الفزعة الفزعة يالربع ياهل الديماكس

[المنبسط]

السلام عليكم
يالربع الفزعة الفزعةعبيت ديزل على خط القصيم وبعد عشر دقايق ولعت لمبة الماكينة وما صار الانبير حق المكينة يتعدى 2وش الراي
ديماكس 2009 ماكينة 3000 ماشي 100 الف وصارت تطلع ريحة الكلتش
الموقع الرياض

[مسامر القمرا]

ابشر بالفزعه يالمنبسط وان شاء الله انك بتنبسط
هالمشكله صارت لي قبل شهر

ورحت للوكاله وفحص كومبيوتر وصار حساس الدعسه خربان غيروة وظبط الحمد لله
انت غيرة ونظف او غير فلتر الهواء ونظف جميع خراطيش الهواء ونظف حساس الهواء اللي يجي بسلك وفيش في بدايه خرطوش الهواء اللي طالع للتيربو ومكان حساس الدعسة خلف التيربو مشبوك فيه فيشين لﻻسفل
هذا اللي صار معي وتغير عزم الموتر ماشاء الله وظبطت اﻻمور ولله الحمد

[المنبسط]

بيض الله وجهك يا مسامر القمرا
لكن هل طلعت معك ريحة الكلتش؟

[المنبسط]

رحت الصبح لميكانيكي وقال عندك مشكلة اما في الطرنبه او البخاخات

[المنبسط]

بالنسبة للحساس في اول الخرطوش فكيته ونظفته
وما تغير شي

[ابوياسر1971]

متاك ماغيرت فلتر الديزل

[المنبسط]

حياك ربي ابو ياسر
الفلتر مغيره قبل شهرين
ومع ذا اليوم فكيت التانكي ونظفته وغيرت الفلتر احتياطا
وقلت لعل وعسى لكن للأسف ما زالت المشكلة

[yes999]

المنبسط وش صار ع مشكلتك ؟
============
وهل هناك فلتر يركب في فتحة تعبئة وقود الديزل - يفصل الماء والشوائب اذا الديزل مغشوش ؟؟؟؟؟ > اتوقع سؤالي يحتاج خبيررر ^_^

[Almana_M1]

حل مشكلتك غير او نظف حساس الهواء اللي يصير حول قربة او صندوق فلتر الهواء

[Almana_M1]

المنبسط وش صار ع مشكلتك ؟
============
وهل هناك فلتر يركب في فتحة تعبئة وقود الديزل - يفصل الماء والشوائب اذا الديزل مغشوش ؟؟؟؟؟ > اتوقع سؤالي يحتاج خبيررر ^_^

فيه فلتر يكون تحت مرتبة السائق ولا يحتاج تغيير ابداً ولكن تنظفه اذا ظهرت لك لمبة في الطبلون علامة حمراء وفي وسطها ماء وتلقاء طريقة تنظيفه في كتلوج السيارة