مشكلة : تزويد مكينة 4500 بآترول

[Tyer_shalwa]

اخوي عندك مشكلة

كيف مايجيب الا ١٦٠

انا استخدامي باترولات ٤٥٠٠ بخاخ

معي الحين سوبر بابين ٩٨ وكان معي اثنين ربوع ٢٠٠٩

كلها كانت تجيب ال١٩٠ وال٢٠٠ اذا الجو صافي

واذا متلقي الهواء يجيب ١٧٠ الى ١٨٠

شيك ع موترك يمكن به شي مسدود

او انك رافعه من الامام او حاط بالون

يالغالي بسئلك عن تفتفة موترك أنا موتري تفتفتة " تقطيعة " بطيئ كأنة مايدخل للمكينة هوواء ماهو مثل المواتر الثانية ورا بعض وراح أسجل صوت التفتفة وبخصوص الجنوط حقاتي جتي 8 أنش .. لاكن ماهو شرط لان خويي ربع تايوتا ومركبهن وعلى الفصلة يمشي .

موترك مافيه الا العافيه انا معي باترول ربع 2009 فاكه على يدي وكاله حده 160 واذا الهواء معك 170 وتخب عليه كلها كذا 4500 الربع اما الباترول الصالون 4500 يجيب 190 200 معنه نفس المكينه صراحه شي يحير المفروض يكون العكس لن الربع اخف ولاتنسى ان مكينه الباترول 4500 12 بلف هذا سبب ضعف عزمه والربع التايوتا الشاص 4500 24 بلف

أكيد 12 بلف بس ماهو ممكن أعوض النقص هذا بـ بواجي رياضية مع اسلاكها ومنضم كهرب ؟

لانها راح تولد شرارة أكبر ومنها يكون الاحتراق اكبر بس المشكلة أذا غرفة الاحتراق صغيرة :/ !

أعتقد أن فكرة البواجي الرياضية وأسلاك البواجي مع هيدرز وفلتر راح تكون منضومة ترهيم كاملة تفرق بالعزم


دخول هواء أكبر + شرارة أشتعال أكبر + تفريغ هوا أكثر " هيدرز " = عزم أتوقع زيادة 40%

وش رايكم بهالكلام ؟؟؟

[sgl2002]

^^^
كلامك صحيح وممكن يجيب نتيجة خصوصا الفلتر والهدرز


لكن بالنسبة للتفتفه زي ماذكرت بطيئة وهذي في ١٢ بلف

ماهي مثل تفتفه الفتك والتايوتا

لذلك ماعندك مشكلة بالتفتفه

بعدين شف تسارع موترك ، اذا كان يجيب من صفر الى ١٠٠ في ١٢ ثانية فهذا هو عزمه وكاله

[ابوتركي1010]

تجربتي مع البترول كانت مع موديلات القديمه ٩٦ و٩١ و٩٧ سيارات رائعه جداً في العزم والقوة لو الي صنعها عندي قريب ذبحت له قعود وبعدها شريت لي ربع ٢٠٠٤ في البر ممتاز جداً قوه وعزم لاكن في الطريق المزفلت يدبل كبدك حده ١٤٠ ضد الهواء ومع الهواء ١٥٠ ونادرا يوصل ١٦٠ وميزة ٤٥٠٠ اقتصادي في البنزين وأحسن من مكائن ٤٢٠٠ في صرفية البنزين وما لقيت حل في زيادة السرعه الحل أني بعته ورجعت الموديل القديم ٩٧

[Tyer_shalwa]

السلام عليكم
عند أذن صاحب الموضع لتعم الفائدة بالتجربة
نعرف أن المحركات تختلف في مدى الأستجابة في التعديل و الهوائيات يا أخوان ليست العصا السحرية لقوة الأداء بس هل يعقل محرك 4500 بخاخ مع أضافة فرار مراوح هدرز فلتر ما فية اي فائدة تذكر لو مرضية نوعاً ما هل كلامكم من تجربة أو منقول مع هذه الأضافات لأن توني ماخذ صالون 99 وودي أضيف هذي الأضافات الموتر عزمة الأن حليل بس السحب والاستجابة لك عليها وبالخط يمشي 180 مرتاح مع أني ما احب السرعة فقط للتجربة

