@@@ وش أفـضـل كـفـرات دنـلــوب نــقــشــه شــاهـيـن 16 @@@

[has-120]

بخصوص كفرات دنلوب نقشه شاهين
وش أفضل مـقـاس لها
يركب للجيوب 16
اللي جربوها

275-70
او
245-85

او غيره

[abo naser 1]

السلام عليكم

حسب عرض الجنط واحتاجاتك اذا كان جنط هلل الأفضل 245/85/16 ترفع الموتر وتصلح لجمع الأستخدمات وأفضلها الهنكوك يجي 8 غاط عيبها صوت زعيق تفحيط ف الصيف فقط بس ممتازة جداً وصناعة كورية مع ضمان وكيل

[راعي همام]

الشاهين كم غاط

[السناعيس .f16]

هل يصلح استعمال الكفر في الحجر او لا وهل هو ممتاز في النفود ؟لاني ابي اشتري ولا ابي اندم

[has-120]

مشكورين على المرور
ننتظر العلوم من اهل التجربه

[حر اليدين]

سؤال مهم وانا بعد داخل استفسر .. ودي اركبهن على ديماكس دبل وش افضل شي وهل تنصحوني ... انا راعي ديرة وسفر قليل وروحات نفود وبران على حسب


افيدوني جزاكم الله خير

[ابوتركي1010]

أنا جربت دنلوب نقشة شاهين ٢٤٥/٨٥ صراحة ممتازة جداً لينه وصبورة في البر لأكن كانت ترج معي في بترول ٩٧ ربع وكان الجنط هلل ١٦ وقررت اغيرها بدنلوب مقاس ٧٥٠ وهذا المقاس ناسب السيارة وبعتها على واحد معاه جيب مصندق تويوتا قسم بالله يدعيلي يقول ماعمري ذقت الراحه في في ذا الجيب الا يوم ركبة دنلوب نقشة شاهين

[has-120]

مشكور على التوضيح
ننتظر البقيه

فيه احد جرب مقاس الكفر العريض

[موسم النزل]

معلومة :

هذا النوع من الإطارات مُخصص للرمل ، ولو تدقق بجنب الكفر راح تحصل كلمة Sand والتي تعني "رمل" وهو كفر عملي جداً و "لين" على السيارة ويحافظ على السيارة من التفكك على حساب عُمر الإطار ؛ وعن تجربتي مع الإطار ، فأنا ما أركب ألا هو على سيارتي gx 2007 من يوم شريتها من ٦ سنوات ، كان سعره سابقاً ٤٩٠ ريال ، أما الآن ما تحصله بأقل من ٦٠٠ ريال .
أما الأنواع الموجودة في السوق "لنفس النقشة الرملية" ونفس المقاس الي هو ٢٤٥ / ٨٥ / ١٦ فهي التالي :

١- دنلوب ٢- سومي تومو (المعروف بالشاهين) ، والإثنين صناعتها ياباني
٣- هانكوك ، وصناعته كوري ( وهو أقسى من النوعين السابقين وبالتالي أطول عُمري إفتراضي )

* يوجد مقاس ٢٢٥ / ٩٥ / ١٦ ( وهذا يجي على الشاص الخليجي الجديد ) من شركة دنلوب ونفس النقشة الرملية ، وسعرة بحدود الـ ٦٥٠ ريال .

* أما الكفر العريض لنفس النقشة ، في الحقيقة لم أجربه .

آسف على الإطالة ،، تحياتي

[has-120]

معلومة :

هذا النوع من الإطارات مُخصص للرمل ، ولو تدقق بجنب الكفر راح تحصل كلمة Sand والتي تعني "رمل" وهو كفر عملي جداً و "لين" على السيارة ويحافظ على السيارة من التفكك على حساب عُمر الإطار ؛ وعن تجربتي مع الإطار ، فأنا ما أركب ألا هو على سيارتي gx 2007 من يوم شريتها من ٦ سنوات ، كان سعره سابقاً ٤٩٠ ريال ، أما الآن ما تحصله بأقل من ٦٠٠ ريال .
أما الأنواع الموجودة في السوق "لنفس النقشة الرملية" ونفس المقاس الي هو ٢٤٥ / ٨٥ / ١٦ فهي التالي :

١- دنلوب ٢- سومي تومو (المعروف بالشاهين) ، والإثنين صناعتها ياباني
٣- هانكوك ، وصناعته كوري ( وهو أقسى من النوعين السابقين وبالتالي أطول عُمري إفتراضي )

* يوجد مقاس ٢٢٥ / ٩٥ / ١٦ ( وهذا يجي على الشاص الخليجي الجديد ) من شركة دنلوب ونفس النقشة الرملية ، وسعرة بحدود الـ ٦٥٠ ريال .

* أما الكفر العريض لنفس النقشة ، في الحقيقة لم أجربه .

آسف على الإطالة ،، تحياتي

مشكور أخوي على التوضيح
وأنا اعرف انه كفر لين جدا
ولكن كيف استعماله في الوعر والضلعان والشعبان
هل يمشي الحال
او للرمل فقط

[فارس العيون]

كفر لايعلى عليه من تجربه ... ممتاز جدا جدا ...

ركبت طقمين كلهن جدد سنتين اقل شي تنساهن ...
اللي هو 245-85-16 ... ونصيحتي لك لاتاخذ شاهين خذ الدانلوب .. اما الهانكوك قوي وقاسي شوي بس اصبر منهن

[حر اليدين]

تشوفون انه مناسب للديماكس الدبل الفل كامل ... لقيت مقاسين للدنلوب واحد 275-70-16 ... والثاني مادري كم العرض لكن ارتفاعه 85 و 90 ....

[almutlaq1415]

السلام عليكم ورحمة الله بروكاته .

بما أنكم فتحتوا الموضوع عندي كم استفسار الله يرضى عليكم :

شريت جنوط هلل 16 وسيارتي هايلكس دبل 2012 .

هو يركب كفر 16 \ 85 \ 245 على السيارة تمام ولا تحتاج لرفعة السيارة .

وشّي الشركة الطيبة والنوع الزين ( ودي بشاهين هن يركبن ولا لا ) .

تحياتي .

[حر اليدين]

صوت للجذعان وابطوا عليٌه



أحد يعلمنا شلون الكفرات على الديماكس الدبل ... خصوصا الدعسة الرفيعة 85 أو 90

[جي تي]

فيه كقرات شاهين ممتازه واحدن من الربع توه سال عنها

245/70/16
8 غاط
السعر 600 للواحد

حجمه ممتاز ونقشة شاهين ممتاز لدمكس والهايلوكس والددسن يعني ال4 سلندر