العون تككفون ...!

[أبو خطاب.]

بسم الله الرحمن الرحيم
اناا احد الأعضاء الجدد في هذا المنتدى المبارك

وارجو منككم يااخوان المساعده ....

لأني اريد بر قريب من الرياض..

لوجود امرئه ككبيره ......
نرجو الأفاده يا اخواان

[أبو خطاب.]

ملاحظه:
يا اخواان اريد ان يككون المككان يوجد فيه ربيع ولاو قليل ويكون يجاوره مككان لصيد الضباااان ....

[هاوي الطيب]

وظح سوالك وابشر بلي اقدر عليه. يعني بررر نفوود ولا تبي مخططات في اي جه تبيها من الرياض

[أبو خطاب.]

والله ياخوكك ..
من جهة روضة خريم يعني يككون من براري ماقبلها ...

[جراند شروكي]

ابو خطاب بر قريب انا اشوف اذا كان قصدك حق عصريه فقط : خلف شبك المطار بعد الزحمه شوي يعني بعد المحطه وانت متجهه للثمامه .
ولو ودك تبعد شوي عندك وانت رايح لمحطة العويضه اللي في الثمامه ادخل مفرق البويبات يمين وامش بعد شركة المياه شوف فيه اماكن حلوه وزينه يمين ويسار ،،،،
بس عاد هالاماكن اللي وصفتها لك مهنا ربيع يعني قهوه وشاي عصريه
اتمنى افدتك وان شاء الله الاخوان ما راح يقصرون

[جراند شروكي]

اذا وصلت جهة روضه خريم عندك شعيب غيلانه او شعيب الخويش قبله زين وهادي ،،،، بس انت تقول قريب

[أبو خطاب.]

والله انا كان ودي ب التنهات ولا الشوكي بس الله العجيز رافضه لبعده ههههه
اماا عن الطلعه فهي من الفجر الى الساعه ١٢ ليلا جزاكك الله خير هه

[أبو خطاب.]

بيني وبينكك من عادتي عدم اقترابي من الرياض البتا
لذالكك لا اعرف القريبه ههه
ونا حدي ف البعد ١٥٠ الى ١٨٠

[جراند شروكي]

بصراحة شعيب الشوكي وبعده ينسيك هم الطريق ،،،،، بس مشكلته وعوره الطريق له

[هاوي الطيب]

طيب دامك بطوول روضه خريم او تنها ررربيع يشرح الخاطر ...

[أبو لافي العصيمي]

يفيدونك اهل الرياض ان شاء الله

[ذيب الظلمه]

روضة التنهات

[SDERAWI]

رح شعيب غيلانه يشرح الصدر وقريب

[قرم التميمي]

فزعتكم ي اهل الرياض افيدو الرجال جزاكم الله خير

[ابو البر]

اقول اسلك طريق القصيم
الين يجيك كبري بنبان
لف يمين وبعد تقريبا كيلو بيجيك شارع سيدين لف يسار وبعد ثلاثين متر لف يمين .
امش على طول الين يجيك دوار تعده وبيجيك طلعه . بعد الطلعه بيجيك منتزه الامير سلمان على اليمين .

واذا تهت
اسأل عند مفرق بنبان وانت ما خذ يمين مثل ما قلت لك بيجيك محطة القرني / أسأل عن المكان .

واذا تبي الوصف على الجوال
اتصل بي بعد الظهر 0551707858

منتزه حلو وهادي وفيه جلسات توسع الصدر .

عساني افدتك .
أسأل الله العلي القدير ان يحفظ لك الوالده ويوفقك لرضاها .