استشارة من اهل الخبرة في شبك الصقور (عاجل)

[وافي الهقوات]

بسم الله الرحمن الرحيم

أحبتي اعضاء موقعنا العزيز

السلام عليكم ورحمة الله وبركاته


أخوكم وافي الهقوات من سكان الرياض

واستشارتي هي اني لقيت العام الماضي فيضه بالصمان (غير موطيه) يعني ما يجيها ناس واجد وانا طرقي مع ناس من ربعي ولقيت فيها حوالي ثلاث صقور ومريت عليها هالسنه وحصلتها ماجوده مثل ماهي ترتبع على جبل وتعود للفيضه مره ثانيه في النهار

انا غشيم بالحيل في الصقور ولا اعرف انواعها ولا اعرف كيف اشبكها

سمعت من بعض ربعي واخواني طرق واجد

ولكن حبيت آخذ رايكم بكيفية صيدها وشبكها ومن وين احصل على شبوكها اذكرها من اول في الديره بالرياض بحراج الصقور ولكن الحين عقب ما تطور الرياض مادري وين صار حراج الصقور ولادري من وين القى شبك للصقور لاني ناوي باذن الله اشبكها والتوافيق من الله

واوعدكم رحلة شبكتها بالصور تبي تشوفونها بالمنتدى باذن المولى عز وجل

وادعوا لنا بالتوفيق

اخوكم وافي الهقوات

[الوافي عزام]

اخوي وافي الهقوات
الظاهر وانت ابخص انه غريبه طيور بالصمان
ولا خبرت ان فيه طيور تعيش بها ولا ذكر لي انها مستوطنه الأيام ذي
ولو انك شايفها مثلا بالجنوب يمكن نقول شيهانه والا وكريه
ولو انك شايفها وقت عبور كان معقول لآكنك تشوفها بأيم غير عبور

وكل شي جايز واسمع رأي اخر اكيد فيه احد ابخص مني
والسلام عليكم

[م-ت-ن-ا-ث-ر]

اخوي وافي الهقوات
الظاهر وانت ابخص انه غريبه طيور بالصمان
ولا خبرت ان فيه طيور تعيش بها ولا ذكر لي انها مستوطنه الأيام ذي
ولو انك شايفها مثلا بالجنوب يمكن نقول شيهانه والا وكريه
ولو انك شايفها وقت عبور كان معقول لآكنك تشوفها بأيم غير عبور

وكل شي جايز واسمع رأي اخر اكيد فيه احد ابخص مني
والسلام عليكم
<!-- / message --><!-- sig -->

[وافي الهقوات]

اخوي وافي الهقوات
الظاهر وانت ابخص انه غريبه طيور بالصمان
ولا خبرت ان فيه طيور تعيش بها ولا ذكر لي انها مستوطنه الأيام ذي
ولو انك شايفها مثلا بالجنوب يمكن نقول شيهانه والا وكريه
ولو انك شايفها وقت عبور كان معقول لآكنك تشوفها بأيم غير عبور

وكل شي جايز واسمع رأي اخر اكيد فيه احد ابخص مني
والسلام عليكم

اخي العزيز الوافي عزام


أنا وعدت باذن الله أنقل الشبكه بالصور

أنا متسغرب مثلك ولكن الفيضه اللي لقيت بها الصقور حولها جبل ترتبع عليه الطيور وتعود بالعصر على طرف الفيضه وان شاء الله كلها اسابيع وانقل لكم صورها باذن الله

وان شاء الله اكون شابكها

بس ما رد علينا الى الحين احد من اهل الخبرة في شبك الطيور

والمكان مانيب معلمك فيه لاني ناوي اشبكها واخاف تسبقني هههههههههههههههههه


اشكر لك الرد

اخوك وافي الهقوات

[وافي الهقوات]

