بالصور # تركيب تانكي بنزين سعة 140 لتر للباترول من موديل 88 - 97 #

[hail_ksa]

انا مركبه من سنتين و مرتااااااح ولله الحمد

افلل من القصيم والوعد تبوك


بارك الله فيك يا راعي حايل على الموضوع اللي يكثر عنه التساؤل دائماً

الله يبارك فيك وبعمرك أخي العرندس
نحن في الخدمه وفي ماينفع الأخوان هنا

[جمره]

سوال
هل بعد هذه الفتره صار مشاكل منه ؟

وهل تنصح بتركيبه ؟

[hail_ksa]

سوال
هل بعد هذه الفتره صار مشاكل منه ؟

وهل تنصح بتركيبه ؟

- لا مشاكل حتى الآن
- لا تهريب بنزين ولا رائحه
- الطرمبه سليمه ولم أغيرها (طبعاً الطرمبه رهمها الفني وطولها شوي)
- أعبيه في الصيف (فل) ولا توجد مشاكل

أنصح فيه أهل المكاشيت وأهل المقانيص واللي خطوتهم بعيده


العيب الوحيد ربما الشكل الخارجي أطول قليلاً من السابق

[رهين العز]

مشكـور على طرح مثل هآإلمواضيع إلموثقه
عسى إلله يبـارك لك ولجميع ألاخوآن بـ حلالهم
نصيحتي عن وآقع تجـربه ، أضافة صاجه لحمـاية إلتآنكي من الارتطـام
بـ التوفيـق للجميع

[hail_ksa]

مشكـور على طرح مثل هآإلمواضيع إلموثقه
عسى إلله يبـارك لك ولجميع ألاخوآن بـ حلالهم
نصيحتي عن وآقع تجـربه ، أضافة صاجه لحمـاية إلتآنكي من الارتطـام
بـ التوفيـق للجميع

العفو أخوي وجزاك الله خير

بالفعل التانكي محتاج صاجه للحماية .. أنا بطبعي مهمل التانكي مركبه من سنه ونصف وحتى الآن ماركبت له صاجه

[فواز الشمري16]

من بكرا و انا عند راكيس ان شاء الله ... ههههه

جزاكم الله خيرر ...

[روق الرياض]

السلام عليكم
اخوي صاحب الموضوع الله يعطيك العافيه انا الشكرمن بعد الله شفت موضوعك قبل سنه يعني في رمضان الي طاف ورحت للورشه وركبته عندهم بحكم اني راعي مقناص وفي حاجه التانكي التانكي الاسترالي غالي علينا
ركبته عندهم بعدها تقريبن ٥ ايام الموتر ثقل عزمه ولايتعدا ١٢٠ المهم شكيت في التانكي لاني عنده يوم يركبه وحط سلقون على فتحت التانكي من فوق غطا الطرنبه البنزين قلت هاذي هي المشكله قلت حج وحاجه نغير الطرنبه الافكسار شريت الطرنبه وقربت العده فكيت الغطا حق التانكي طلعت الطرنبه لقيت السلقون معبي التانكي ومسكر الشخال الي في الصفايه نضفت التانكي من السلقون وغيرت الطرنبه وركبت الغطا وحطيت سلقون خفيف وسلقون لابد منه بس المشكله من العامل قبل زود الجرعه حبتين وهاذا ماصادف مع في التانكي وشكرا

[hail_ksa]

السلام عليكم
اخوي صاحب الموضوع الله يعطيك العافيه انا الشكرمن بعد الله شفت موضوعك قبل سنه يعني في رمضان الي طاف ورحت للورشه وركبته عندهم بحكم اني راعي مقناص وفي حاجه التانكي التانكي الاسترالي غالي علينا
ركبته عندهم بعدها تقريبن ٥ ايام الموتر ثقل عزمه ولايتعدا ١٢٠ المهم شكيت في التانكي لاني عنده يوم يركبه وحط سلقون على فتحت التانكي من فوق غطا الطرنبه البنزين قلت هاذي هي المشكله قلت حج وحاجه نغير الطرنبه الافكسار شريت الطرنبه وقربت العده فكيت الغطا حق التانكي طلعت الطرنبه لقيت السلقون معبي التانكي ومسكر الشخال الي في الصفايه نضفت التانكي من السلقون وغيرت الطرنبه وركبت الغطا وحطيت سلقون خفيف وسلقون لابد منه بس المشكله من العامل قبل زود الجرعه حبتين وهاذا ماصادف مع في التانكي وشكرا

جزاك الله خير أخوي "روق الرياض" على طرح التجربة والله يعافيك ..

بالفعل أنا حصل معي تقطيع وفكيت صفاية الباترول لقيت فيها سواد مثل القار وغيرتها والحمد لله الأمور تمام وكنت احسبها وصخ شكلها سلقون
مشكلة العمالة مايعرفون إن السلقون ماينفع أبداً .. مدمنين سلقون !!!!!
اللي حاب يركب ينبه العامل لايحط سلقون .. الربله تفي بالغرض وإذا الربله قديمه جيب الجديده معك وإنت جاي

[مثبت سرعة]

السلام عليكم

يعطيك العافية يا راعي حايل
على التقرير والتواصل بالرغم ان التقرير من اكثر من سنة

سؤالي لك ولاعضاء مكشات
هل يوجد ورشة في الدمام تركب توانك للباترول
لاني من الدمام والمجمعة عني 600 كم وماعندي وقت اطلع لها
ياليت تفيدونا اذا فيه احد بالدمام

انا موتري ربع فتك 2012 اذا اسرعت ما يوصلني الرياض اعبي بعد 250 كم من الدمام يكون التانكي باقي فيه الربع

[االملتاع]

تبارك الله الله يهنيك فيه عقبالنا
بس محيرني انا شكله شين بالحيل

[حمود المزيني]

.

صبحكم الله بالخير

بإذن الله أبا امشي للمجمعة ، عندي جيب باترول ما يمشي بي الا
300 كلم ويخلص بانزينه .

ليت تعطينن اسم الورشة اللي ركبت عنده التانكي ، وكم مقاس
عرض الحديد اللي ركّب لك ، كم ملي ؟
والله يحفظك ويحفظ الجميـــــع .

.

[sam_cq]

صراحة الفكره ممتازه وخصوصاً للباترول الربع

يعطيك العافية

[نسر العرب]

ماقصرتوا ياشباب بس نبي صور وهل شكله مناسب ام لا

ودنا بصور لا عدمتكم والموضوع جدا حلو
ودمتم

[هاوي بلادي]

مشاء الله تبارك الله

[مصور متطور 1]

السلام عليكم
هل توجد ورشة في تبوك. تسويها
ومن فين احصل على التانكلي أبو 140