أهل الشرقية ابي فزعتكم

[راعي العوجاء]

أخوكم من أهل الرياض ونقلت للخبر وما اعرف المناطق الزينة للكشتات في الشرقية وأبي فزعتكم في حاجتين:

?- ابي مواقع كشتات وربيع شبابية
?- ابي موقع ممتاز للعوائل يكون نظيف وما عليه زحمه وما يبعد اكثر من ساعة بالسيارة وتكون فيه تغطية جوال ومناسب للأطفال

[راعي المرباع]

ياهلا ويامرحبا براعي العوجاء اسفرت واونورت حياك الله . اما الربيع فماهنا ربيع وانا آخوك ، وسؤالك عن المواقع فأنا رأيي ان الطعوس اللي على طريق المطار مناسب جدا للشباب وللعوائل اذا كانت سيارتك جيب اوجمس دبل اوصيك بها . وسلامتك .

[كشات]

هلا بك راعي العوجاء

الرافعيه تقريبا ساعه الا ربع او ساعه بالكثير

حطيبات ولا فيه زحمه
بس انتبه لا تروح غرب فيه مناطق محظوره

[راعي العوجاء]

اخواني الف شكر ولو ان الرد متاخر

اخي الفاضل راعي المرباع السيارة حق بر والعدة كامله وزاهبه لا تخاف اخوك طير بر بس ابي ارسال جوال علشان العوائل ولا انا ما ابيه بس مو معناه اروح عند المطار ابي مكان نظيف وما يكون حولي احد

اخي كشات ياليت تفاصيل اكثر عن الرافعية الموقع بالضبط والوصف والاحداثي وهل هي نفود ولا فياض ولا شعيب ؟

عموماً انا اتجهت حوالي ٣٠ كيلو على طريق الرياض وكان في منطقة جميلة على اليمين اعتقد اسمها الخويلدية اذا مني غلطان

[أبوعبدالله902]

هلا براعي الرياض تبي صيدوالا كشتة اخوك ابوعبدالله وهذ جول اذتبي ختمة 0554472208

[راعي العوجاء]

ابو عبدالله الصيد مع شرواك ما ينعاف وهذي لها ترتيب على الجوال ان شاء الله لاكن حالياً ابي كشتات قريبه للاهل والاطفال

[الباسلي]

مالك الا البحر

[ولد وايل 2010]

أغلب مكشات اهل المنطقة الشرقية في محافظة ( النعيرية ) ويوجد مخيمات ايجار بكثرة
أتمنى اني افدتك

[ميكا مكشات]

الله يحيك وياهلا ومسهلا تو مانورت الشرقية اليوم كنك مثلي قبل 15 سنة أدور الكشتات والفياض والحزوم اللي في نجد عساها للسيل

اما في الشرقية فلا تطمع كثير لأن ما فيها محلات مكاشيت قريب لكن فيه محل محلين كذا يمكن يجوزلك منها شئ
على طريق ابو حدرية يجيك مفرق المطار على يسار وانت رايح للكويت تقريبا من الدمام 30 كيلو افرق للمطار يجيك محلات زينه على اليمين واليسار
ولوا انك بتلت على طول ما لفيت للمطار يعني كنك رايح للكويت يجيك محطة التسهيلات على اليمين قديمه ومهجورة فيها أعلاف وشعير على بعد 60 كم من الدمام التفت على يسارك دور لك فتحة بالشبك وادخل معها انتهى...
وترى كل مارحت شمال متجه للكويت زانت الآرض

اما اذا كنت تبي حطب ( غضا - رمث ) عليك بصلاصل 50كم طريق الرياض بس لا تجيها وقت طلوع الهوام ( حيات - عقارب ) تراهن كثر الليموزين بالرياض.
كل هالكلام هذا يصلح وقت الشتاء فقط اما في الصيف يمدحون البحر والمولات. وأبشرك بعت الشوزن وشريت سنارة

[عيد ثاني]

حياك ياراعي العوجا ..

غرّب بإتجاه الجبيل الصناعيه مع طريق ابو حدريه الدمام تحصل إن شاء الله اماكن زينه على مدخل الصناعيه من نفس الطريق ..

أو واصل طريقك إلى أن تكون محطة ساسكو على يسارك قبل كبري ابو حدريه

إن شاء الله ان المكان يعجبك وإذا أعجبك لاتنساني من دعوه في ظهر الغيب أو دعوه على عشاء ههه

[dahi1323]

اخوي الربيع موجود بالشرقيه ربيع طيب وزاهر الموقع الزبنه الزبنه خلف قرية الخليج بهاف مون طريق العجير مناظر خلابه بحر ونفد يكسوها الربيع

[بوعادل الدمام]

حياك الله ياراعي العوجاء:
الاخوان ماقصرو بكل شي واضيف عندك الفرسان بها مخيمات وحولها طعوس وبرحلو

[تيرنيدو]

وانت جاي من الرياض يجيك مدخل المطار يمين بعد اخر نقطه تفتيش

كانك رايح المطار
الاماكن هناك رووووووعه جدا وننظيفه

وحط في بالك مافيه اسواق قريبه ابدا

خذ اغراضك قبل توصل