اخوي وافي الهقوات
الظاهر وانت ابخص انه غريبه طيور بالصمان
ولا خبرت ان فيه طيور تعيش بها ولا ذكر لي انها مستوطنه الأيام ذي
ولو انك شايفها مثلا بالجنوب يمكن نقول شيهانه والا وكريه
ولو انك شايفها وقت عبور كان معقول لآكنك تشوفها بأيم غير عبور

وكل شي جايز واسمع رأي اخر اكيد فيه احد ابخص مني
والسلام عليكم
<!-- / message --><!-- sig -->

اخي العزيز م ت ن ا ث ر

ولو انك ما اضفت شي على كلام اخوي عزام

لكن ابرد بنفس ردي على الاخ عزام ههههههههه


أنا وعدت باذن الله أنقل الشبكه بالصور

أنا متسغرب مثلك ولكن الفيضه اللي لقيت بها الصقور حولها جبل ترتبع عليه الطيور وتعود بالعصر على طرف الفيضه وان شاء الله كلها اسابيع وانقل لكم صورها باذن الله

وان شاء الله اكون شابكها

بس ما رد علينا الى الحين احد من اهل الخبرة في شبك الطيور

والمكان مانيب معلمك فيه لاني ناوي اشبكها واخاف تسبقني هههههههههههههههههه


اشكر لك الرد

اخوك وافي الهقوات<!-- / message -->

[شمالي بعيد]

اخوي وافي الهقوات انا بعيد عنك من حيث الاقامه ولكن احس اني مجاور كل صقار...مدري ليش؟؟؟
على كل حال ما ني حولك اعطيك شبك..لكن انشد عن شبك للحمام وخذ معك ثلاث حمامات اقل شي وبس
تشوف الطير ركب الشبكه على الحمامه واحذفها على بعد 200 متر عنه وناظره من بعيد لين يهد والى اخذ الحمامه اقرب له بالتدريج
ودايره عليها لين يشبك .. وعسى الله يرزقك..
................................................ اخوك ابو تايه....................................

[Abu Saad]

منطقة الصمان (معبر) ومستحيل ان تستوطنها الصقور(صقور الهجرة حرار وشياهين بحرية) فقط تمر اثناء الهجرة ( وقليلة ) وعلى حسب العلف (الجرذ و الفار وخلافه) هل هو متوفر او لا...فان لم يكن متوفر فتجلس على الاكثر يومان ثم تواصل الهجرة الى منطقة اخرى قد تبعد 300-400 كلم (في حومة وحده!)...اما اذا حصلت علف فراح تستقر في نفس المكان حوالي 2 اسبوع واقل حسب المكان وهل هو مأهول ام لا وحسب المضايقة من العقبان والغربان والصقاقير والناس الخ..
ومن النادر جدا ان لم تكن من المستحيل ان ترى في ايامنا هذه 3 طيور مع بعض (صقور) ، في السودان يمكن تحصل وكارى مع بعض .. او في بعض الاماكن الجبلية اللي فيها مواكر طيور في الجزيرة العربية مثلا قرناسة جبلية ومعها فرخين يسرحن كل صبح بعد المطير مباشرة .. وسرعان مايتفرقن. .
الله العالم انك لاقي عقبان جراذية لانها اقرب شكلا الى الصقر الحر ولكنها كبيرة الحجم ...
عموماً الله يوفقك
والسلام عليكم

[ابرق العزاف]

الظاهر انك لاقي ابو حقب

اللى متل الصقر بس رجوله ومخالبه
صغيره الصمان نعرفه شبر شبر
مابه صقور ولابه اوكار للصقور وارفع
جبل بالصمان معروف 0000000
لكن ترا يمكن حموق يمكن فروخ عقبان
واذا كان هجره اي طير مهاجر يحتمل جدا
بشرطة لا قيهم الايام هذه تحيه طيبه

[وافي الهقوات]

اخوي وافي الهقوات انا بعيد عنك من حيث الاقامه ولكن احس اني مجاور كل صقار...مدري ليش؟؟؟
على كل حال ما ني حولك اعطيك شبك..لكن انشد عن شبك للحمام وخذ معك ثلاث حمامات اقل شي وبس
تشوف الطير ركب الشبكه على الحمامه واحذفها على بعد 200 متر عنه وناظره من بعيد لين يهد والى اخذ الحمامه اقرب له بالتدريج
ودايره عليها لين يشبك .. وعسى الله يرزقك..
................................................ اخوك ابو تايه....................................

