بالصور # تركيب تانكي بنزين سعة 140 لتر للباترول من موديل 88 - 97 #

[hail_ksa]

السلام عليكم ورحمة الله وبركاته ..
في البدايه أحب التنويه أن الموضوع لطرح التجربه وليس للتسويق

حبيت أطرح تجربتي في تركيب تانكي بنزين سعة 140 لتر بدلاً من تانكي الوكاله ابو 70 لتر .. وبعد السؤال هنا في المنتدى وقراءة تجارب الأعضاء وقع الاختيار على ورشة (الإنجاز) في صناعية المجمعه / طريق حرمه - حفر الباطن

توجهت مساءً من حائل إلى المجمعه وفي الصباح كنت على موعد مسبق مع عامل الورشه وأتيت في الموعد 8.30 صباحاً



الشغل بدأ في الحال .. وتوكلنا على الله لتجربة التانكي المنشود أبو 140 لتر
بدأ العامل بفك الأرضية وهنا في الصوره يفك أسلاك طرمبة البنزين




وهذي صورة بطن الموتر قبل إخراج تانكي الماء وقبل فك تانكي البنزين




تم فك تانكي الماء ويظهر في الصورة تانكي البنزين




تمت العملية بسهوله وأخرجنا تانكي البنزين




وهذا التانكي الجديد ماشاء الله .. نعطيكم كم صوره للتكحيل






التانكي القديم بعد فك الطرمبه والليات






خلال هذه الفترات ذهب الفني لإجراء عملية لتطويل مواصير طرمبة البنزين .. نظراً لأن التانكي الجديد أكثر عمق من السابق
ومع الصوره ستشاهدون الفرق


طبعاً تم تطويل الأسلاك الكهربائية أيضاً لتتناسب مع طول المواصير


بعد ذلك تم تركيب الليات في التانكي الجديد .. شاهدوا في الخلف توانك بنزين ضحايا أهل البترولات




وهنا تم تركيب الربله الدائرية الموجودة في التانكي القديم لمنع تسرب البنزين وتم وضع سلقون كذلك وبعد ذلك تم تركيب طرمبة البنزين



بعد أن تم إنجاز جميع الأعمال على التانكي الجديد تم التركيب وإعادة ماتبقى من بنزين للتانكي الجديد
وهنا في الصوره نشاهد العمل بعد انتهاءه في الساعة 9.30 صباحاً

الخزان الجديد أصبح جاهز ماشاء الله

للتذكير ماركبت تانكي الماء اللي كان راكب على موتري سابقاً لأنه كان مصدي وحديد ماينظف .. لكن بعد ماوصلت لحايل تمنيت إني مركبه يعطي نظره للموتر ويخفي تانكي البنزين ولكن قدر الله وماشاء فعل والحل ربما بتركيب صاجه أو تانكي ستيل لإخفاء حجم التانكي لأنه أكبر قليلاً من السابق .
انتهى ،،،،



ملاحظات :
- الفرق بين التانكي القديم والجديد حوالي 5 سم
- التانكي حديد وقوي
- مدة الشغل ساعه بالتمام
- قيمة التانكي 750 ريال شامل شغل اليد والتلحيم
- إذا فضيت بحاول أركب صاجه تحت التانكي مع أن الحديد قوي
- من المجمعه لحائل حوالي 430 كم صرفت أكثر من ربع التانكي بقليل طبعاً اعطتني انطباع جيد .. لكن لو قسناها بمعدل الاستهلاك في التانكي القديم نجد أنني استهلكت 3 أرباع التانكي .. والآن مع خزان بسعة 140 لتر يمكنني الاستمرار في الطريق مسافه أطول (شعور نفسي بالأمان) وكل ذلك طبعاً بسعر مضاعف عن السابق عند التعبئة .