مع العلم الأخوان ذكرو ان 12 بلف ماينفع فية التزويد عندي كذلك ربع 98 محرك 4200 كربريتر ديلكو أكتروني بلد أول ماشريته ثقيل بالحيل خصوصاً بعد rpm3000 تقل مخنوق نظفة الكربريتر واضفة فرار مراوح هدرز بواجي كفرات دعسة شاهين النحيلة تغير الموتر 180 درجة استجابة سريعة وسحب عالي وفي الخط يمشي 190 بالهواء المعتدل والبنزين يمشيني ماشاء الله 600 كيلو داخل الديرة

طبعاُ الفرار والمراوح تبي تفرق في أي موتر أدائة متواضع لأكن الكلام علا الفلتر والهدرز

ودنا من الأخوان المستخدمين لهذا المحرك مع الأضافات المذكورة يعطونا تجربتهم

عليك بياض الوجه أخوي ..

صدقت والله

وإن شاء الله تعالى راح أعدل وأعطيكم التجربة ..

جربت التعديل على باترول 4500 كلبليتر

ماتغير شي يستاهل الخساير والتعب بس الصراحه عزمه وفزته اقوا من البخاخ اللي معي حالياٌ

والله أخوي ما أعلم لاكن إن شاء الله راح أعدل عليه تكلفة التعديل " 6000 " الاف ريال ان شاء الله تعالى

دعواتكم

[ابونبيل]

باترول ماعليه مكينه 4800 مو باترول خل مشروعك اكبر شوي غير المكينه بكبرها وبتستانس

[Tyer_shalwa]

تجربتي مع البترول كانت مع موديلات القديمه ٩٦ و٩١ و٩٧ سيارات رائعه جداً في العزم والقوة لو الي صنعها عندي قريب ذبحت له قعود وبعدها شريت لي ربع ٢٠٠٤ في البر ممتاز جداً قوه وعزم لاكن في الطريق المزفلت يدبل كبدك حده ١٤٠ ضد الهواء ومع الهواء ١٥٠ ونادرا يوصل ١٦٠ وميزة ٤٥٠٠ اقتصادي في البنزين وأحسن من مكائن ٤٢٠٠ في صرفية البنزين وما لقيت حل في زيادة السرعه الحل أني بعته ورجعت الموديل القديم ٩٧

الموتر بالنفود شهادة لله مايقارن بأي موتر ..


لاكن عيبة الوحيد والي دابلن تسبدي الخط :(

تخيل ادعس البنص على اخر شيء مادري الا العالم وراي تكبس <-- صرفية بنزين على غير سنع

ثم امسك اليمين راضين بالامر الواقع

أبي موتر ياعطيتة فززز

وأضن المشكلة الوحيدة هـي سالفة الـ12 بلف كيف أطورها

لازم منضومة كاملة وسوف اسوي بحث عنها وأدرسها صح ثم أشاور الخبرا هنا بدوي جنوبي والاخوان البقية ولا هو قصور بالآخرين

فلتر K&n " كمية هواء أكبر " + بواجي وأسلاك بواجي رياضية ومنضم كهرب ( مقوي ) " توليد شرارة أحتراق أكبر " + كام أكبر ( غرفة أحتراق ) ينتج كمية أحتراق أكبر + هيدرز بحريني أصلي أستيل " تفريغ أكثر + دبة مفرغة لتسهيل الأخراج

أخواني ياليت التعديل على هذه المنضومة والي عندة أرا أو زيادة يتفضل ودنا نتخلص من هالمشكلة وهي ضعف العزم على الخط والقومة ..

ارجو التفاعل

[Tyer_shalwa]

باترول ماعليه مكينه 4800 مو باترول خل مشروعك اكبر شوي غير المكينه بكبرها وبتستانس

أبو نبيل يالغالي معروف ان ماكينة الباترول 4500 بخاخ بقوة التحمل .

