بعد الحادث

[روافد]

حياك الله يالربع

صار لي حادث قبل فتره (الحمد لله على قضاءة وقدره) ومن ضمن الاعطال الي حصلت لسيارتي هو أن الهوك الي يركب في كفر السبير انطعج والبكره الي ترفعه بعد خربت وودي بحل لهذا المشكلة لأن الوكاله مافيها هذه القطعه والتشليح نصابين.
علماً بأن سيارتي يوكون 2009
الله يعطيك العافية جميعا والي عنده حل لايبخل علينا
شكرا لكم

[عبدالله الغربي]

الله يعينك

[برق-نعام]

الحمدلله على سلامتك
يفيدونك الاخوان

[ابو هشام]

حياك الله يالربع

صار لي حادث قبل فتره (الحمد لله على قضاءة وقدره) ومن ضمن الاعطال الي حصلت لسيارتي هو أن الهوك الي يركب في كفر السبير انطعج والبكره الي ترفعه بعد خربت وودي بحل لهذا المشكلة لأن الوكاله مافيها هذه القطعه والتشليح نصابين.
علماً بأن سيارتي يوكون 2009
الله يعطيك العافية جميعا والي عنده حل لايبخل علينا
شكرا لكم

جرب وروح ﻻي مخرطه.

بعض المخارط عندهم حلول سهله

[روافد]

شكرا للجميع على الردود


اخوي ابوهشام المشكلة أن مكان العطل خطير

ممكن أن يخرج الكفر من مكانه وهذه مصيبه

شكرا لكم

[ابو محمد 276]

روح لحداد وخلية يفصلك حديدة كرسي للكفر مثل الجيوب من تحت يركب الكفر عليها وترفعها على فوق وتمسك بمسمار كبير قوى .

[ابو هشام]

روح لحداد وخلية يفصلك حديدة كرسي للكفر مثل الجيوب من تحت يركب الكفر عليها وترفعها على فوق وتمسك بمسمار كبير قوى .

مشكلة الحدادين اخوي ابو محمد ان اللحامين اللي عندهم لك عليهم.

اي لحام له عﻻقه بالسياره ما اروح غير حداد شاصيه تريﻻت او لحام تابع لمخرطه. اما حدادين اﻻبواب معظمهم غير مؤهل

[تنومه1]

المخرطه او عامل اللحام بياخذ عليك تقريباً نفس قيمة القطعه بالتشليح وما راح يضبطها مثل الاصليه .

تفرغ يوم خميس للتشليح من الصبح ورح تلقى بسعر معقول

[تنومه1]

المخرطه او عامل اللحام بياخذ عليك تقريباً نفس قيمة القطعه بالتشليح وما راح يضبطها مثل الاصليه .

تفرغ يوم خميس للتشليح من الصبح ورح تلقى بسعر معقول

[الشهابة]

السلام عليكم ..

في البداية أعرف سعر القطعة الأصلية اللي أنت محتاجها ..

و إذا كنت في الرياض في ورشة في صناعية العويضة في مخرج 17 أسمها الزايدي يشتغل في مثل هذي الأمور و لكن ممكن يكون ترهيم قطعة شبيهه أو تحل مشكلتك بنفس سعر القطعة الأصلية للكفر الإحتياطي ..

على العموم إذا كنت بتروح لورشة الزايدي هذا وصفهم .. من مخرج 17 على الدائري الشرقي ( طريق الأمير سلمان ) أدخل صناعية العويضة و رح لمركز ترايستار حق تصليح القيور إسأل عنه و الكل يدلك و إذا لقيته خله على يمينك و أدخل شارع 30 و اتجه شرق تجيط الورشة على يمينك آخر الشارع .. إذا وصلته أشرح له مشكلتك و بإذن الله بيلقالك حل ..

بالتوفيق