طريقة تقييض الطير في المنزل ..

[رآعي جملآ]

السلام عليكم ورحمة الله وبركاته ..

اولا احب اصبحكم / امسيكم بالخير< كلن حسب دخوله 🌹😊

الكل عارف وصلن
ا لنهاية الموسم وقرب المقيض والكل يدور لطيره المربط الزين ..
وبالنسبه للي وده يقيض طيره عنده بالبيت وتحت عينه ..

اتمنى من اخواني الاعضآء والمشرفين والاداريين .. ذوين الخبره في مجال الصقارة ..

(( اخوي ذرآع آلذيب .. و .. الاشقر .. و .. الخ )) ولا يهونون باقي الاخوان والسموحة ترى ماني قديم بالمنتدى هههههه ..

انهم يفيدوني ويفيدون الاخوان الي يبيون يقيضون طيورهم بالبيت ولا عندهم مربط بالبيت ..

ماهو اسهل طريقه لبناء مربط طلق وسهل ولا يكلف ..


طبعا يكون من شبك تفصيل وليس بناء ..
لان انتم عارفين البنآء يكلف وطابوق واسمنت وقروشة ويبي له دراهم

ملاحظة : انا قد زرت احد المستشفيات بدولة الامارات في دبي مستشفى للطيور ولقيت في خلف المستشفى شبوك فيها طيور وكل شبك تقريبا 4 في 3 وارتفاع 2 ..

وحاطين تور للذباب والحشرات .. وكان الموسم صيف حر والغريبه انهم مو حاطين مكيفات!!

هل ينفع اسوي نفسه لطيري ؟

ارجو من الاخوان انهم يفيدوني ويفيدون اخواني المبتدئين في الصقارة والمقييض
بكل ما نحتاجه لتقييض الطيور بالبيت

وكل من عنده معلومة لا يبخل علينا .. 😊🌹


السموحة على الاطاله ..

[أبو أمين]

يا مرحبا

بناء المقيض سهل ، اداره المقيض اذا كنت مبتدي صعبه وكلن بدى يتعلم والي الان الناس تتعلم

اما البناء طال عمرك عندي غرفه مسويها فالبيت كنت اقيض فيها سابقاً وطبعا كانت ربط

١- ابني لك غرفه من الخشب مربعه ٣ في ٣ او اللي تبيه حسب المساحه عندك لكن اذا كان عندك طيرين

تراها تكفي برتفاع ٢ متر ونص والسقف من الخشب وفوق الخشب الشينكو الابيض

طبعا الارتفاع اول متر ونص خله مغلق بالخشب طبيعي والباقي خله شبك حديد البسيط لا هو قوي ولا هو ضعيف

ولبسه الشراع الاخضر حق المشاتل والزروع عشان الحشرات والناموس .

٢ - افرشه رملت طعس احمر نظيفه جايبها من البر وبكيفك تبي تربط الطير عليها او على وكر ارضي بس انا

انصح انك تربطه على الرمل اريح له وقصر المربط وخل له مجول عشان ما يلتوي الطير ولبس السبق باللي حق

المكيف الصحراوي بعد عشان ما يلتوي السبق على رجله واربط الطير بسبق واحد فقط ما يحتاج الاثنين.

٣- صحن فخار عشان الماء اللي يشرب فيه وتغيره كذا مره فاليوم وكل ما توصخ تغيره ضروري .

٤- مشخل عشان المروش والقاري بكرامه وسطل لتنظيف و شد حيلك بالتنظيف عشان ما تتراكم البكتيريا

واجمل في عينك يوم يكون المكان مرتب ونظيف.

٥- مكيف صحراوي من اي سوبر ماركت ب ميه او ميتين ثلاث ميه ان كثر وتعبيه مويه وتحط ثلج عشان يبرد

وانتبه على المويه لا تخلص ترا يطلع هوا حار او يخرب المكيف وضروري وقت عشى الطير تشغله عشان الطير

لا علف يحتر ولا مانع من تطفيه المكيف فالليل الين ساعات الصبح الاولى اذا كان في تيار هواء يخش للغرفه وطبعا لازم

قبل تفصل الغرفه تعرف تيار الهواء من وين جاي لان المربط نصه مفتوح وما عليه الطير والمكيف تحطه بزاويه المربط

من الداخل وتمد له توصيله عشان الكهربه .

٦- تحط على الباب قفل وتكتب ممنوع دخول البقاره هههههههه

٧- العلف ان بغيت تنوع وان بغيت تعطي سمانه من تجربتي النتيجه وحده وزيت كبد الحوت تلاقيه حبوب فالصيدله

تعطي الطير حبه كل ثلاث ايام مره تحطها مع العلف ولا تحرص مره عليها يعني سدد وقارب ولا تنسى تحط

النجيله حقت الوكور للعلف عشان الطير ما يوصخ علفه الرمل وباقي العلف لازم تنظفه على طول .

