الأخوه الأعزاء تحياتي لكم جميعاً
طير البكْيني نسبتاً إلى بكين عاصمة الصين (ب مكسورة كاف ساكنه )
طيب خلصنا من توضيح اسمه لايدرعمون الشباب ويبداء التميلح
المهم سالفته اني رحت لواحد من الشباب وراحتبنا السواليف وجت على طاري الطيور طير البكْيني وأن اهل بريدة طايحين بهالطير أكل ((طبعاً ربوي )) يعني طير مزرعةويمدحون فيه ونه لازخمة ولحمت خفيفة لذيذه
الصراحة ماعطيت الموضوع اهتمام كبير ولكن رحت عقب يومين لمخيم واحد من الربع على طريق رماح (حول مخيم الوليد)) وهو مخيم +أبل يعني نروح نغبق
وجاطاري البكيني من أحد الحضور وسوا دعايه غير طبيعية له
والله ركب الموضوع براسي وقلت وشو هالبكْيني ودي اشوفه وأستطعمه
ذكرته لحد الزملاء الغالين ( شرواكم ) وسالفت طيرت الناس فيه ونهم يمدحونه الرجال مابغاشي على طول بداء بتصالته وبعد يمين اتصل علي وأنا ناسي السالفة ولزم على العشاء ((تراي استحي واحتاج تلزيم)
المهم اني قلطت عند الرجال
وجاء وقت الزبدهجاء العشاء حياكم الله يالربع على البكْيني
المهم اننا قلطنا على العشاءوحقيقه اني تفاجأت يوم شفت على الصحن دجاج
اي والله دجاج وسترح صحيح انه فيه اختلاف عن الدجاج العادي
بس حوله إلا قريب منه جداً
سألته وقلتله انت متأكد ان هذا بكْيني قال والله هالي تشوف الي جابه لي يقول هذ البكيني
طبعاً الي شفته انه دجاج صغير مامن كبر عظمة الساق دقاقه وقصيره وجلده رهيف مره ولحمته بيضاء مره
راحت السالفة وحنا ماتأكدنا وشو البكيني
وقبل اربعة ايام مريت المخيم ((حق البعارين) وتعشيت مع الربع ؟؟؟؟؟
وشو ذالطيور يابو محمد قال هذا البكيني الي قد قلتلك عنه ؟
والله غريبه اللحمه سوداء وقاسيه ودهنه قليل ورقبته عريضه يجيله اصبع ونص
المهم اني تبرجلت إذاكان هذا البكْيني أجل وشو الي اكلته عند خويي ذيك المره
شكلي طولت عليكم
يالله الخيره خلاص مانبي إلا رز ساده بلاش طيور والله حاله
وسلامتكم
15 نوفمبر 2015 - 16:514 نوفمبر 2015 - 21:27
 |
رد مع اقتباس
