ملاك البنادق الهوائية بنظام ضغط الغاز PCP

[قطاع الارماس]

اخوي قطاع الارماس كمبرسر الثلاجه ما اخفيك اني فكرت فيه لكن لاحظت انه يطلع شوي زيت منه وهو يضغط الهوا واخاف ان الزيت يأثر على البندق والله اعلم

ايه يطلع زيت بس مالحضت وش مسوي بالمواصير عشان يتلافى الزيت على العموم اذا بيكون بيعطي حول 30 بار حلو يركب عليه فلتر موجود عند اهل قطع غيار التكيف بشارع الريل

[وادي النحل]

فراس بارك الله فيك ما قصرت

[وادي النحل]

تم إغلاق الطلب
30/05/2014 02:21 م
لقد تم مراجعة طلبك من أحد موظفينا وتم رفضه بناءً على الأسباب التالية:

نأسف لاخباركم بأن الموقع غير موثوق لدينا ، لذلك هل نستطيع خدمتكم في روابط أخرى ؟ وش الحل نبي رابط موقع موثوق لشراء الجهاز

[shpeer]

تم إغلاق الطلب
30/05/2014 02:21 م
لقد تم مراجعة طلبك من أحد موظفينا وتم رفضه بناءً على الأسباب التالية:

نأسف لاخباركم بأن الموقع غير موثوق لدينا ، لذلك هل نستطيع خدمتكم في روابط أخرى ؟ وش الحل نبي رابط موقع موثوق لشراء الجهاز

أخي العزيز ليس للبنك الحق في رفض الطلب من أي موقع شراء مهما كانت أسبابه

عواقب الطلب من المواقع المشبوهه تتمحور حول العميل هو نفسه يتحمل عواقبها

ما نوع البطاقة التي تم الطلب بها وما هو البنك المستفيد . نرجو إفدتنا عزيزي إذا كان الأمر ما فيه حرج لكم

شاكر ومقدر احبتي تفاعلكم وإثراء الموضوع

[فراس الدوسي]

أخي العزيز ليس للبنك الحق في رفض الطلب من أي موقع شراء مهما كانت أسبابه

عواقب الطلب من المواقع المشبوهه تتمحور حول العميل هو نفسه يتحمل عواقبها

ما نوع البطاقة التي تم الطلب بها وما هو البنك المستفيد . نرجو إفدتنا عزيزي إذا كان الأمر ما فيه حرج لكم

شاكر ومقدر احبتي تفاعلكم وإثراء الموضوع

ابو عبدالله الرجال طلب من موقع وليس عن طريق بطاقه او بنك

موقع وسيط للطلبات ومثل ما كنت متوقع ان الموقع يحاول يتجنب البائعين المشبوهين

او غير المعتمدين لدى مواقع التسوق

على العموم اخوي وادي النحل لا تستعجل خلنا نشوف وننتظر يمكن نلقى حل

عن طريق موقع الشركه نفسه او عن طريق احد مواقع التسوق

تحياتي لك

[kASER-999]

تم إغلاق الطلب
30/05/2014 02:21 م
لقد تم مراجعة طلبك من أحد موظفينا وتم رفضه بناءً على الأسباب التالية:

نأسف لاخباركم بأن الموقع غير موثوق لدينا ، لذلك هل نستطيع خدمتكم في روابط أخرى ؟ وش الحل نبي رابط موقع موثوق لشراء الجهاز

هلابك اخوي
هات رابط القطعة اللي تبيها وابشر ابشوفها لك راسلني ع الخاص

[راعي مكاشييت]

السلام عليكم ورحمة الله وبركاته
يالربع ابي مشورت المجربين
انا رجال ابي سلاح صيدي غالبا ضبان وقماري وسمان
القماري والسمان الشوزن ما قصرت
لكن ابي سلاح للضبان والناريات غاليه
هل بندق الضغط تغنيك عن الخرازة وهل دقيقة وقوية
واذا تنصحوني عطوني نوع قوي ومتوفر
وسلامتكم

وينكم يالربع

[عطيه الدوسي]

