مواطير هواء تجي مع الفورد والبيوك الفديمة بالشنطة! من عنده خلفية؟

[abu.abdallah]

بسم الله الرحمن الرحيم

السلام عليكم ورحمة الله وبركاته..

حيا الله الإخوة المكشاتيين جميعاً، بشروا عنكم؟

أذكر أحد الإخوة -قديماً- ذكر لي انهم يروحون للتشاليح وياخذون مواطير هواء موجودة في الفورد والبيوك القديمة مهمته رفع السيارة عند الحمولة الزائدة، الشاهد انهم ياخذونها ويرهمون لها لي هواء وتصير عندهم بدل المواطير العادية..

اللي عنده خلفية ودي أسأله كم سؤال بسيط؛

س: ماهي السيارات والموديلات اللي أجد فيها هذا الماطور؟
س: إذا جيت للتشليح وش أقوله؟
س: كم سعرها تقريباً؟
س: أيهم أقوى وأجود وأسرع هي ولا أبوجمل؟
س: وين أرهم لها ليّ ويفضل يكون عريض حتى بدخل هواء أكثر؟

وجزاكم الله خير والمعذرة على الإطالة وكثرة الأسئلة (:

أخوكم: أبوعبدالله..

[المناعي2]

مرحبا أخوي و الله كان عند الوالد الله يرحمه و يغفره أن شاءالله فورد لاكولن 98 صالون و كان فيه مكينة هوه على الرفرف الامامي الأيسر و شغلتها عند تحميل السيارة أزيادة عن الازوم تقوم بنفخ الجامبينات حتى يرجع أرتفاع السيارة الطبيعي و بتوفيق........

[أحمد محمد1429]

بيوك موديل 80 وفوق
المرسيدس 500 موديل القديم 80 وفوق
الفورد ماعندي علم عنه

[abu.abdallah]

مرحبا أخوي و الله كان عند الوالد الله يرحمه و يغفره أن شاءالله فورد لاكولن 98 صالون و كان فيه مكينة هوه على الرفرف الامامي الأيسر و شغلتها عند تحميل السيارة أزيادة عن الازوم تقوم بنفخ الجامبينات حتى يرجع أرتفاع السيارة الطبيعي و بتوفيق........

آمين الله يغفر له ويجمعكم بجنات النعيم قل آمين..

جزاك الله خير

[abu.abdallah]

بيوك موديل 80 وفوق
المرسيدس 500 موديل القديم 80 وفوق
الفورد ماعندي علم عنه

أيهم أفضل وأرخص؟ ووين مكانها بالسيارة؟

[أحمد محمد1429]

البيوك يجي الماطور داخل الكبوت فوق الرفرف الأيسر
بالنسبه للأفضل والرخص ماعندي خلفيه

[4x4ofroad]

الكدلك القديم
اللنكن القديم
البيوك القديم
ومن واقع تجربه نفخ ابو جمل او الرمايه اسرع منه
لكن ميزته يكد ويتحمل ومايحتر
انا مرهم اثنين على بعض واقارنها بابو جمل الاصلي او الرمايه اكتشفت ان اللي عندي ماطور سوداني

[NissaN 1990]

رهمت أثنين مع بعض حقات بيوك وطلعت خرطي
ورحت سويت بحث عن المواطير اللي بالسوق ولقيت ان أفضلها واحد إيطالي شريته من شارع الريل ب 1200 ريال وكيله التويجري بس يستاهل وميزته ماله صوت ولا يحتر وسريع بشلك خرافي وهذا أهم شي عندي
واللي بعده او نفسه ARB الأسترالي اللي عند الرمايه وهو ب 1150 ريال
واللي بعدها أبو جمل

[ajaa2009]

صحيح كلام الاخ نيسان
عليك بأبوجمل راس واحد الي يجي تحته بليته قيمته من 350الى375

[راعي المجهم]

ماينفع لا تخسر فيه

شريته من التشليح بـ 80 ريال حق بيوك قديم

الكفر يقعد ينفخ فيه 6 دقايق طررررررررررررررررر

4 كفرات نص ساعة تنفيخ

[abu.abdallah]

شوركم وهدلية الله، يبدو ان خذي المواطير غير مناسبة لي..

وبالنسبة للنوع الايطالي والثاني غاليات الصراحة (:

ياحبيل ابوجمل (:

[4x4ofroad]

انا خذيت ماطور الرمايه ب345
بصراحه سرعته خرافيه
اخاف اعطيكم الوصف تقولون يبالغ
لكن والله انه ماطور بطل

[NissaN 1990]

شوركم وهدلية الله، يبدو ان خذي المواطير غير مناسبة لي..

وبالنسبة للنوع الايطالي والثاني غاليات الصراحة (:

ياحبيل ابوجمل (:

هو غالي بس لو تقعد كل فتره تشتري لك صيني لأنه كثير خراب ولا يتحمل تبي توصل سعر الأيطالي او الاسترالي فلذالك اختصر الكلام على نفسك ووفر فلوسك واشتر شي لك وللزمن

[HAS5SAN]

ما انصحك فيهن ابد
ابحث عن منفاخ ابو جمل تيربو
او ابو راسين