بيّض الله وجهك

عز الله إنك كفيت ووفيت يا بو تايه وعساني والله ما عدمك يا صقار الشمال


أخوك وافي الهقوات

[وافي الهقوات]

منطقة الصمان (معبر) ومستحيل ان تستوطنها الصقور(صقور الهجرة حرار وشياهين بحرية) فقط تمر اثناء الهجرة ( وقليلة ) وعلى حسب العلف (الجرذ و الفار وخلافه) هل هو متوفر او لا...فان لم يكن متوفر فتجلس على الاكثر يومان ثم تواصل الهجرة الى منطقة اخرى قد تبعد 300-400 كلم (في حومة وحده!)...اما اذا حصلت علف فراح تستقر في نفس المكان حوالي 2 اسبوع واقل حسب المكان وهل هو مأهول ام لا وحسب المضايقة من العقبان والغربان والصقاقير والناس الخ..
ومن النادر جدا ان لم تكن من المستحيل ان ترى في ايامنا هذه 3 طيور مع بعض (صقور) ، في السودان يمكن تحصل وكارى مع بعض .. او في بعض الاماكن الجبلية اللي فيها مواكر طيور في الجزيرة العربية مثلا قرناسة جبلية ومعها فرخين يسرحن كل صبح بعد المطير مباشرة .. وسرعان مايتفرقن. .
الله العالم انك لاقي عقبان جراذية لانها اقرب شكلا الى الصقر الحر ولكنها كبيرة الحجم ...
عموماً الله يوفقك
والسلام عليكم

أشكر وأقدر لك مرورك وهذه المعلومات الرائعة

الطير اللي انا شفته كبير ومعه اثنين فروخ العام الماضي يالله انها تطير

وأما هالسنه كلهن تطير جميع

عموماً نبي نجرب ونشوف وعسى الله يكتب لنا ولكم اللي فيه الخير

ومن ناحية انها عقبان والله وانا اخوك وانا معك صادق

ذكرت في بداية موضوعي إني غشيم بالصقور وبعدين كانت الطيور تطير وتوقع وحنا نطردها نبي نتوكد منها


وهالسنه نفس اللي حصل

عموماً نبي نمرها ونشوف ونعطيكم آخر التفاصيل

أخوكم وافي الهقوات

[وافي الهقوات]

الظاهر انك لاقي ابو حقب

اللى متل الصقر بس رجوله ومخالبه
صغيره الصمان نعرفه شبر شبر
مابه صقور ولابه اوكار للصقور وارفع
جبل بالصمان معروف 0000000
لكن ترا يمكن حموق يمكن فروخ عقبان
واذا كان هجره اي طير مهاجر يحتمل جدا
بشرطة لا قيهم الايام هذه تحيه طيبه

ههههههههههههههههههههههه

ذكرتني بواحد من عيال الجيران قبل 20 سنه كنا نسميه ابو حقب وكان ينبسط



أخي الكريم أشكر واقدر لك مرورك وهذه المعلومات الرائعة عن الصمان


ما اقول الا كل شي جايز وراعي الخبرة في الطيور يستطيع الاستدلال على الصقر من أول نظره واما الغشيم بالصقور مثلي (ولا هو عيب) الواحد يكون غشيم كلنا بدينا غشمان في كل شي وتعلمنا لين صار كل منا محترف في مجاله وفي هوايته

ولكن نبي نتبع حدسنا إنها صقور ونشوف

والله يكتب لي ولكم اللي به الخير

اخوكم وافي الهقوات