بسم الله الرحمن الرحيم
اسعد الله صباحكم ومسائكم بكل خير
أخواني اعضاء منتدى مكشات اتمنى احد يفيدني عن سوجن ارتمس التركيه لاني بشتري وحده ولا عندي اي معلومه عنها .
الي جربها يفيدني الله يجزاكم خير .. تحياتي
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
بسم الله الرحمن الرحيم
اسعد الله صباحكم ومسائكم بكل خير
أخواني اعضاء منتدى مكشات اتمنى احد يفيدني عن سوجن ارتمس التركيه لاني بشتري وحده ولا عندي اي معلومه عنها .
الي جربها يفيدني الله يجزاكم خير .. تحياتي
الشوزن هذي مع اثنين من الزملاء ومبسوطين منها تمامآ
انا شفت رميها حاااااار وتسوق سوق طيب جدآ
اجزائها اجزاء سوبر بانللي وخفيفه ووذفه وتنظيفها سهل جدآ
تجي 3 انش ترمي الى ضغط 56 لكن لاتعديها 40 اضمن لك واطول عمر للبندق والافضل 36
لو شريت استخدم التشك رقم 2 للصيد العادي ورقم واحد للصيد الكبير بعد التدريب على رمي كل تشك حتى تتقن مرمي البندق
السلام عليكم
نصيحتي لك اشترها وانت مغمض
انا شريتها من فتره وجربتها وبصراحه متميييزه وافضل من الستوقر2000 بمراحل يكفي انها ماتختلف عن نظام البنلي ولا حاجه
وازيدك من الشعر بيت السلاح متميز مافيه قطع او اجزاء فقط مكينه ومخزن وماصوره ولافيه اي شي غيرها
الطفل ممكن يفك مكينتها وينظفها ويرجعها مثل ما كانت باقل من 10 دقايق ...
طبعا لاتنسى انها مكينتها 3 انش وليست 3.5 كما يقول البعض فهي لاتتحمل ضغط فوق ال 50 ولك تحياتي
اللهم صلِ على محمد
كم سعرها يا جماعه وكم السبطانه حقتها
على خيره الله
لكن انصحك تشتري شادن التركيه نزلت بعد الارتمس وافضل منها واخف
والله وهم يتحاشقونه الشريطية شكلهم بلشوبهن
يالرجال بالعقل السلاح ما صارله توه نازل ما يمدي يطلع عذاريبه اي سلاح مهما كان ردي اول ايامه يطربك الكلام بعد سنتين نشوف المشاكل والعذاريب اما التطبيل ذا ما يصلح وكم واحد توهقبهن بسبب التطبيل الزايد
انا ما اقول انكم كذابين كلامكم صحيح سلاح يطرب وما به بلا بس هذا مو مقياس انا مو كل مره ابي ادفع ٨٠٠٠ ريال
استغفر الله العظيم عدد خلقه ورضى نفسه و زنة عرشه ومداد كلماته
ام بطه وام بطتين
والستوقر بعد تجربتي في الجرجس
أثبتت فشلها والصناعة التركية
ماشجعتني
للتبادل صور الصيد اليومي على الوات سب 0555523717
اخواني الله يجزاكم خير على المعلومات الطيبه
واستغرب من بعض الاخوان انه يشارك خارج نطاق الموضوع
انا ابي استفسر عن نوع معين من السواجن التركيه ارتمس
لا غيرها ارجوا من الاخوان قراءة الموضوع والدخول في صلب الموضوع
تحياتي للجميع
بندق تأدي الغرض شارينها قبل ٨ شهور من الجرده ٧٣٠٠
ومن يد نشيط في يد نشيط والرمي متواصل بدون تنظيف ولايحزنون والشوازل توافيق
قبل اربع سنين شرينا شوزلين تركيات نفس بعض وحده رمينا فيها طلقه وحده وبعناها تشليح واختها نكرفها ليومك بدون حتى تشكيل او خراب ،،
ياولد
تركي سلاح تركي انتبه قبل تشتري
ترا نص المنتدى شريطيه اللي يمدح واللي يقول جربت
والدليل شف فيه ناس تمدح.بندق توها نازله
يقولون افضل من الستوقر
وهي.مالها شهرين نازله
مدري كيف حكمو خلال شهرين....؟؟؟؟؟؟
انتبه بس وانا اخوك
انا اشوف انك اذا مصمل على التركيات خذ استوقر 2000
ولا تعدي ضغط 36 ابد ابد وعساها تفلح
وبالتوفيق
ستوقر انا مجربها زينه وهذي مااعرفهاوكان السعر ب الثمانيه خد بيكال فيبر
سبحان الله والحمدلله والله أكبر
أخوي ولا يهونون أخواني
اخذها ولا تشاور
لسببين
الاول لو تقول وتشاور الناس تقولهم وش اخذ بنوراما ولا رنج بيصير اختلاف عندهم وهذا بيمدح الرنج ويذم البنوراما وذاك العكس مع انها ماركات طيبه
والسبب الثاني مهو من كثر الصيد الي عندنا عشان ن تفكر في صناعتها وابشرك انك بتقنص مرات وتعود ماثارت الا على جالون زيت سوبر شل ههههه
من رايي وانا مجربها ورامي بهن انهن جيدات
كم قيمتها اول ٨٠٠٠ /٨٥٠٠ زد فليساتك وانا اخوك وخذ بيكال لك ولزمن وان احتجت فلوسك لا سمح الله تبيعها براس مالها اما التركية المستعمله ما تجيب راس مالها ومن ناحية الرمي معروف التركي ببراعته بس تضل الجودة شي اساسي في كل سلعة اعتقد كل شي واضح قدامك واستفد من تجارب غيرك وعموم التركي توافيق يعني انت وحظك فا ليش احط فلوسي في شي مو مضمون وبالنهاية انا ناصح لك وللجميع ...
وعلى فكرة ترا انا من اصحاب الشوازن التركية الي ربك ساتر عليهم الى اللحين وهذا انا ابحث عن البيكال مع ان شوزني ما غثتني بالعكس تنوبس بس ما في امان وتدري وش الغبنة الي تنسمى غبنة اذا خربت غليك وانت طالع وتبي تمرح اسبوع وتشوف الصيد قدامك ولا لك حيله وصعب ترجع لانك مرتبط مع الرجال واسئل كل شخص مر بالموقف ذا وش كان شعوره ..
اسف على الاطاله .......و شكراً.
والله يأخوي ما أنصحك بالتركيه كلها
امن لك زدها خمسه سته ألف وأخذ لك الإيطالية ولا الأمريكية ولا روسيه افضل لك
الذين يشاهدون الموضوع الآن: 1 (0 من الأعضاء و 1 زائر)