سالفة:سيارة الفليت ..قوافي

[قوافي ( أم نهار )]

صح لسانك اختنا قوافي

وهالمستورد مايلقى بداية لعبه معكم الا بملاحق هالسياره
ههههههههههههههه

وبمناسبة بخاخ الفليت هذا فيه ناس اللي يقود سيارة الفليت طارفةٍ لهم يوم وصل حول البيت ويقول

لولدهم افتح الباب ويريوس يما صار البخاخ يكوح بوسط البيت وخذ يابخ لغاية ماطلعوا يتلمسون الجدران مايشوفون ودايخين من الفليت

قال ابوهم للسائق ترى مانعرفك ولا تقرب لنا امحق من قرابه
والضعيف يقال له من زود لنصح ومبرة فيهم يبخ بوسط البيت

حياك الله اخي الفاضل ابو ماجد
صح كلك ألله يحفظك
بغينا نخليه وطني ومحلي وهذي كانت نصيحه للأستيطان انه يبداء معنا بملاحق سيارة الفليت
أن شاء الله سعاده دائمه برضى رب العالمين..
لغاية ماطلعوا يتلمسون الجدران مايشوفون ودايخين من الفليت
واكيد كان عندهم استعداد يعيدون الكره مره ثانيه وثالثه وكل مره ينغمتون ،، لجل موت حشره تكرم الدوخه والكتمه
طيب القلوب والفزعات على ان بعضها غريب لكن والله جميله وذكراها أجمل وعلى العموم،،الأقربون أوْلى بالمعروف،،وهذي فزعة الطيبين..
اشكرك اخي الكريم على حضورك وردك ومداخلتك الجميله بارك الله بك ..
تحياتي وتقديري واحترامي
اختك
..قوافي..

[قوافي ( أم نهار )]

وعليكم السلام ورحمة الله وبركاته

اسعد الله اوقاتس بكل خير

اضحك الله سنتس يالغاليه ،، أجل المستورد وينه وين سيارة الفليت
هقيت بس حنا وعيال حارتنا طل كلنا سوا
لو تلاحظين اعيال ذاك الوقت صحتهن زينه ماهو مثل اعيال هذا الوقت على اقل شي يتعبون
تسلم يمناتس والله يعطيتس العافيه على كل ماتسطرين لنا من سؤالفه ترسمين البسمه على وجهنا

حافظتس الرحمن

ياهلا ويامرحبا بالغاليه
الله يجزاك خير ويسعدك دنيا وآخره
وسع الله صدرك بطاعته ورضاه
المستورد لازم يصير محلي مالنا شغل ولا وشوله يسكن عندنا
كل عيال اول سواء والعابهم وحده كنهم مستنسخين باللعب ..
فيتامين وصاخه وغبار طبيعي وأظافر سود منين يجينا المرض وحنا المكروب بعينه ،،وعيال هالحين يمرض من هواء المكيف اللهم لك الحمد والشكر والشكوى لله..
تسلمين يالغاليه
اشكرك على حضورك المميز وردك الجميل بارك الله بكِ يالغاليه..
تحياتي وتقديري واحترامي
اختك
..قوافي..

[عبدالرحمن101]

ماجاب لنا امراض الصدرررر الا الرركض ورا سيارات الرررررش

بس تبقى ذكرى لا تنسى

[قوافي ( أم نهار )]

ماجاب لنا امراض الصدرررر الا الرركض ورا سيارات الرررررش

بس تبقى ذكرى لا تنسى

حياك ربي اخوي
الحمد لله كنا على النيه نركض ونلعب
سيارات الرش كانت وناسه ماعرفنا ضررها إلا بعدين
الذكرى هي ما يميز طفولتنا الجميله والغير مصطنعه او مدبره ..
اشكرك لحضورك ومرورك الكريم
تحياتي وتقديري واحترامي
..قوافي..

[المهاجر انا]

ذكرتني سالفه مانمت الليل منها جت سيارة الفليت ومعي عسيب ولحقتها انا واعيال الجيران المهم واحد منهم صكه العسيب وجا ابوه لبيتنا وقال ابوديك للشرطه وانا متعنقط في باب الخشب حق البيت واقول مهوب انا وهاتك ياصياح المهم الليل مانمت وامي الله يرحمها واموات المسلمين تحسب عليه تعرفون الشرطه والعسه لها منزله مهو مثل الحين

[FJ3230]

ههههههههههههههههههههههه روح فيها المستورد

[قوافي ( أم نهار )]

ذكرتني سالفه مانمت الليل منها جت سيارة الفليت ومعي عسيب ولحقتها انا واعيال الجيران المهم واحد منهم صكه العسيب وجا ابوه لبيتنا وقال ابوديك للشرطه وانا متعنقط في باب الخشب حق البيت واقول مهوب انا وهاتك ياصياح المهم الليل مانمت وامي الله يرحمها واموات المسلمين تحسب عليه تعرفون الشرطه والعسه لها منزله مهو مثل الحين

حياك الله اخي الفاضل
أولاً أشكرك على مداخلتك،، أكيد كان شي مرعب بالنسبه لك وتكفي رهبة العسه والشرطه،،أنا زمان كنت اموت من الخوف لين سمعت الصفيره حقتهم كنت أحسبهم جن
عاد البزران وهم يلعبون كلش يصير معهم بس بعض الاباء الله يهديهم مايبي يجي عياله مخش ولو ماتعلب معهم قال ليه..
الله يرحم الوالده ويسكنها جنات النعيم ويرحم موتى المسلمين اجمعين ،،احترت مسكينه على صياحك وماتملك إلا الدعاء..
اشكرك لحضورك الكريم وردك الجميل
تحياتي وتقديري واحترامي
..قوافي..

[قوافي ( أم نهار )]

ههههههههههههههههههههههه روح فيها المستورد

حياك الله اخي الفاضل
ان شاء الله سعاده دائمه برضى رب العالمين
ما ظلمناه كنا نبيه يصير محلي يعني وطني
اشكرك لحضورك ومرورك الكريم
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

ترفع
سالفه من السوالف القديمه بالخيمه

[Al3rands]

يووووووووووه ذكرتينا بزمان اول سكنا مره وجنبنا بخاريه نحسبهم اشوام حتى سيارتهم غريبه ومره قلت للمرحومه يمه ترا امهم تطلع فاتشه قالت لاعاد تمر من بيتهم (تخشى علي من الفتنه) مس ما يحاتسو ننا اشوى ذا يقول مامي

[راعي الصقلاوي]

صح لسانك اختي قوافي على هالسالفه الراقيه .
هالمستورد ما هو لقوه للعب ذا .
عيال اليوم اقل شيء يصيبهم التعب .
مو مثل عيال ايام زمان .
تقبلي مروري .