مجارات القصيده للشاعر عشق الغربه

[&ذيب الحره&]

بسم الله الرحمن الرحيم
هاذي مجارات لقصيدة الشاعر ذيب الحره من الشاعر عاشق الغربه وابي رايكم ((رد على كيف تختار خويك))

تأخرت عليكم لاني طلعت الخميس ةوالجمعه تعرفون ليش واعذرونا عن اقصور ..


1-لاصار دمعك في عيونك محابيس**انا تراني فاضحتني دموعي
2-بيض الليالي مقتفيهن غطاليس**وماراح لاتطريه كانه يروعي
3-لا لج في وسط الضماير هواجيس**صعب(ن)على الملتاع حبس الدموعي
4-يفضح ضلام اليل خلف الكواليس**شمس(ن)من المشرق بدت بالطلوعي
5- ويا بو بدر ماتفيد الهواجيس**ولايدفي البردان ضي الشموعي
6-كانك سهرت اليل هم وتواهيس**انا سهرته والخلايق هجوعي
7-مع طاري الخوه جرالي فواحيس**سعاير(ن)شبت بداخل ضلوعي
8-ذكرت منهم بالمخاوا فراريس ** مطوعين ضروف الايام طوعي
9-خوة عطيبين الفعايل نواميس**تجارة(ن) لأهل العقول السنوعي
10-مدارسن(ن)فيها من العلم والقيس**كنز الرجال وكل علم(ن)نفوعي
11-عز الخوي لاصار درع ومتاريس**متراس عز(ن)لانصيته يفوعي
12-درع(ن)عن الشدات مثل التضاريس**لوهو بعيد(ن)عنك من اقصى الربوعي
13-يلفحك بطيبه مثل نفح النسانيس ** ويسقيك من حلو الطبايع طبوعي
14-يمشي سنود ولايطب الخراميس ** يرقا صعيب الدرب ماهو خموعي
15-وبعض المخاوافيه هم(ن)وتنكيس**تلقاه يوم و غايب(ن) كل السبوعي
16-واليا سألته وين غيبتك ياقيس**يردم من الأعذار تسعين نوعي
17-لاحتاجلك قوس على الباب تقويس**ولاحتجتله قفا سريع مهلوعي
18-يضحك بوجهك كنها ضحكة ابليس*ولاقفيت عنه صار وده يصوعي
19-يرسل سوابيره بدربك جواسيس**كنك على حربه جمعت الجموعي
20-هذاك خله والعلوم ادنافيس**خله على درب الرذاله دنوعي
21-ماني من الي يلتفت لدلاقيس**عيني تصد ولالتفت لرجوعي
22-ولاشفت مايجلب علي الوساويس**اسجد لرب الكون عقب الركوعي


&&وسلامتكم وصح لسان اخوي عاشق الغربه&&

[أبو شعلان]

بسم الله الرحمن الرحيم

مدارسن(ن)فيها من العلم والقيس ** كنز الرجال وكل علم(ن)نفوعي

عز الخوي لاصــار درع ومتاريس ** متراس عز(ن)لانصيته يفوعي

ماشالله تبارك الله ....ألف شكر لك أخوي ذيب الحرّه .... وصح لسان الشاعر عاشق الغربه ....

الصراحه قصيده رائعه جداًَ

وننتظر المزيد من الجديد

,,,,,,,,,,,,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,,,,,,,,,

[&ذيب الحره&]

يعطيك العافيه اخوي ابوشعلان دايم انت راعي الاوله وكالعاده الزيارات اكثر من الردود

[نقا هشال]

هلابك ياغالي

يعطيك الف عافيه

تسلم على طرح القصيده الرائعه

وصح لسان الشاعر عاشق الغربه