بسم الله الرحمن الرحيم
اهديكم هاذى القصيده واعتبرها وداعيه لمنتديات مكشات وهي مرثيه في شخص فقدته ..ولكم تحياتي
1-تعالي ياهجوس القلب نكتب قصة التصوير ** على صفحات صدر(ن)يطرب الاقلام تصويره
2-نصورها على شاشة مكشات وهو يحفظ التعبير ** نسطرها بجاش(ن) يقتلب ويعيد تعبيره
3-خويك يالهجوس الموجعه من يوم كنت صغير ** واخبرك طفلة(ن)تلعب سرى يالليل وصغيره
4- تعالي ياهجوسي نجتمع في ساحة التفكير ** ونحكي لزمن قصة جريح(ن) طال تفكيره
5-تعالي ندرس الماضي ونصدر صفحة التحرير** على جرح(ن)طبع بالجوف عنوانه وتحريره
6- ندونها على المعنى ونقفل لوحة التشفير ** على صدر الغلاف مبرمجه من دون تشفيره
7-تعودنا على الغربه ..على الوحشه على التكدير** تعودنا على هم الزمان وشين تكديره
8- الى ذعذع الغربي وهب البراد عصير ** نرحب بالليالي الموحشه وندق تعميره
9-نسامر ليلة الغربه وخل الي يصير .. يصير ** يطول اليل أويقصر انا وشلي بتقصيره
10- على أسخر ضروف الزمان لصالحي تسخير**مادام ان الزمن قاسي أعرف شلون تسخيره
11-أحسب الدقايق والثواني واعرف التقدير ** ترى للوقت ساعاته ولحظاته وتقديره
12-أمانه يادهر كانك نويت بصاحبك تفجير ** ترفق يادهر أذا انك نويت اليوم تفجير
13ترفق بالضلوع اللي دمرها حضرتك تدمير **حناها هاجس الغربه وصاب القلب تدميره
14-على كثر ماعنيت يادنيا تراي بخير ** وعسى بالي بقالي بالليالي يازمن خيره
15-ألاياوجودي وجد من ضاع منه الطير ** فقير وراس ماله دافعه قبل امس في طيره
16-تلقى الغروب وكل رجم(ن) عليه يغير** يصفق باليدين وحار الأهات بصديره
17-على خوة الي خوته تكفيك دون الغير**خويا غاب عن عيني وعيني ماتبي غيره
وسلامتك &&
15 نوفمبر 2015 - 16:514 نوفمبر 2015 - 21:27
 |
رد مع اقتباس
هلا اخوي جرير معنا ندق تعميره يني زقاره كانو يدقون التبغ ويحطونه في الغليون ..وصلت
