وش تكون هالحمامه....!

[ابوعبدالله273]

بسم الله الرحمن الرحيم
اسعد الله اوقاتكم بالخير والمسرات....

استفسار من اهل الخبره ولايهينون الجيمع
مسكتلي حمام خضاري ومن ضمنهن وحده عليها حجل والحجل عليه ksa 2003
وخمس ارقام مادري وش ترمز له
وبالصوره اتمنا تتبين لكم الامور




وهذي صورة العجوز



لكم كل الود والتقدير
اخوكم ابو عبدالله 273

[ابوصالح 171]

واللة ماادري لاكن يفيدونك الاخوان

[نفود حائل]

اخوي الظاهر انه حمام زاجل

[بريداوي اصليm]

هذي مملوكه نصيحتي أطلقه

[saas-des]

زاجل حق سباق اطلقه

[مخاوي ذيب]

هذا زاجل حق سباقات الله لايهينك اطلقه ترا راعيه ينتظره بالبيت

[ابوعبدالله273]

هلا وغلا بالجميع اشكر لكم مروركم واتمنا من الي يقولون انه زاجل يعطونا الارقام الخمسه وش ترمز له
بعدين وين راعيه ينتضره هذي لاقينها على عشها
اتمنا عدم التخريص والافاده

[Diver Tabuk]

يبدو انه حمام زاجل

وننتظر افادة البقية
.
.
.

[بواردي الدلم]

هذي زاجل يالغالي

طيرها لعل راعيها يفوز

بس شيك على إستمارتها لاتكون مطوفه

بالنسبه للأرقام الخمسه أعتقد رقم الشاص

[رفحاوي 999]

حمام زاجل 100%100

لكن شكلها تركت صاحبها من زمان يمكن سوء معاملة

والضاهر انك لاقيها بدحل او خليقة

[الحر9]

الحماام زاجل100%

[_دربيل_999]

اخوي
الرقم /يعني رقم الحمامة التسلسلي..والشهر اللي اطلقت فيه..
والرموز/تعني أنها من المملكة العربية السعودية
و 2003 تاريخ الترقيم

تحياتي
الروقي

[راعي القطا]

حمام زاجل 100%

[أبو خاااالد]

افادوك الاخوان

[khaledkmk]

اطلقه اطلقه هذي زاجل ترى راعيها ينتظرها هم كذا يطلونها وينتظرونها لين تجي انا راعي طيور وعارف اطلقها ربي يوفقك ولك الاجر