15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 2 12 الأخيرةالأخيرة
النتائج 1 إلى 15 من 16

الموضوع: تحويل قير أتوماتيك ألى عادي

  1. #1
    تاريخ التسجيل
    Oct 2011
    المشاركات
    42

    تحويل قير أتوماتيك ألى عادي

    السلام عليكم
    أتمنى من لديهم خبره في أساسيات تحويل القير الأوتماتيك ألى قير عادي ( باترول صالون 97 )
    يدلوني على أهم الاشياء الضروريه الي يتم تغييرها خوفا من استغلال بعض الورش وكذلك التكلفه اذا كانت معلومه , وأذا فيه ورش مشهوره في هالجانب اتمى ان تدلوني عليها بمدينه الرياض جعلها الله في موازين حسانتكم

  2. #2
    تاريخ التسجيل
    Jan 2012
    المشاركات
    169

    رد: تحويل قير أتوماتيك ألى عادي

    اقتباس المشاركة الأصلية كتبت بواسطة أبودانه لحربي مشاهدة المشاركة
    السلام عليكم
    أتمنى من لديهم خبره في أساسيات تحويل القير الأوتماتيك ألى قير عادي ( باترول صالون 97 )
    يدلوني على أهم الاشياء الضروريه الي يتم تغييرها خوفا من استغلال بعض الورش وكذلك التكلفه اذا كانت معلومه , وأذا فيه ورش مشهوره في هالجانب اتمى ان تدلوني عليها بمدينه الرياض جعلها الله في موازين حسانتكم


    نصيحه لك ....

    المصاريف والمتاهات الى بتدخل فيها .... راح تخليك تعااف القير العادى ...!!

    الأوفر والأفضل لك اذا كنت مصمم على القير العادى أنك تبيع السياره وتشترى غيرها








    قير عادى . وسلامتك يالغالى .

  3. #3
    تاريخ التسجيل
    Feb 2012
    المشاركات
    744

    رد: تحويل قير أتوماتيك ألى عادي

    شوف لك موتر نفس موديله بالتشليح عايدي وخذ اغراضه كلها منه طبلون ودسك وصحن وباكم وليات ورديتر اشياء كثير لازم تغير افضل طريقه مثل ماقلتلك تروح التشليح وتشلح القير واغراضه وبع اغراضك عليه وعطه الفرق وتحصل ناس يركبون لك يقول نزل الموتر عندي وتجي تلقاه جاهز بس اذا قيرك تمام تراه افضل لك من العايدي والخساره تبي تخسر واجد الا اذا موترك يستاهل وماراح تبيع توكل على الله واستخر وراح تشوف الصح

  4. #4
    تاريخ التسجيل
    Jun 2012
    الدولة
    حائل
    المشاركات
    1,290

    رد: تحويل قير أتوماتيك ألى عادي

    لاتقرب الترهيم وانا اخوك
    خساير في خساير ولا رايح تضبط الشغله
    ماله أمان المرهم
    مامثل شد البلد
    شف اللي رهمومواترهم كلهم يشتكون من ضعف بالموتر بالنفود
    والسبب الكوارين تختلف عن القير العادي
    ارجو انك تستخير وتترك عنك هالشغله كله وتريح راسك من كل يوم يطلع لك عطال
    من ورى الترهيم
    اتمنى اني افدتك واتلباقي يفيدونك فيه بقية الاعضاء
    مع تحيات
    ال سي وان


  5. #5
    تاريخ التسجيل
    Sep 2008
    الدولة
    تبوووووك الورد
    المشاركات
    3,497

    رد: تحويل قير أتوماتيك ألى عادي

    صحيح ان القير التماتيك ثقيل ومايتحمل الجور لكنه مريح جدا ع الاقل ترتاح من صوت الفحمة ومريح جداً للمكينة وفي الرمل أفضل القير التماتيك لأنه يرد نمرة بسرعة
    عموماً الترهيم مو ذاك الخطرية والتعقيد وانا ما اعتبره ترهيم لأن السيارتين نفس بعض تماتيك وعايدي

  6. #6
    تاريخ التسجيل
    Mar 2008
    المشاركات
    637

    رد: تحويل قير أتوماتيك ألى عادي

    تحتاج حذاف وعلبتين كلتش وحدة فوق وحدة تحت..وديسك وصحن..ودعسة كلتش وباكم لتليين دعسة الكلتش .....وسلامتك...........
    بس لوتعلمنا وش سبب رغبتك للقير العايدى يمكن نعطيك حلول مناسبة ماتحتاج معها انك تغير القير...

