تلف اﻷطار الخلفي قبل اﻷمامي

[ماء نوفا]

السلام عليكم
سؤال لماذا تتلف اﻷطارات الخلفيه قبل اﻷماميه وليس موتري فقط ﻷني اشوفه في مواتر ومواتر لا مع انه نفس الهواء

[Salamah.y]

عليكم السلام و رحمة الله و بركاته


الوضع الطبيعي , ان الإطارات الأمامية تتلف قبل الخلفية
لذلك , بعض كتيبات الإستعمآل في السيارات , ينصحون بتبديل مكان الإطارات بشكل X
بعد كل 12 ألف كيلو ,, و ذلك لجعل الإطارات الأمامية بحاله أفضل قدر المستطآع ~

اما الاطارات الخلفية تتلف قبل الأمامية , هذي اما يكون فيها ميله بالشاصي
او انه يحمل حمولات زائدة بشكل مستمر , او رآعي تفحيط ,, و الله أعلم !!

,

دمت بخير
@~

[sgl2002]

الاغلب بسبب ان الحمل الاكبر عليها دائما


لذلك تجد وزن الهواء المكتوب ع الباب دايم يخلي اللي ورا عيارها اعلى من الامامية

[0راعي الجبيل0]

اذا السيارة فريول ورى مثل السكويا وخاصة السيارات الثقيلة يتلف الخلفي قبل الامامي
من تجربة

تحياتي
ابوحمدان

[ماء نوفا]

يعطيكم العافيه بي الموتر ماحمل عليه ضئ ابدأ والفرق واضح والموتر جديد

[خبايا انسان]

والله انا رايي غير ,, الكفر الخلفي مع المديورات ومع اللفات يتسحك او يتمسح لانه مثبت للامام ,, اما الفكر الامامي ف مربوط بالدركسون اذا ديورت واذا لفيت مايتمسح او يتسحك ,, والله اعلم

[شايب حرب]

غريبة تتلف الكفرات الخلفية قبل الامامية

يوجد لديك مشكلة في الكفرات او السيارة

ماهو نوع السيارة والكفرات

[دحيم الفزعة]

السلام عليكم ورحمة الله

أنت ما حددت نوع السياره وموديلها


تختلف أنظمة التعليق في السيارات


لذلك تجد في بعض أنواعها عمود ربط ( رباط ) يشد الفلنجه في مكانها له وزنيه


قم بفحص إستقامة الكفر الخلفي بميزان الماء ( تبع المبلط )


وأوزن الكفر عليه


وإذا يوجد أداة أكثر دقه من ميزان الماء إستخدمها


ودمت بود ===

[((ابوملاك))]

انا معي شاص ٢٠١١ ونفس الحكايه

[ماء نوفا]

اخواني الموتر جيب ربع 2012
والشئ هذا الاحضه في مواتر كثيره واكثرها جدد

[ملهاب]

بسبب دوران الكفرات الخلفيه الناتج عن حركة الكرونية الذي يولد حركة اكثر ودوران

[العنابي 616]

تطمن شي طبيعي

[كاشت بالبر]

على حسب نوع دفع السياره وعلى حسب أسلوب القياده
يعني

سيارات الدفع الخلفي :

الكفرات الخلفيه تتمسح أسرع اذا كنت راعي تفحيط يعني تدعس للبنزين فجأه وتخلي الكفرات تفحط

وسيارات الدفع الأمامي :

الكفرات الأماميه تتمسح أسرع اذا كنت راعي تفحيط يعني تدعس للبنزين فجأه وتخلي الكفرات تفحط


وفيه سيارات كفراتها الخلفيه تكون فارشه شوي شد بلد عشان تعطي منظر وايضا اتوقع تزيد الرساوه

[4x4ofroad]

كلامك لاينطبق على سيارات الدفع الامامي
بسبب ان الثقل قدام والاندفاع يعتمد على الكفرات الاماميه حتى لو ماكنت تفحط الكفرات تتاكل وهي تحاول تدفع السياره الى الامام
وسيارات الدفع الخلفي كذلك
انا الاحظها بالبالون على موتري
وازيدك من الشعر بيت كل الكروزرات اللي مركبين بالون تلقى الكفر الخلفي اليمين ينسحل قبل اليسار لان اغلب دفع الدفرنس على العكس اليمين ووزن السياره قاعد يدفه الكفر اليمين الخلفي فطبيعي ينسحل قبل الليينسحبون سحب بدون جهد

[ماء نوفا]

يعطيكم العافيه ماقصرتوا