مساعده بخصوص السييرا و السلفرادو

[Super Majnoon]

السلام عليكم ورحمه الله وبركاته

اخواناي الاعزاء
الله يعطيكم العافيه ويوفقكم جميعا في كل اموركم

بغيت اشتري جمس حوض ومحتار والله

وش الاحسن السيرا ولا السلفرادو
وش الارخص بينهم

وكمان

السييرا 1500 يجي منه 8 سلندر ولا لا
واذا كان يجي منه 8 سلندر هل يجي منه غمارتين ولا لا

والسلفرادو نفس الحكايه 1500 يجي منه 8 سلندر ولا لا
ويجي غمارتين ولا لا


لان 2500HD كبير صراحه وطويل
وايش الفرق بين 2011 و 2013 وبس



واخر شي
1500 يجي فل ونص فل وتسذا ولا يجي استاندر بس

وشكرا ...
ومشكورين ما تقصرون الله يسعدكم ي رب

[مكشآتي للآخر]

وعليكم السلام ورحمة الله وبركاته
بالبدايه عسى اني افيدك ان شاء الله
بالنسبة للافضل هذا يعود لذوقك للشكل لاكن اشوف انها لصالح جي ام سي

الارخص طبعا السلفرالدو

بالنسبة للسيرا 1500 يجي غمارتين وثمانية سرندل
وحتى الغمارة يجي ثمانيه سرندل بقوت 5.3 او 4.8
طبعا 5.3 تجي على Z71 الي هو فل كامل ودبل

وبالنسبة للانواع 1500

فية الاستاندر الي لون واحد من داخل واعتقد مكينته 4.8 او 4.2
وفية النص الي هو 4.8 وفية الي يجي نص فل ودبل ارضي
وفية الي يجي فل كامل الزد سفنتي ون


والسلفرالدو اعتقد نفس النظاام
بكل شي

[مسير عليهم]

وش الاحسن السيرا ولا السلفرادو
وش الارخص بينهم

الفرق في الشكل وانت وذوقك والسعر السييرا ارغب في السوق فسعره اغلى شوي

السييرا 1500 يجي منه 8 سلندر ولا لا
واذا كان يجي منه 8 سلندر هل يجي منه غمارتين ولا لا

والسلفرادو نفس الحكايه 1500 يجي منه 8 سلندر ولا لا
ويجي غمارتين ولا لا

الاغلب 8 سلندر حجم 5,3 ويجي منه غمارة وغمارة ونص وغمارتين

لان 2500HD كبير صراحه وطويل
وايش الفرق بين 2011 و 2013 وبس

الـ 2500 اصبر واقوى ويعيبه الثقل والارتفاع للي غير هاوي لها و 2011 ماييفرق 2013 حسب علمي

واخر شي
1500 يجي فل ونص فل وتسذا ولا يجي استاندر بس

نعم يجي ستاندر ويجي نص فل ويجي فل كامل ويجي غمارتين دينالي