زيت مكينة التاهو واليوكن انتبة من 5W30

[القشيعين]

احبائي

مساكم الله بالخير

فية لبس عند بعض الاخوان بخصوص انواع زيت المكينة وخاصة المكتوب على السيارة 5W30 للتاهو واليوكن او بشكل عام وفية غلط كبير حسب مابحثت عنة لان السيارة صنعت لهم

اولا نفهم بعض الخواص للزيت (10W30, 10W40 or 10W50و 20W40 or 20W50)

بالنسبة للرقم الي قبل حرف W هو لزوجة الزيت كلما زاد يعني 10 او 20 هذا يدل على ان الزيت ثقيل

اذا هل الخفيف 5W30 انسب للسعودية وحرها اقول لا لانة يوصى للمناطق البارة وهذا الي مكتوب على غطاء المحرك لللاسف وخاصة عند انطلاق المحرك في الصباح لو كان الزيت ثقيل للمناطق الباردة فان المكينة لن يصلها زيت والسبب لم يسخن بسرعة والعكس صحيح بالنسبة للمناطق الحارة

فالخلاصة هي ان 20W40 or 20W50 المكتوب على العلبة هو الانسب واهل الشمال والجنوب عند الشتاء الافضل يختارون 10W30, 10W40 وفي الصيف يختارون 20W40 or 20W50 وكما قرأت في منتدى للفائدة ان نوع 20W50 المنتشر في بناشرنا وهو الاثقل على المكينة يستخدم بعد 90 الف كم لانة يعمل بطانة للبساتم لان عمرها الافتراضي بدءا يخف وهذا كلام علمي

الذي يريد زيادة اعطية روابط ولاكن بالانجليزي

Run SAE 10W30, 10W40 or 10W50 engine oil in normal temperatures. Cold climates may require 5W30 or 5W40, while hot climates need 20W40 or 20W50.

حفظكم الله من كل شر

فتى النماص

للاسف اخي الغالي اختلف معك

الزيت المناسب لنا للتاهو واليوكن في السعودية

10w30 هذا هو الافضل

كنت اغير زيت 20w50 وبدت تطقطق البلوف لين سويت اصلاح للطرمبه حقت الزيت

ورجعت للزيت السابق 10w30 ونصيحة لاتتعدونه هو الافضل

وفيه زيت بالوكالة اسمه اساديلكو تراه خفيف مانصح فيه للسيارات تحت 2011 سوا يوكن او تاهو

خذ العلم مني وتوكل على الله.

تحياتي لك

[فهد1415]

كلامك غير صحيح

وترى امريكا فيها مناطق صحراوية ومناطق حارة مثلنا

عجيب اللي يتفلسف بدون علم

[aldahmane]

بيض الله وجهك

[سعيد المقبالي]

السلام عليكم ورحمة الله وبركاته مبارك عليكم شهر رمضان الحمدالله خذت جمس سيرا 2014 مكتوب على غطاء المحرك استخدام لزوجة 0w20 محتاج نصيحتكم استخدمه هو ولا اغير اللزوجه

[سعيد المقبالي]

ارجو الرد يا اخوان احس المنتدى مافيه تفاعل ويعطيكم الف الف عافيه مكتوب في غطاء المحرك 0w20 هذا للجمس سييرا 2014 ارجو اصحاب الخبره الرد السريع على الموضوع

[- أبو رنيم -]

سعيد توك مطلع الموتر تبي تغير نوع الزيت ؟؟؟؟؟ يعني فرضا غيرت زيت المكينه وصار في المكينه مشكله من بيتحمل التكاليف الشركه بتقول سوء استخدام وتحذفها عليك .. وعاد انت رح دور مهندس عنده ذمه .. نصيحه لاتسوي شي ابد الوكاله ابخص في هالامور ..