ختاماً ..
- الورشه متخصصه في تفصيل وتركيب توانك البنزين للنيسان باترول فقط جميع الموديلات ولغاية 2013م
- اسم الفني (رخيص) وللتنسيق قبل التركيب يمكن الاتصال على جواله رقم (0509296760) بعد إذن الإداره طبعاً

والسلام عليكم

[خبايا انسان]

ماشاء الله تبارك الله ,, وكيف كانت التجربه في الصرفيه ؟؟

[hail_ksa]

ماشاء الله تبارك الله ,, وكيف كانت التجربه في الصرفيه ؟؟

الصرفيه نفسها ماتغير شي
وكتبت عن الصرفيه في نهاية الموضوع

المسأله بسيطه .. عندما يصل الأمبير للنصف تقريباً اعتبر أنك استهلكت تانكي قديم أبو 70 لتر والنصف المتبقي سيقطع مسافة تعادل المستهلك سابقاً

لترات مضاعفه = مسافة مضاعفه

والصرفيه لم تتغير وليس لها دخل في الموضوع

[خبايا انسان]

المعذره ما انتبهت لكلامك عن الصرفيه ف الموضوع ,,


عموما ميزة التانكي الكبير اكثر مايفيدك ف البر , ماتشيل هم البنزين وخصوصا في المناطق النائية ,, وايضا ف السفر الطويل ,,


لكن سؤال , اذا عبيت التانكي فل هل تختلف فزة الموتر ؟ او سرعه ف الخط ؟ يعني هل بيثقل الموتر بشكل سلبي ؟

[hail_ksa]

المعذره ما انتبهت لكلامك عن الصرفيه ف الموضوع ,,


عموما ميزة التانكي الكبير اكثر مايفيدك ف البر , ماتشيل هم البنزين وخصوصا في المناطق النائية ,, وايضا ف السفر الطويل ,,


لكن سؤال , اذا عبيت التانكي فل هل تختلف فزة الموتر ؟ او سرعه ف الخط ؟ يعني هل بيثقل الموتر بشكل سلبي ؟

معذور يالغالي

ماتغير شي بالموتر .. يمكن لأني مركب ياي استرالي
اما فزة الموتر نفس الفزه
تحيااااتي لك

[انفاس الصباح]

ما شاء الله , والله يعطيك خيره ويكفيك شره , أنا ركبت لموتري ربع 2001 تانكي بنفس السعة , وبنفس الورشة , وبنفس السعر, والعامل اسمه (راكس) , لأني أذكر قلت له رخيص ؟ فضحك وصحح لي الاسم , وبالنسبة لموتري التانكي الجديد يمشي قبل ما يوصل خط الفل تقريبا 150 تنقص أو تزيد حسب السرعة والظروف , باختصار النصف الأول يمشي حول ال500كم أو أزيد , وأقل من النصف الثاني بقليل يعود على صرفيته الأولى ؛ فيمشي تقريبا 250كم والمهم فيه أنه لا يحوجك للوقوف المتكرر أو التوقف في الطرق التي لم تعبرها قبل ..(أحببت إضافة تجربتي لتجربتك أخوي حايل , وخاصة لأصحاب الربع من 98 الى 13 ومعذرة على الإطالة )

[السامي2011]

ما شاء الله تقرير ممتاز ويخدم اهل الباترول الربع


لكن انا عندي نفس الموديل ( صالون ) و جاء في بالي اركب تانكي اضافي بالجهه اليمنى من الموتر ( تحت الراكب والي خلفه )

فيه فراغ كبير جدا ,, ( يعني ابي نفس الموديلات الجديده 98 وفوق الصوالين )

مممكن احد طبق هالفكره او جربه !!!

[PATHFINDER 4]

ماشاء الله شغل نظيف

[الوافي.]

