ربيع القصيم

[بــــــــــرزان]

الأخوان الفاضل ..
السلام عليكم ورحمة الله وبركاته، أما بعد:-

الصراحة ودي أسال عن مناطق الربيع حول منطقة القصيم، وكيف الربيع فيها .... وهل تستاهل أن يكشت الواحد فيها وإلا يروح لحايل أحسن له

أتمنى أنكم ماتبخلون علينا بمعلوماتكم ... وأنا بإنتظار ردودكم
وتقبلوا تحياتي

أخـــ برزان ــوكم

[طلال]

عزيزي برزان منطقة القصيم منطقه شاسعه ويوجد فيها مدن وقرى وهجر كثيره منها مدينة بريده وكذلك مدينة عنيزه والبكيريه والرس والمذنب والبدائع والاسياح وان كنت تريد التخييم قريباً من المدن يعني قريب مثلاً في بريده عندك عروق الطرفيه نفود الثويرات والعفجه والركيه والنبقيه والحصانه وان كنت في عنيزه عندك المصفر والجراحيه وصعافيق ويوجد فيها اماكن كثيره للطلعات البريه لكن لاتحضرني اسمائها يمكن اخي العزيز راعي عنيزه ابخص فيها واعلم مني وان وانشاءالله ماهو مقصرواذا اردت الاماكن البعيده التي في الشمال الشرقي من بريده فحدث ولا حرج كثيره منها على سبيل المثال نفود قبه والبعيثه والبسيتنات والشعبان والفياض كثيره اما بقية المدن يمكن فيه بعض الاخوان ابخص مني فيها 0 ارجــــوا ان اكون وفيت والاخوان في منتدى مكشات اكيد ماهو مقصرين وعندهم الكثير وسلامك00 اخوك طلال00

[راعي عنيزة]

يا علك تسلم يا طلال

بالنسبه لعنيزه وما حواليها ماهنا ربيع يستاهل العنوه

لكن اقترح على الاخ يروح للحكسي ولينه لان الربيع بذاك مضمون والصور قدامه

[حذام بريدة]

طيب المكاشيت حول البدائع والبكيرية وينها .

[راعي الحزم]

اما الرس فارضها كله مكاشيت جبال وشعبان وحطب وبعض الاماكن بدا الربيع يظهر فيها الله كريم