[abuyahya75]

مع احترامي وتقديري لصاحب الموضوع اسال الله ان يوفقة في الدنيا والاخرة
الا ان هذا الكلام غير صحيح لان هذا الزيت الذي يستخد حتى في اليابان لسيرات تويوتا فما بالك بامريكا واترككم مع الصور

[قمة افرست]

اول شي جزاك الله خير على حبك للخير والنصح لاخوانك
ولاكن فيه نقاط يجب ان نوضحها للمستخدم قد تكون التبست عليك
والاخوان بينوه بالردود
زيت 5w30 يصلح من الاجواء البارده الى ماشاء الله يعني مافيه مشكله
ولعدم توفره بالسنوات الماضيه كنا نستخدم زيت 10w30 وها الانسب لاجواء الخليج وبعد التجربه
ناتي لزيت 20w50 ووضحوه الاخوان بالردود وبان فيه تحذير بعدم استخدامه وموجود بكتيب دليل المستخدم للسيارة وهذا صحيح
الخلاصه استخدم زيت 10w30
هذا الزيت استخدمه انا بجميع سياراتي الي استخدمت
الجموس والجيب التويوتا والسيارات الصغيره
وفائدة الزيت الخفيف تظهر بحماية المكينه بالسرعات العاليه
اذا سرعة 140 يسهل حركة الزيت بالمكينة عكس 20w 50
واذا كنت تستخدم زيت ثقيل انف الذكر
غير خفيف ولاحظ دعسة البنزين واستجابت السيارة

ودمت بخير

[نزف الابداع]

نصيحه يا اخوان لا تبتعدون عن زيت 5w30


السالفه مهيب بلوف وبس

السالفه طرمبة زيت وبعدها تخبيطه
انا مجرب هذا الكلام اول مره تغير الزيت بزيت ثقيل
بتمر بسلام ثاني مره يبدا بضعف بطرمبة الزيت
وتبداء طقطقه خفيفه جدا ما تلاحظها
الا اذا ركزت وبعدها تفرط معك الربله البرتقاليه حقت
الطرمبه وبعدها صوووت حتى بالسرعات العاليه
وبعدها الطرمبه حقت الزيت وتدخين بالموتر
وبعدها تشليح الحاير تدور مكينه
نصيحه ياخوان التزموا بعيار الزيت المكتوب على الغطا

لان بالاصل حرارة المكينه هي وحده سوا بالمناطق
المتجمده او المناطق الحاره هو هو ثابت نص تقريبا

[نزف الابداع]

الاخ سعيد

لا تغير زيت المحرك الا بالوكاله
عشان لو صار شي تتحمل الوكاله كل شي
واضعف الايمان التزم بنفس العيار المكتوووب
نصيحه انتبه تغير لزووووجة الزيت
لان الطرنبه ما تسحب الا الزيت الخفييييييف
انتبه الله يحفظك

[سعيد المقبالي]

عساكم من عوادة العيد مشكورين اخواني على الرد على الموضوع والمداخله بس انا قصدي في كل منتدى تكون الاراء مختلفه بعض الناس توصي باستخدام الزيت المكتوب في غطاء المحرك او الكتلوج بحيث ان المصنع هو صانع السياره ويحدد الزيت ولوزجته بعض الناس تويد الزيت الثقيل بحكم اللزوجه الموصى بها في الكتلوج او غطاء المحرك خصص للمناطق البارده وانها الكتلوج مترجم وافضل يكون زيت ثقيل للحرارة الجو عندنا في الخليج وفيه ناس خربت طرنبة الزيت خاصه في الامريكي من الزيت الثقيل فلو كان شخص فاهم خبير وريح العالم المتضاربه في الاراء كان افضل على العموم انا بودي الموتر الوكاله وبجوف شو للزوجه الي بيستخدموها

[فديت سدير]

بيض الله وجهك على التوضيح

[نواف عمر]

موضوع جميل الله يعطيكم العافيه جميعا
انا اغير فالشركه وسعرهم غالي
219 مع الفلتر

[مغلي]

السيارات اللى عندنا مخصصة لمنطقه الخليج من المصنع والزيت الموصي به هو
المكتوب على الغطاء او الكتلوج يعنى 5w30 صحيح

انا شاري يوكن 2002 استعمال امريكي من ولاية نيويورك بشمال امريكا ... وكان معه بالدرج صوره لليوكن والثلوج عليه
.
.
والان انا استعمله بالرياض ... واغير له زيت 20-50 ... وضغط الزيت جيد جدا
.
.
فالصانع موضح ان رقم الزيت يعتمد على درجة الحراره الخارجيه لبدأ تشغيل المحرك

[fahad2013]

نبي العلم الاكيد
هل نغير الزيت تبعا للمكتوب على غطاء الزيت ؟؟؟ لان السيارات موجهة وصنعت خصيصا للخليج
أم نغير الزيت 10w30 لان خير الامور الوسط