التضمين وش معناه وممكن تجاوبون على الاسأله

[بن قنيص]

سلام عليكم
كيف الحال
يا اعضاء المنتدى


عندي كم سؤال ودي اسأل اهل الخبره بهالمجال

1- ودي اعرف وش سالفة تضمين الموتر( تدبيل الجنبينات واضافة جلد )؟
2-هل التضمين زين للموتر الجديد؟
3-هل التضمين يأثر على الموتر الجديد خصوصا بالطرق السريعه وداخل المدن؟
4-هل للتضمين فايده كبيره براحة الموتر بالطرق الوعره والتطعيس؟
5-هل التضمين يصلح للبرادو الجديد؟
6-كم يكلف التضمين؟
7-وين مكان تضمين المواتر؟
8-وش بالضبط يسوون لتضمين الموتر؟

[خالد الغنامي]

سلام عليكم
كيف الحال
يا اعضاء المنتدى


عندي كم سؤال ودي اسأل اهل الخبره بهالمجال

1- ودي اعرف وش سالفة تضمين الموتر( تدبيل الجنبينات واضافة جلد )؟
اعتقد انك جاوبت عليه وهوا [تدبيل الجلد فقط]
2-هل التضمين زين للموتر الجديد؟
اذا الموتر جديد اكيد ما ينفع التضمين للمواتر الي قرقعتها عالي ومتفككه
3-هل التضمين يأثر على الموتر الجديد خصوصا بالطرق السريعه وداخل المدن؟
لا
4-هل للتضمين فايده كبيره براحة الموتر بالطرق الوعره والتطعيس؟
لا ماله فائدة في راحة الموتر فائدة شد الموتر على شان ما يقرقع فقط !!
5-هل التضمين يصلح للبرادو الجديد؟
نعم يصلح لكل السيارات
6-كم يكلف التضمين؟
من 300 ريال الى 1000 ريال على حسب الشغل في الموتر
7-وين مكان تضمين المواتر؟
في كل مكان ولو ان القصيم هم المشهورين بالشغل النضيف
8-وش بالضبط يسوون لتضمين الموتر؟
تركيب جلد وشد جميع المسامير

جميع الاجابات بالون الاحمر

[بن قنيص]

الله يعطيك العافيه
يا خالد وبيض الله وجهك وكثرررر الله من امثالك

[قرناس حائل]

عندك ورشة تماسك بحائل يسويلك تضمين كامل للموتر

[hail_ksa]

عندك ورشة تماسك بحائل يسويلك تضمين كامل للموتر

اشهد شهادة حق على شغلهم
قبل سنه زينت الموتر عندهم ولا يعلى على شغلهم
ولله الحمد أضرب بطناج والموتر متماسك ولايدخل غبار ومع الخط ماتسمع أصوات وتنسيم الأبواب أفضل من السابق