محتار وابي شوركم

[ابوأنس1]

السلام عليكم ورحمة الله
اسعد الله صباحكم/مسائكم
اخواني انا محتار بين هالسيارات ودراهمي ماتتعدى
ال 125الف السيارات اللي محيرتن هن
1/هايلوكس غمارتين دفرنسين تماتيك
2/جمس او شفر6مسامير غمارة ونص او غمارتين
3/فوردF150غمارة ونص
شيرو علي ايهن يا اخواني ولو ذكر مميزاتهن وعيوبهن
بغض النظر عن القوة

[abo naser 1]

السلام عليكم

أخوي انا لاجربتهن ولا كن ابعطيك رايي الشخصي في الهايلوكس ماهو كفو هذه القيمة على قراطيس و4 سرندل سعره جداً جداً مبالغ فيه ميزته يمسك سعره أفضل من البقية فقط...

[محمد العبدالسلام]

وعليكم السلام ورحمة الله وبركاته
حياك الله اخي
بتغير بعد فتره قصيره خذ الهايلكس شيك بجيبك
تبي الراحه ولا همك الفلوس وماعندك مشكلة بالصيانة وكبر حجم السيارة وايضا الثقل خذ الجمس
الثالث ماعندي عنه علم

[ابو هشام]

الفورد ماعليه خﻻف

[عاشق مكشات]

الهايلكس طبعا لو بغيت تبيع سعرن زين لا خرابات ولا شيء وقطع الغيار معقوله

اجل قماشات خلفيه حقت سييرا ب850 وفحمات اماميه 420 خبال غاليه بالحيل ويقول بعد فيه نوع ب1200 هذي طبعا الوكاله

لكن انصحك بالقير العادي ارغب بكثير من التماتيك والعزم حار

واذا تبي سييرا عندي 2007 غمارة ونص سياحي منوة البر دبل ارضي ودرايش هندل

[ابوأنس1]

ابوناصر
محمد العبدالسلام
ابوهشام
عاشق مكشات
الله يعطيكم العافيه وبيض الله وجيهكم
الهايلوكس شيك كلام صحيح وهذا من اسباب اعجابي
والفورد جربته بالدوام عندنا مانشيل هم الحرارة
لكن الجمس او الشفر ما ادري عن الحرارة كيف ومن ناحية قطع الغيار
ماعندي مشكله فيه مادام فيه اصلي
والله اني محتار بينهن كل موتر له ميزة اللي شيك واللي حرارته تريحك
واللي شكله يعجبك
لكن ابي اهم نقاط احسن شي بينهن
الحرارة والراحه والسعه
خصوصا اني تقريبا اسبوعيا امسك خط الرياض القصيم روحه وردة
وش تنصحون فيه
وجزاكم الله خير وحرمكم الله عن النار

[rami52]

لابغيت الراحة والعزم ومنت حول بيع ومكدة طيبة انصحك خذ جمس غمارتين ماهو غمارة ونص وانتبة من الغمارة ونص مافية سمكة للباب الخلفي وكذلك المكينة تجيك اصغر من الغمارتين ودبل والله يكتب لك الخير حيث ماكنت