ملاك البنادق الهوائية بنظام ضغط الغاز PCP

[عامر689]

انا اشتريت منهم فايروخ 100 بنفس اليوم الي انت اتصلت عليهم وقالولك بعد رمضان

يعني متوفره عنده الحين

[HW77 ONLY]

أخوي " أبو كشته" من أي فرع شريتها وكم السعر ؟

الله يبارك لك فيها ويكفيك شرها وشر غيرها

[ابو كشتة]

من فرع القصيم ب٣٥٠٠ ريال

[HW77 ONLY]

حسب علمي أن الرميح ليس لهم فرع في القصيم
سألت موظفهم قال الزلفي والرياض 3 فروع (النسيم والملز والديرة )

طبعا أنا ما أكذبك وانت محشوم لكن حبيت أتأكد يمكن يكون وكيل أو موزع آخر مثلا بجده فيه ابن حميد

[ابو كشتة]

حسب علمي أن الرميح ليس لهم فرع في القصيم
سألت موظفهم قال الزلفي والرياض 3 فروع (النسيم والملز والديرة )

طبعا أنا ما أكذبك وانت محشوم لكن حبيت أتأكد يمكن يكون وكيل أو موزع آخر مثلا بجده فيه ابن حميد

اخوي انت سالتني من اي فرع اشتريتها ققلت لك اشتريتها من فرع القصيم
وقلت بكم قلت لك ب3500 ريال

ردي كان واضح جدا تمنيت انك ماستشهدت بكلام العامل لانه كذاب وانا اخوك
وانا ارفقت الصور مسحت بيناتي من الصورة شف واحكم

[HW77 ONLY]

الله لايهينك والعذر والسموحة مو القصد اني أكذبك والا اشكك في كلامك مثل ماذكرت لك في الرسالة اللي قبل لكن حبيت اعرف واتأكد أن في القصيم فرع للرميح وليس وكيل آخر لا أقل ولا أكثر

الله يبارك لك فيها

ولو تتكرم تعطينا رأيك في البندق وكيف تعبيها هواء ونوع الطرمبة أو اسطوانة الغاز اللي تستخدمها أو ناوي عليها.

شكرا

[ابو كشتة]

الله يسلمك يالغالي ويبارك فيك ، الفايروخ ماستلمتها يقولون بعد اسبوعين يطلع الترخيص ويمكن قبلها
بماني ماستلمتها ااجل رايي لبعد التجربة لكن افتح اليوتيوب واكتب hw100 بتشوف مقاطع لاتعد ولاتحصى فالبندق على مستوى العالم لها شعبية كبيرة
التعبية عندي اسطوانة كربون فايبر 12 لتر خفيفة جدا غير موجودة بالسعودية اخذتها من الكويت ب180 دينار
لكن الاهم عندي الصتم ابحاول اشوف طريقة اجيب jsb 18gr

[رايح الوسمي]

مساكم الله بالخير جميعا

اشتريت امس هاستان BT65 وكان المبلغ 4400 ريال

وجدتها http://www.pyramydair.com/ ب 800 دولار او اقل بقليل

البندقية رائعة واعتقد ان منافساتها قليل

اخذت الخشب ، وفيها قليل من الثقل في الوزن

ترمي ب 5،5

اما التعبئة فلم استخدم سوى مضختها اليدوية وهي مرهقة جدا



افكر في استخدام كومبريسور وليس اسطوانة

مع الاسف أسعارها تقارب الفين دولار

[HW77 ONLY]

انا ناوي على كيوتا من شركة قامو الأسباية لكن اللي مخليني اتردد هو تعبئة الغاز
اليدوي مرهق جدا والاسطوانات الى الآن مالقيت شئ زين وآمن.
مريت اليوم محل مستلزمات طبيه ولقيت عندهم مقاس 5 لتر و10 لتر لكن للأسف مو موضح عليها كم تتحمل....
الله يعين

[HW77 ONLY]

شباب سؤال محيرني ....

لو فرضنا الاسطوانة تتحمل الى ضغط 300 بار والساكتون تحتاج 200 بار .... هل يعني ذلك انها بتعبي مرة ونصف ؟

[HW77 ONLY]

طبعا اللي سبب لي الحيرة أن فيه واحد يقول الأسطوانة تعبي له اكثر من عش مرات ....

[ابو كشتة]

شباب سؤال محيرني ....

لو فرضنا الاسطوانة تتحمل الى ضغط 300 بار والساكتون تحتاج 200 بار .... هل يعني ذلك انها بتعبي مرة ونصف ؟

هنا على حسب حجمها لنفرض 10 لتر بتعبي اكثر من 10 مرات
واذا تعبيها عال70 الى الفل بتعبيلك لين تمل

[Ibrahim44]

ياشباب الي يخبر لي فايروخ ٥.٥ للبيع الرميح مطولها

[HW77 ONLY]

تبي اللي بنظام غاز والا عادية؟
راسلني خاص

[ابو كشتة]

ياشباب الي يخبر لي فايروخ 5.5 للبيع الرميح مطولها

ابشرك الرميح اتصل علي اليوم يقول الفايروخ 100 جاهزة مع التصريح تعال استلمها