بالصور # تركيب تانكي بنزين سعة 140 لتر للباترول من موديل 88 - 97 #

[hail_ksa]

نصيحه للي يبي يركب هالخزآن لآيرهم مكينة لكزس لآن مكينة اللكزس طرمبتهآ كهربآئيه وتجي بالتآنكي واذآ رهمت هالخزآن مآيصير بيت للطرمبة بوسط التآنكي عكس تآنكي الوكاله لو تطل بوسطه بتحصل بيت للطرممبة تجلس فيه الطرمبةة الكهربآئيه تبي تركب بس اذا قل البنزين بالتآنكي وهزت على الموتر هوزه بتحصل الموتر كآنه يطفي ويقل دفع البنزين للمكينة وبعدين المكينه تبوشش واكثر من موتر لآقيه عند ورشة ابو ريـم مخرج 18 كلهآ مبوشه بسبب هالتآنكي التآنكي هذآ يصلح للي يبي يخلي موتره على مكينة بلاده وفيه عضو بمنتدى ملاك لكزس نفس الحكآيه اسمه ابو شجاع سبب تخبيط الطرمبة وحرق الطرمبة هوى هالتآنكي << ارجوووووووو اني افدتكم

نصيحه ستكون محل اهتمام أصحاب مكينة اللكزس
كل الشكر والتقدير لك على طرح التجربه وتحذير ملاك المكينه المنشوده

[hail_ksa]

يابعدي خويي مرهم موتره له سنه مكينة لكزس .. وعليه هالتانكي , وبرضوا من نفس الورشة مركبة

ومع ذلك ما أشتكى منه .. وانا بنفسي جلس معي 3 ايام الموتر , ولا فرقته عن موتري ابداً

ما ادري هل اقوله عن كلامك .. او اتركه دام الموتر سالك معه ههههه

التجارب هي الميزان لتقييم الشيء

وكلكم طرحتوا تجاربكم عن مكينة اللكزس
وإن شاء الله الأخوان أصحاب هذه المكينه ينتبهون لتجاربكم


تحياااااااااااتي

[hail_ksa]

عدنا لإضافة المستجدات ..

التجربه على مكينة الوكاله وكبليتر شد بلد وفرارات
بالنسبة لتقييمي للتانكي بعد الاستخدام
التانكي ريحني كثير من سالفة الوقوف المتكرر والتعبئة

طبعاً فل التانكي 132 لتر / 65 ريال
ما أعرف ليه مايكمل 140 لتر هل بسبب رفع الموتر أو وجود هواء بالتانكي .. الله أعلم .. عموماً 132 لتر خير وبركه أفضل من تانكي أبو 70 لتر


نجي للتجارب ..
من تبوك لحائل بسرعة 160 إلى 180 كم قطعت مسافة 600 كم بالتمام وبقي مايكفي للسير بمسافة 15 إلى 20 كم .. لا تسألوني عن سبب السرعه مشيت متأخر من تبوك ووراي دوام


تمشيه من حائل إلى عرعر (طريق بقعاء - تربه - الحيانيه - العويقيله - عرعر)
السرعه كانت من 120 إلى 140 كم وأحياناً 160 حسب الحماس
قطع الموتر 670 كم التعبئة من حائل والتوقف بعرعر للتعبئة
قولوا ما شاء الله يا الربع

والسلام عليكم

[عبدالعزيز4]

ماشاء الله 670 حلو جداً

بالنسبه لمكينة الكزس وموضوع الطرمبه
اعتقد الطرمبة الخارجية مافي مشكله معها في التانكي :/
واهل الخبره يفيدون في المجال هذا

[الليل السرمدي]

الشغل كله مضبوط بس منظر الموتر مااااش مشوهه هالتانكي لانه نازل وباين بقوه

[الذئب الاليف]

ماشاء الله
تبارك الله
شغل جبار
بصدد التركيب ان شاء الله
خصوصا ان موتري اذا عبيت فل طلعة ريحة البانزين مادري منين يصك الراس لعلي اذا ركبت تروح الريحة

[hail_ksa]

لامشاكل مع التانكي حتى الآن



الرفع للفائده

[faisal400]

ماشالله شي حلو
وراح اجيهم اركب بأن الله
.....................
لكن الشكل مزعج نوعا" ماء
مالقيت حل او شي تغطيه

[م شعل]

ماشاءالله تبارك الله

انا موتري صالون 90 تانكي البلد فل ب50الى 53ريال

هالتانكي 132لترب65 ووفررر كثيييير

توقعت ان الفل فوق 100ريال

شكرراا للجميع

[بترول88]

كم ملم يعني (مليء) .. وهل في شرايح التانكي ؟؟

[العرندس909]

انا مركبه من سنتين و مرتااااااح ولله الحمد

افلل من القصيم والوعد تبوك


بارك الله فيك يا راعي حايل على الموضوع اللي يكثر عنه التساؤل دائماً

[العرندس909]

ماشاء الله
تبارك الله
شغل جبار
بصدد التركيب ان شاء الله
خصوصا ان موتري اذا عبيت فل طلعة ريحة البانزين مادري منين يصك الراس لعلي اذا ركبت تروح الريحة

اخوي ممكن المشكلة من الربلة اللي بطرمبة البنزين
تحصلها عند التويجري ب20 ريال والتركيب سهل جداً

[hail_ksa]

ماشالله شي حلو
وراح اجيهم اركب بأن الله
.....................
لكن الشكل مزعج نوعا" ماء
مالقيت حل او شي تغطيه

ممكن تفصل تانكي ماء وتتخلص من مشكلة الشكل
أو صاجه

وأنا ما تفرغت له
معاي موتر ثاني والجيب للمشاوير والطلعات ويهمني الشكل لكن أنا عجاز بالحيل

[hail_ksa]

ماشاءالله تبارك الله

انا موتري صالون 90 تانكي البلد فل ب50الى 53ريال

هالتانكي 132لترب65 ووفررر كثيييير

توقعت ان الفل فوق 100ريال

شكرراا للجميع

حياك الله
نعم فل التانكي بحدود 65 إلى 66 ريال
وآخر مره عبيته 134 لتر
ممكن فيه هواء مايكمل 140 لتر أو هذا تصميمه

عموماً 65 ريال توصلك 650 إلى 700 كيلو ممشى 120 كيلو

[hail_ksa]

كم ملم يعني (مليء) .. وهل في شرايح التانكي ؟؟

ماعندي تفاصيل أخوي .. لكن رقم الفني موجود في الموضوع
بالإمكان الاتصال عليه