كيف استخرج فيزه (تأشيره سفر) للذهاب الى السودان

[ابو تركي 500]

السلام عليكم ورحمة الله وبركاته .

اخواني الافضل لدي سؤال عن طريق استخراج الفيزه للذهاب الى السودان هل هي عن طريق السفاره في الرياض او قبل السفر تؤخذ من المطار الدولي لان فيه رجال يبي يروح للسودان ومكلمني استفسر منكم بختصار ابي طريقة استخراج الفيزه للذهاب للسودان .
ولاتنسونا بالعلم الوكاد جزاكم الله خير .

[الشمالي ع]

عليكم. السلام. أخوي. أبو. تركي
بالنسبه للفيزه. تستخرج من السفاره السودانيه . بالرياض قبل السفر

[ابو تركي 500]

مشكور يالشمالي طول صبرك علينا شوي في ناس قالوا انها تؤخذ من المطار قبل السفر هل صحيح الكلام هذا وهل فيه سفاره للسودان بجده .

[الشمالي ع]

العفو. أخوي. أبو. تركي. أذا كانت. تستخرج من. المطار. مدري. بس. أنا. اللي. أعرفه. أنها تستخرج من السفاره السودانيه بالرياض. هذا اللي أنا جربت. وبالنسبه لأستخراجها من المطار. أو جده. ماعندي خلفيه عنها. وأعتذر منك. على. القصور أخوي أبو تركي

[ابو تركي 500]

جزاك الله الف خير يالشمالي كفيت ووفيت يالذيب .

[قناص المشاعله]

الفيزه يااخوي ابو تركي الفيزه تستخرج من السفاره من الرياض ولا تنسا تأخذ معك صورتين
و365 ريال كرسوم وتعبي نموذج عند البوابه اول ماتدخل وتكمل اجراءاتك داخل الصاله وتجيهم
بعد الظهر وتحصلها جاهزه عند الموظف اللي بالبوابه ,,,,,,,,,,,,,,,,,,,,,,,,
اجراءات بسيطه وسهله ,,,,,,,,,,,,,,

[ابو تركي 500]

مشكور ياقناص وجزاك الله كل خير .

[غيث 2013]

ولاتنسى التسجيل بالمطار الخرطوم عند وصولك

[راشد الخلاوي]

الفيزة مثل ما قالوا الشباب لازم فيزة

المطلوب

6 صور للشخص


تعريف من عملة اذا عنده عمل


صورة للجواز + الرسوم حوالي 360 ريال للشخص الواحد


ويمكن واحد يروح ويفيز للشلة كلهم ماهو لازم حضور الشخص

واذا انت من الشرقية ماهو بلازما تفيز من الرياض ازرق للبحرين او الكويت وفيز والدعوة اتيوبلس


ولك تحياتي