لاهل الخبره بالنيسان فزعتكم ياشباب بحاجه لكهربائي او خبير

[ملك الألقاب]

السلام عليكم ورحمة الله وبركاته
صبحكم الله بالخير ياشباب لاهنتو ابي فزعتككم ابي افضل كهربائي سيارات بالزلفي به سيارة واحد من الشباب تطفي بدون سبب ويدق سلف ماتشتغل طبعا واذا اشتغلت ورفع رجله عن الابنص ( البنزين ) تطفي تشتغل مره وتجلس شوي وتطفي وهي شغاله لمبات التشييك كلها مولعه طبعا السياره التيما 6 سلندر 2007

[ls1.5700]

ابي اقولك شي يمكن ينفع
افصل اصبع البطاريه السالب اكثر من 40 دقيقه انتبه السالب فقط يعني الموجب خليه راكب لاتحركه تلخبط الكمبيوتر
وبعدها ركب الصبع وشغل اذا ضبطت الحمدلله انتهت المشكله
واذا مانفع
شيك على طرنبة البانزين قد يكون فيها ضعف ماتدفع صح
بس ان شاءالله ينفع الحل الاول
بالنسبه للورش ماعندي علم اعذرني انا من الشمال
ولا اعرف غير ورشة بدر الحمد بالزلفي بس
بالتوفيق

[أبو سليمان...]

يا الغالي قد حصلت لي نفس المشكلة بالتيما 2004 المشكلة من حساس الهوا شيك عليه

[mekshaat]

من تجربتي اذا ولعت لمبات الطبلون التشيك انجن والاي
بي اس وعلامة المفك هذا معناه الكمبيوتر ضارب واذا تبي
تتأكد افحص السياره كمبيوتر وراح يعطيك كمبيوتر الفحص
قراءه خاطئه لبعض الأعطال وعلى كلام المهندس اللي
فحص سيارتي يقول ميموري كمبيوتر السياره اذا ضرب
يعطي قراءه غير صحيحه للأعطال ومافيه حل الاتغيير
الكمبيوتر لكن برسل لك رقم كهربائي ممتاز جدا متخصص
باصلاح كمبيوترات السيارت وفاهم بالمشاكل المعقده
بيعطيك سبب المشكله وحلها وبالتوفيق.

[ls1.5700]

يا الغالي قد حصلت لي نفس المشكلة بالتيما 2004 المشكلة من حساس الهوا شيك عليه

كلامك صحيح الحساس يسوي كذا
احييك اخوي

[محمد العبري57]

السلام عليكم
اعتقد المشكله في حساس الكرنك
يجي مكانه بين المكينه والجير

بس اذا انا غلطان يفيدوك اهل الشباب اهل الخبره

[الواهج]

oxgen sensor

[ls1.5700]

oxgen sensor

اخوي هذا حساس الشكمان
ماله دخل بالمشكله ولا يمنع التشغيل اغلب السيارات خربان فيها الحساس
سنوات ولا عندهم مشكله
صحيح يزود صرفية البانزين بس ماله دخل في مشكلة الرجال

[ls1.5700]

السلام عليكم
اعتقد المشكله في حساس الكرنك
يجي مكانه بين المكينه والجير

بس اذا انا غلطان يفيدوك اهل الشباب اهل الخبره

اخوي حساس الكرنك يمنع التشغيل نهائي
والرجال يقول تشتغل السياره بس يارفع رجله عن البانزين تطفي
الله يعطيك العافيه على المشاركه

[ملك الألقاب]

يعطيكم العافيه ياشباب بيض الله وجيهكم جميعاًًً
بالنسبه للسياره شفناها اليوم لقيت اديترها فاضي وعبيتها ومشينا عليها طبعا يحصل فيها زي التفتفه مايندرى وشي وارتفعت الحراره , الاديتر طبعا فيه تهريب من فوق الطبه حقته ماش المهم عبيناه ومشينا حدود خمسه كيلو وارتفعت الحراره عاد عقب 30 كيلو ارتفعت فوق النص وتركناها لين تبرد وعبينها مويه شوي وشغلتها عشان اكمل تعبيه وطلع من الاديتر مدري بخار او دخان الله اعلم مشكورين ياشباب