٨- لمبه للنور وقت العشا .

٩- خيشه رز ابو كاس هههه حطها في احد الزوايا عشان تجمع الريش .

١٠- كل الشغل هذا ما راح يكلفك اكثر من الفين ريال على خبري ههههههههه مدري عن الاسعار الحين ههههه.

١١ - افحص طيرك والمدهنه وطعمه وقص بوزه ومخاليبه وفالك القرناس الطيب .

تحياتي

[نجم404]

الله يجمل حالك ياراعي جملا وشكرا على اامعلومات ولا يهون ابو امين

[رآعي جملآ]

الله يجزاك خير اخوي ابو آمين كفييت ووفيت بالمعلومات القيمة الي يحتاجها كل صقار مبتدئ في تقييض طيرة

الله يجمل حالك اخوي نجم وشاكر لك على المرور الطيب ..

عاد حنا الحين بأنتظار الاخوان الصقارة المعروفين مثل اخونا ابو امين و وذراع الذيب و هزاع ابو مشعل ولا يهونون باقي الاخوان بالتفاعل معنا في هذا الموضوع ����

[(هزاع)]

هلابك ياراااااااعي جملا
موضوع المربط البيتي كل صقاااااار يتمنا ان يقيض طيوره بمربطه ااااااااالخاص
لااااااكن يرده اااااالارتباطات وضروف اااااااالحياه من سفر وغيره
وااااااااللي لديه امكانيه ووقت مامثل المربط ااااااااالخاص
اخونا الاخ ابو ايمن ماقصر بااااااااالشرح
ومن الاشياء المهمه الانتباااااااااه لمصادر الطاقه من غاز وكهرباء حيث يكمن خطرها
وايضن الانتباه الى المكيفات الفريون ذااااااات الشباك القريبه حيث تدفع الهواء الحااااااار بتجاااااه المربط
والانتباه لئلا يكون المربط على وجهة اندفاع السياراااااات كئن يكون امام اوخلف موقف السياره والخطاء واااااااارد
اتمنا لك ما اااااتمنا لنفسي رضى الله ثم رضى الوااااالدين واااااااالستر وااااااالعافيه

[رآعي جملآ]

بيض الله وجهك يابو مشعل ويابو امين عزز الله انكم ماقصرتوا وكفيتوا ووفيتوا ..

لاكن عندي استفسار هل المكيف ضروري !!!
المكيف الصحراوي ماينفع بمنطقتي لان البيت على البحر والاجواء شبه رطبه ..

والطير وكرية جزائرية هل تتحمل المقيض كامل بدون مكيف !!؟

[ذراع الذيب]

السلام عليكم ورحمة الله وبركاته

هلا والله وغلا

بأخوي راعي جملآ

والله ماقصروا خويانا ابوامين.. ومشرفنا ابومشعل وباقي الاعضاء عزالله ماخلوا لنا شي نقوله الله يبيض وجيهم ايه والله

واذا مكانك مكشوف والهواء فيه سردادي مردادي مايحتاج مكيف ، كانت عندنا وكاره وجبليات الله يذكرها بالخير كنا نقرنسها بالساحل بدون مكيف

عادي تقرنس احلى قرنسه وتصفي بدري لاكن اذا مكانك مقفل بالحيل حط مكيف والله يوفقك وأحكر البراد عند المربط بكل عصريه

[رآعي جملآ]

يامررحبا ومسهلا بذراع الذيب ماقصرت ريحتني كنت محاتي سالفة المكيف هههههههههه

بالنسبة للمكان ماشالله الهوا فيه حلو وبيض الله وجهك على المرور الطيب ..

لاتحررمونا طلاتكم الزينه

[mawkli007]

شكرا لك اخي

[صقار الأسياح]

اخوي مشكور ع الموضوع لأكن قلت قرب نهاية موسم المقناص وهذا غير صحيح الان تقريبا منتصف الموسم

[ابرق الحرار]

اخوي مشكور ع الموضوع لأكن قلت قرب نهاية موسم المقناص وهذا غير صحيح الان تقريبا منتصف الموسم

صباح الخير اخوي صقار الاسياح الموضوع حق مقيظ العام الله يحييك

[احد الأعضاء]

خذ رأيي لا تقرب الربط بالبيت لابد ما تنشغل عن الطيور والطير المربوط يحتاج الى مراقبه ورعايه الا اذا كان لديك عامل يعرف للطيور

[نمر الصحراء]

ماقصرو الاخوان