وينكم يالربع

وعليكم السلام ورحمة الله وبركاته

بنادق pcp قوية جدا لكن لا توصل الى قوة الخرازة
عيار 5.5 افضل شيئ وتقدر تصيد به اغلب الطرائد
لكن احسب حساب المسافة يعني اكثر من 60 متر اعتقد
انها تكون ضعيفة نسبيا
ادا تبي خذ نوع سرعته اعلى من 1000 قدم /ث 5.5
الانواع
1-bsa موجودة عند بندقيتي بتبوك الصناعة انجليزية
2-والثر 1250 موجودة كذلك عند بندقيتي الصناعة المانية
3-hw100 موجودة عند الرميح بالرياض الصناعة المانية
4-هاتسان bt65موجوده عند الرماية الصناعة تركية
غير هذي الانواع ماعندي علم يفيدونك الاخوان ان شاء الله

[ابو محمد 50]

شباب هل نقدر نحول hw100 من صتم اربعه ونصف الى خمسه ونصف وش الاشياء الي نحتاجها سبطانه ومحاله اواي شى ثاني ياليت احد يبحث الموضوع معه لغه ويشوف فيه امكانيه ويعلمنا لاني رميت بالاربعه ونصف وبعض الطيور يشيل صوابه اوصتم معين

[عطيه الدوسي]

[QUOTE=ابو محمد 50;10114875]شباب هل نقدر نحول hw100 من صتم اربعه ونصف الى خمسه ونصف وش الاشياء الي نحتاجها سبطانه ومحاله اواي شى ثاني ياليت احد يبحث الموضوع معه لغه ويشوف فيه امكانيه ويعلمنا لاني رميت بالاربعه ونصف وبعض الطيور يشيل صوابه اوصتم معين[

هلا يا ابو محمد
بالنسبة لتبديل السبطانة من 4.5 الى 5.5 اعتقد والله اعلم تحتاج فقط لسبطانة 5.5 ومخزن

وبالنسبة للرصاص
انصحك بهذ للطيور الكبيرة ممتاز طبعا ثالث واحد من اليمين ابو علبة بيضاء

[شيخ القناصة1]

تحتاج للتحويل سبطانة 5.5 و ذراع التلقيم الداخلي 5.5 وغطاء للمنظم 5.5 ومخزن 5.5 وبعض الربلات

ونصيحتي لك الفكرة غير ناجحة

[شيخ القناصة1]

جهاز shoebox compressor جهاز يعتمد في اغلب القطع الاساسية على الربلات ويجب المحافظة علية من الحرارة الزائدة والاجواء لدينا حارة جداً مقارنة بأجواء امريكا واوربا

اتمنى الاطلاع على المواصفات يحتاج 24 ساعة لتعبئة اسطوانة الغوص low pressure

الى 206 bar

ويحتاج محول تيار من 110 الى 220

ويحتاج كمبروسر هواء ويحتاج a fill hose and attachment fittings

وفيه افضل منه واسرع ويعمل في نظام التبريد المائي عكس shoebox compressor

الذي يعمل بالتبريد الهوائي ويحتاج صيانة ومراقبة في كل مرة تحتاج الجهاز لتعبئة الاسطوانة

تقييمي للجهاز 5/3

[ابو محمد 50]

مشكور ياشباب والله يعطيكم العافيه واخ عطيه بالنسبه لرقم 3 ابو علبه بيضاء موجود عندنا ولا غير متوفر

[خيال وبروق]

يا اخوان من يدلنا على محلات متخصصة في ادوات الغوص
سمعت ب غواص البحر الاحمر على طريق العليا بس مالقيته

انا اشوف اذا فيه محلات مثل هذي وتوفر التعبئه للأسطوانات الغوص
راح تنحل المشكلة

[999ابوصالح]

يا اخوان من يدلنا على محلات متخصصة في ادوات الغوص
سمعت ب غواص البحر الاحمر على طريق العليا بس مالقيته

انا اشوف اذا فيه محلات مثل هذي وتوفر التعبئه للأسطوانات الغوص
راح تنحل المشكلة

مريت محل غوص بالخبر اسمه (غواصين البحار)
المحل ماشاء الله جايب جهاز كبير يعبي إلى psi 4500
شارع الأمير حمود تقاطع 10
الله يرزقه وبالتوفيق للجميع