هل هذا الونش (الذاتي) الحل النهائي لعقبات الصحاري والجبال Bush Winch

[رحال السراة]

السلام عليكم ..



وأنا أهيم في عالم الونشات وجدت هذه التحفة الفريدة التي جلست أفكر هل أحد قدر يسويها بشكل إنتاجي
وعملي وسهل ؟؟ وأخيراً وجدتها عند الاستراليين الهباقين ( أحس فيهم رووووح الكشاتة وشغفها )
وهي موجودة من سنين والله أرتحت صراحة
يعني أنسى إنك تغرز ( يعلق الدفرنس , تنشب في صخور , تطلع برج خخخخ ) نهائيا إن شاء الله
بدون هذرة زايدة صراحة برررررد علي يوم شفت أن هالأختراااع موجود وفيه أمل الحصول عليه ..











بسسس أنا قلت في طبيعة ( بعض ) بلادنا الجميلة لا وجود للأشجار ( آآخ يالمحتطبين حسبي عليكم ) في الصحاري القفااار
ولكن لم يغفلوا هذه أيضا !!!
والحل في الجزء الثاني ..








لو تلاحظون فقط التغيير الوحيد كان في صواميل الكفرات فقط !




وعجبتني قدرة الحبال مع صغرها ..
ومعظم القطع لها قفل أمان بحيث لاتنفك في حال السحب ..

العيب الوحــيــد الأسعااار الخرافية التي بعضها لم استوعبه , هذا موقعهم :
http://www.bushwinch.com.au/products.html


لكن لو تلاحظون أن المسألة مسألة حدادة بس يبيلها حداد فاهم أو تعطي نفس القطع واحد صيني
وتقوله أبغا أنتج منها كميات وابشر بالطابعة تنسخ نفس الشغل بسعر أقل ..
أتمنى أشوفها بالقريب في الأاسواق لكن مع جودة بالذات اللي تحفر , لأن يا أخوان والله ماحد يعرف
قيمتها الا اللي أنلطع في البر ساعات أو أكثر لاقدر الله مغرززز (لاحد يقول السواق غشيم لكل جواد كبوة ) ..
أنا عجبني الباترول ماشاء الله نـــظـــيـــف ..

دمتم بود ..

[مشعل الأسعدي]

هذا شغلته شغلة اللي يريدي مزيد من النتائج يفتح قوقل أو اليوتيوب ويكتب
wheel winch

فيه اللي أفضل منه برأيي وهو الونش اللي يشتغل على البطارية ومتنقل ويسحب لحد 3 طن مع بكرة التوزيع
وبه فاصل كهرب إذا وصل لدرجة أكبر من تحمله موجود عند السنيدي بـ300 وعليها

[رحال السراة]

هذا شغلته شغلة اللي يريدي مزيد من النتائج يفتح قوقل أو اليوتيوب ويكتب
wheel winch

فيه اللي أفضل منه برأيي وهو الونش اللي يشتغل على البطارية ومتنقل ويسحب لحد 3 طن مع بكرة التوزيع
وبه فاصل كهرب إذا وصل لدرجة أكبر من تحمله موجود عند السنيدي بـ300 وعليها

ماعرفته ليتك تجيب له صورة

أحيان ماتثق فيه يتعطل أو يسخن اللي ذكرته ..

اللي عاجبني في ذا مايحتاج كهرب وخلافه بس عيبه سعره غالي شويتين ..

[مشعل الأسعدي]

تقدر تبحث وتتفرج بهالكلمات هاذي سواء بالصور أو بالويب
winch 12 volt

dc 12v winch
أو

هذا بحث جاهز لما يخص الأوناش اللي على البطارية

وهاذي صورة الونش عند أخونا راعي الجبيل بتويوتا العربية











وهذا تحت الهندل يركب على الجنب اذا بغيت تطويه يدوي او في حالة انه فصل وتنتظر يبرد فبدل الانتظار تطويه بيدك






هنا تكمن فائدته هو إنه إذا زاد على الوزن المطلوب يطفي فا بهالحالة ممكن إنت تركب الموتر وتدعس عشان يقل
الضغط عليه 3 طن مهي سهلة

[طواش]

اخي مشعل
كم سعر الونش لي عارض صورته انا اشوفها 330 ريال سعودي اظن اني غلطان هههه
شكرالك سلفا

[Abo gssar]

اتوقع لو فيه حداد شاطر راح يصلح لك نفسها بس المشكلة اتوقع في الصواميل اللي تركب في الكفر وفي الحبل كيف تلقى مثله قوي مع ان حجمه صغير

[ابو فهد07]

انا في راشي ونش وكنت مخطط على ونش وورن بس يكلف مع التركيب 4500 ريال وهذا الي وقفني وافكر في شغلات بديله زي هذي بالنسبه للونش الي في السنيدي ممتاز عجبني بس مدري وش من لحيه اخاف وقت الجد ما ينجز ؟؟؟؟

[مشعل الأسعدي]

أخوس طواش إي نعم 330


أبو فهد هذا إقتباس لكلام أخونا راعي الجبيل أبو حمدان شوف وش يقول عنه

عندي واحد مثله
هو الصحيح يسحب طن ونصف ومع بكرة التربيعة حقت توزيع القوة يوصل ثلاثه طن بالراحة
بصراحة قوي جدا وفيه تامين كهربائي للحمل يفصل الكهرباء
جربت فيه سحب السكويا من تغريزه خفيفه للتجربة وربطت الجهة الثانية في طلحه وبصراحة ماقصر مع المحاولات طلع السياره
اللي عندي مشابه له واخذته من السنيدي بسعر 330 ريال ويمكن هذا اجود لك نفس الشكل والمبدأ
مشاكله هو وقت السحب صعب تثبيته بمكان معين ببعض السيارات لكن اذا عندك دعامية تقدر تفصله مجرى يثبت عليه

اللي عندي صناعته صيني لكن جودته جيده
وله عندي حول الاربع سنين
اللي محليه هو نظام التامين فيه بانه يفصل الكهرباء اذا جاه حمل اكثر من طاقته
وهذه هي صوره وهو يعتبر تمشية حال ماهو اللي تشد فيه الظهر دائما وله قاعدة تركب على هوك السحب في خلف الموتر وسلك الكهرباء طويل بحدود خمسة متر او اكثر

^ طبعا هنا هو يتكلم عن الصيني يعني الواحد لو يلقى له إسترالي 100%
الله يجزاه خير ماقصر وفى وكفا

[بو خليفه]

شريت هذا الونش قوة السحب 3500LB يعادل 1590 كم
و شريته من الصياد في الدمام سعره 450 و عند السنيدي سعره 475
جربته في السحب وسحب الددسن في التغريز لكن هو عامل مساعد كان عندك 10 اشخاص تدفع السيارة