  7. #7
    تاريخ التسجيل
    Aug 2012
    المشاركات
    203

    رد: تحويل قير أتوماتيك ألى عادي

    سبحان الله وبحمده سبحان الله العظيم

  8. #8
    تاريخ التسجيل
    Oct 2011
    المشاركات
    42

    رد: تحويل قير أتوماتيك ألى عادي

    أولا الله يجزاكم خير الجزاء على الردود الكافيه والوافيه ما قصرتوا جميعا
    والسبب اني بغير القير انا اروح للرمله ولا ينفع القير الاتوماتيك والموتر حليل يستاهل هذا السبب الوحيد للتحويل

  9. #9
    تاريخ التسجيل
    Oct 2008
    المشاركات
    538

    رد: تحويل قير أتوماتيك ألى عادي

    أخوي الغالي إسمع كلام الأخوان اللي ينصحون بعدم الترهيم لاترهم ولا تقرب الترهيم إلا إذا كانت فلوسك زايده وتحب تداوم كل يوم في الورش .
    بعه وأشتر واحد نظيف وريح راسك

  10. #10
    تاريخ التسجيل
    May 2010
    المشاركات
    1,046

    رد: تحويل قير أتوماتيك ألى عادي

    السلام عليكم

    كثير من الناس حولو من تماتيك لعادي وحتى الفتك وماوجهو مشاكل الفرق في ان الموتر يمد أكثر مايصير حاشر خصوصاً ب 2 لراعي الرملة وتراه ماتكلف بالموديلات القديمة لان القير العادي ما يتعدى 1300 ريال والتماتيك فوق 3000 ريال ما توقع تزود عن 3000 ريال مع الرجيع
    الفتك حسب ما سمعت يقلبونه ب 5000 ريال مع الرجيع عند ابو وليد الصمعاني

  11. #11
    تاريخ التسجيل
    Jul 2011
    الدولة
    آلقصيم + آلريآض
    المشاركات
    248

    رد: تحويل قير أتوماتيك ألى عادي

    اخوي فيه ورشة في بريدة في التشليح ابوعبدلله الصمعاني اسال اي واحد عنه في التشليح يعلمك

  12. #12
    تاريخ التسجيل
    Aug 2008
    المشاركات
    217

    رد: تحويل قير أتوماتيك ألى عادي

    هذا رقم جوال ابوعبدلله الصمعاني

  13. #13
    تاريخ التسجيل
    Jun 2012
    الدولة
    حائل
    المشاركات
    1,290

    رد: تحويل قير أتوماتيك ألى عادي

    اخوي ابو دانه الحربي
    انا مثلك بالضبط احب القير العايدي ومعي فتك 2006 قير تماتيك وعايدي تبترونك
    بعته امس والسبب انه تماتيك مع انه نظيف جدا
    وان شاءالله ابي اطلع موتر جديد من الوكاله قير عاااااااااادي
    احس خيار انك تسوي مثلي ولا تقرب الترهيم وسنينه مابه الا وجع القلب
    وكثرت الخساير
    بعه ودور بقريشاته موتر حليل قير عادي
    والله ييسر امرك
    وبالتوفيق

  14. #14
    تاريخ التسجيل
    Oct 2011
    المشاركات
    42

    رد: تحويل قير أتوماتيك ألى عادي

    اللهم أجزهم خير الجزاء
    والله اني محتار ولاكن الفيصل هو صلاه الاستخاره
    كلكم وافين الله يرحم والديكم واسأل الله ان يكون في عونكم كما كنتم في عوني بالمشوره

  15. #15
    تاريخ التسجيل
    Jul 2009
    الدولة
    السعوديه - القصيم بريده
    المشاركات
    300

    رد: تحويل قير أتوماتيك ألى عادي

    بع جيبك الحالي

    واشتر جيب قير عادي

    الترهيم مستحيل يكون مثل شد البلد


    القير الأوتوماتيك بالزحمه مريح جدا ؛ والقير العادي يتحمل الكرف

    كلتشات القير الأوتوماتيك تكون داخل القير ؛ يعني اذا احترقت الكلتشات لازم توضيب القير

    كلتش القير العادي ما يكون داخل القير ؛ يكون بين المكينه و القير ؛ واذا احترق الكلتش تغير ( كلتش - دسك - فحمه - يمكن تحتاج خرط او تغيير الحذاف ) وصلى الله وبارك


    اللي سيارته قير أوتوماتيك ؛ ياليت يحافظ على تغيير زيت القير والفلتر كل 60 أو 40 ألف

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •