع لهُ أصولهُ ولهُ حدوده .
وأهل الورش ما عندهُم مآنع يرفعون لك
ما دآم بتدفع وبقصد الحصول على درآهمك وحلبك .
لن ينصحوك بالصآلح ألا من يخآف الله وهُم قليلين .

العآلم اللي ترفع
تقيس كُل الحدود بعدة وشدة :

http://www.pirate4x4.com/tech/billav...aft/degree.jpg

لرفع السيآرة في أصلُه
يحسبون ميلان التآجية { الكرونة }
حتى يتمكنون من رفع السيآرة أو تنزيلها .

وهذي
كروكيآت صور } مُرفعة أو منزلة
التآجية { الكرونة } للتوضيح فقط :

أن شاء الله وضُحت لك الصورة { الفكرة } .

[أصيل حجآ زي]

طآلع بالشريط تحت
كيف الجُهد والضغوط اللي يتعرض
لها عمود الدفع مع أعمدة ترس الدُقمة :




مزيد من الصوّر للتوضيح أكثر وللفآئدة .

شـــُــــف العلج مسوي كروكي { رسمة } ليحسب الدرجآت :

موجودة حسبتهُ على الرآبط تحت :

http://www.therangerstation.com/foru...ad.php?t=45014

الأسهُم السود تحت
تؤشر على مسآمير عرموطة عمود ترس الدُقمة :

تحت صورة
لترس التآجية بأعلى الصور
وتحتهُ ترس الدُقـــمــــــــــــــــــــــــــــــة :

بالكروكي تحت مُقآرنة
ويقول لك لا تخلي القير يميل أكثر
بالرسمة العُلياء يقول لك غلط وتحت الصح :

ترس الدُقمة يمين الصورة تحت
وترس التآجية { الكرونة } يسآر الصورة تحت :

تحت ترس الدُقمة مع رُمآنة الحآمل حقُه :

بالصورة تحت
تشوف عمود ترس الدُقمة منمط /// ممطوط /// مسحوب برى
أذا زآد الترفيع يضغط على الصوفة ويجيب القرة والمرة والحرة و
يتسبب في خرآب الصوفة بسُرعة ونحت أو يحُت عمود الدُقمة وشفة
دخولهُ الى الترس التفآضُلي { الدفرنش } فلا تقع ضحية الترفيع والترقيع :

مميلين الدفرنش حتى
يحصلو على الوزن الصحيح بس خطير :

ترس الدُقمة مع ترس التآجية :

ترس الدُقمة مكســـّــر :

هنا تحت بالكروكي
يقول لك سوى سوى /// موزون مع بعض 100% :

بالمنقلة الألكترونية الوزن صح 100% :

تقدّر توزنها حتى بمنقلة الخرآط المرآط :

بالكروكي تحت
يقول لك العلج أحسب كُل شيء
خُذ الأمور جميعها بالـحُـــــــــــــــســــبــــآن :

تحت يُقآرن زآوية الترس التفآضُلي { التآجية / الدفرنش }
مع عمود المرفق { كرآنك شآفت Crank shaft } في أسفل المُحرّك :

[حفراوي بحت]

اسعد الله مساكم كل باسمه اتشرف ان اكون معكم ومع ابداعاتكم ومواضيعكم المميزة وانا من ملاك الاندكروزر وموتري فكسارموديل 2001سعودي وعندي نفس المشكله بالضبط وكانت على سرعة 140بالضبط وفكيت عمود الدبل وراحت المشكله لاكن تجي على سرعة 160بالضبط وكنت ناوي اشتري عمود كردان لاكن الله يرحم والديكم الي فكيتوني منه والان تبين انها مشكله عامه والمهم ان نبداء بالخفيف مثل الصليبات والامور الخفيفه .

[ماجد ابو فيصل]

اخوي اصيل لاهنت لا ولا الاخوان الاعضاء والله لا يحرمنا منك ويرحم والديك فعلا ان مرفع الموتر بس رفعه بسيطه والكره من قبل الترفيع والله لاكن بحمل في كيسين مثلا او ثلاثه عشان النزول وبمشي عليه وارد لكم

وبالنسبه للكيا والتقطيع سويت المنظف حق المستوبيشي ولا تغير شي باقي

[البديع 828]

نسيتوا من اسباب الرجه
الصليبات والعكوس...

لازم تغيرها ولا تشحمها وتأكد ان الصليبات مثبت في مكانه