ماشاء الله تبارك الله يبدو ان الشغل نظيف

[RW7..ALBDAWA]

نصيحه للي يبي يركب هالخزآن لآيرهم مكينة لكزس لآن مكينة اللكزس طرمبتهآ كهربآئيه وتجي بالتآنكي واذآ رهمت هالخزآن مآيصير بيت للطرمبة بوسط التآنكي عكس تآنكي الوكاله لو تطل بوسطه بتحصل بيت للطرممبة تجلس فيه الطرمبةة الكهربآئيه تبي تركب بس اذا قل البنزين بالتآنكي وهزت على الموتر هوزه بتحصل الموتر كآنه يطفي ويقل دفع البنزين للمكينة وبعدين المكينه تبوشش واكثر من موتر لآقيه عند ورشة ابو ريـم مخرج 18 كلهآ مبوشه بسبب هالتآنكي التآنكي هذآ يصلح للي يبي يخلي موتره على مكينة بلاده وفيه عضو بمنتدى ملاك لكزس نفس الحكآيه اسمه ابو شجاع سبب تخبيط الطرمبة وحرق الطرمبة هوى هالتآنكي << ارجوووووووو اني افدتكم

[السفاري91]

ماشاء الله جهد تشكر عليه اخوي

[abo.suliman]

نصيحه للي يبي يركب هالخزآن لآيرهم مكينة لكزس لآن مكينة اللكزس طرمبتهآ كهربآئيه وتجي بالتآنكي واذآ رهمت هالخزآن مآيصير بيت للطرمبة بوسط التآنكي عكس تآنكي الوكاله لو تطل بوسطه بتحصل بيت للطرممبة تجلس فيه الطرمبةة الكهربآئيه تبي تركب بس اذا قل البنزين بالتآنكي وهزت على الموتر هوزه بتحصل الموتر كآنه يطفي ويقل دفع البنزين للمكينة وبعدين المكينه تبوشش واكثر من موتر لآقيه عند ورشة ابو ريـم مخرج 18 كلهآ مبوشه بسبب هالتآنكي التآنكي هذآ يصلح للي يبي يخلي موتره على مكينة بلاده وفيه عضو بمنتدى ملاك لكزس نفس الحكآيه اسمه ابو شجاع سبب تخبيط الطرمبة وحرق الطرمبة هوى هالتآنكي << ارجوووووووو اني افدتكم

يابعدي خويي مرهم موتره له سنه مكينة لكزس .. وعليه هالتانكي , وبرضوا من نفس الورشة مركبة

ومع ذلك ما أشتكى منه .. وانا بنفسي جلس معي 3 ايام الموتر , ولا فرقته عن موتري ابداً


ما ادري هل اقوله عن كلامك .. او اتركه دام الموتر سالك معه ههههه

[hail_ksa]

ما شاء الله , والله يعطيك خيره ويكفيك شره , أنا ركبت لموتري ربع 2001 تانكي بنفس السعة , وبنفس الورشة , وبنفس السعر, والعامل اسمه (راكس) , لأني أذكر قلت له رخيص ؟ فضحك وصحح لي الاسم , وبالنسبة لموتري التانكي الجديد يمشي قبل ما يوصل خط الفل تقريبا 150 تنقص أو تزيد حسب السرعة والظروف , باختصار النصف الأول يمشي حول ال500كم أو أزيد , وأقل من النصف الثاني بقليل يعود على صرفيته الأولى ؛ فيمشي تقريبا 250كم والمهم فيه أنه لا يحوجك للوقوف المتكرر أو التوقف في الطرق التي لم تعبرها قبل ..(أحببت إضافة تجربتي لتجربتك أخوي حايل , وخاصة لأصحاب الربع من 98 الى 13 ومعذرة على الإطالة )

جزاك الله خير .. وفعلاً العامل اسمه راكس

شاكر لك مرورك الطيب وطرح تجربتك

[hail_ksa]

ما شاء الله تقرير ممتاز ويخدم اهل الباترول الربع


لكن انا عندي نفس الموديل ( صالون ) و جاء في بالي اركب تانكي اضافي بالجهه اليمنى من الموتر ( تحت الراكب والي خلفه )

فيه فراغ كبير جدا ,, ( يعني ابي نفس الموديلات الجديده 98 وفوق الصوالين )

مممكن احد طبق هالفكره او جربه !!!

نحن في الخدمه دائماً

وشاكر لك مرورك الجميل

[hail_ksa]

ماشاء الله شغل نظيف

حياك الله أخوي .. شاكر لك مرورك وتعليقك على الموضوع