ومكينة الفتك مابها قصور ومعروفة خاصة 8 سريندل لاكن المشكلة ميزانيتي محدودة 6000 الآف ريال

وشولة أتخسر فوق الـ 22 الف ريال

دام إن الترهيم ينفع ؟

ماقصرت اخوي

[Abo_Faisal_506]

شف اذا كان 4500 ربع بخاخ ركب هذرز العتيبي او بحريني وفلتر K&N وطرنبت VXR 8V وغير الدينمو ركب اقوى وبواجي والي قلته انت بيطلع عزم
في واحد معه ربع 2006 4500 ركب فلتر وهدرز الموتر عزم بس غير الطرننبه وشوف الفرق

[Abo_Faisal_50]

مع احترامي لكم كلامكم ماعجبي انا اعرف واحد معه باترول طويل 96 مركب 4500 بخاخ وفلتر وهدرز وطرنبه ثمانيه سرندل المووتر ماشاء الله كأنه مرهم بخصوص السرعه موترك فيه فصله او شي
معي باترول 2004 كلبيتر عليه هدرز بسس جاب الميتين على الرابع تذا كان الهوي قويي مايقل عن 170
تعديل 4500 ادخل مواقع استراليه ويعطونك تعديل صح تبي معلومات راسلني على الخاص

[You Like Me]

^^^

الاخ ابو فيصل
لا تقارن وزن الـ 96 بوزن الـ 2005 لصاحب الموضوع
او وزن سيارتك او من مديل 98 عموماً وطالع

انا من رأيي ياصاحب الموضوع
انك راح تخسر وبيفرق معاك الموتر
شي بسيط يعني ممكن سيارات ثانيه
فقط بفلتر وهدرز تروح وتخليك في المرقى وفي الخط ..
لذلك ماراح تحصل إجابه وافيه
ماهو قصور بالشباب لا والله
لكن الـ 4500 نيسان
فاشله للتزويد والتعديل
ومكلفة وماتسوى تعبها المشكله
مو مثل الفتك مثلاً لما تخسر وتزود يبان عليها وتطربك
وحط فبالك مدام انك دخلت عالم التزويد ماراح ترضى ولا تكتفي
بتخسر المال والجهد وماراح ترضيك النتائج
وبترجع ترهم مكينه غير البلد اذا انت هاوي التزويد
لذلك انا اقول إختصر المسافه ولا تصير طعم هههههههه
الـ 6000 اللي معاك زود عليها شوي مع قيمه مكينتك وجلس تويوتا 4500 او امريكي واطرب نفسك

بالتوفيق

[سوبربنلي90]

انا جربت باترول ربع موديل 2000 مكينته 4500 كلبليتر وجربت ربع 2009 4500 بخاخ الصراحه الكلبيتر افضل من البخاخ خط ويسدح طبلونه لكن البخاخ افضل قومه لكن بالخط ردي حده 160 مكينة الباترول الربع 4500 بخاخ الضاهر مقصور عليها واكثر الناس تشتكي منها يعني مهب معقوله الصالون 4500 بخاخ يسدح طبلونه والربع لا اكيد فيه سبب لكن وش الله اعلم

[Tyer_shalwa]

شف اذا كان 4500 ربع بخاخ ركب هذرز العتيبي او بحريني وفلتر K&N وطرنبت VXR 8V وغير الدينمو ركب اقوى وبواجي والي قلته انت بيطلع عزم
في واحد معه ربع 2006 4500 ركب فلتر وهدرز الموتر عزم بس غير الطرننبه وشوف الفرق

الغالي ابو فراس

ألبنزين بشكل عآم له فائدة كبيرة في عزم السيارة ..

الدليل بنزين 95 يفرق عن 92 لية لأن نسبة الاوكتان أعلى " صفاوة أعلى "

فلذالك أكيد راح انتبة للبنزين ومسارة مروراً بالطرمبة والصفاية ..إلخ

الدينمو صرآحة مافركت فية لاكن راح اسوي بحث عنة

جزاك الله خير ~

[Tyer_shalwa]

مع احترامي لكم كلامكم ماعجبي انا اعرف واحد معه باترول طويل 96 مركب 4500 بخاخ وفلتر وهدرز وطرنبه ثمانيه سرندل المووتر ماشاء الله كأنه مرهم بخصوص السرعه موترك فيه فصله او شي
معي باترول 2004 كلبيتر عليه هدرز بسس جاب الميتين على الرابع تذا كان الهوي قويي مايقل عن 170
تعديل 4500 ادخل مواقع استراليه ويعطونك تعديل صح تبي معلومات راسلني على الخاص

أخوي أبو فيصل

دام هاذي الترهيمات أكييييد بيفرق موترة

وموترك الكلبريتر ماشاء الله علية الضاهر المشكلة فقط بالبخاخ

جزاك الله خيير وياليت تفيدنا بالمواقع الاسترالية

[Tyer_shalwa]

^^^

الاخ ابو فيصل
لا تقارن وزن الـ 96 بوزن الـ 2005 لصاحب الموضوع
او وزن سيارتك او من مديل 98 عموماً وطالع

انا من رأيي ياصاحب الموضوع
انك راح تخسر وبيفرق معاك الموتر
شي بسيط يعني ممكن سيارات ثانيه
فقط بفلتر وهدرز تروح وتخليك في المرقى وفي الخط ..
لذلك ماراح تحصل إجابه وافيه
ماهو قصور بالشباب لا والله
لكن الـ 4500 نيسان
فاشله للتزويد والتعديل
ومكلفة وماتسوى تعبها المشكله
مو مثل الفتك مثلاً لما تخسر وتزود يبان عليها وتطربك
وحط فبالك مدام انك دخلت عالم التزويد ماراح ترضى ولا تكتفي
بتخسر المال والجهد وماراح ترضيك النتائج
وبترجع ترهم مكينه غير البلد اذا انت هاوي التزويد
لذلك انا اقول إختصر المسافه ولا تصير طعم هههههههه
الـ 6000 اللي معاك زود عليها شوي مع قيمه مكينتك وجلس تويوتا 4500 او امريكي واطرب نفسك

بالتوفيق

يالغالي ماكينة النيسان 4500 البخاخ عيبها الوحيد هو انها 12 بلف فقط

عشان كذا حكمنا عليها بأنها فاشلة بالتزويد لان البنزين من الرئيسيات المسببات بضعف عزم السيارة

فـ البلوف ماتعطي كمية وقود اكثر فـ تشوف عزمة كذا وهذا تفسير من وجه نضري

بس ممكن أنا نتلافا المشكلة بـ تعديل وتزويد البلوف وغرفة الاحتراق

أو تركيب كام رياضي أكبر وأوسع وشوف العزم

أما أني أركب ماكينة تايوتا صعبة

[Tyer_shalwa]

انا جربت باترول ربع موديل 2000 مكينته 4500 كلبليتر وجربت ربع 2009 4500 بخاخ الصراحه الكلبيتر افضل من البخاخ خط ويسدح طبلونه لكن البخاخ افضل قومه لكن بالخط ردي حده 160 مكينة الباترول الربع 4500 بخاخ الضاهر مقصور عليها واكثر الناس تشتكي منها يعني مهب معقوله الصالون 4500 بخاخ يسدح طبلونه والربع لا اكيد فيه سبب لكن وش الله اعلم

أخوي سوبربنلي أكثر الاعضاء قالو ان البخاخ اضعف من الكبلريتر

يعني البلا في نضام الوقود " بخاخ " ولا " كلبريتر "

لازم نحدد السبب الرئيسي لية الكلبريتر اقوا !

أكيد فية حاجة ما تتناسب مع البخاخ بالمكينة أما ان نرهمها أو نشوف لها صرفة

ارجوو التفاعل