عروض الجميح ادفع 50 و50 بعد سنتين

[قناص 28 عفيف]

السلام عليكم ورحمه الله وبركاته
ياشباب شفت عروض الجميح والتوكيلات العالميه
ادفع 50 و50 بعد سنتين حسب مافهمته من العرض مثلا السياره ب 100 الف ادفع 50 الف الان و50 الف بعد سنتين
والي اخذ هالعرض كيف طريقتهم هل يزودون عن قيمه السياره كاش ولا العرض بقيمه الكاش
وش افضل سياره يوكن ولا تاهو اقل فئه بدون دبل !
ويعطيكم العافيه

[باسل2000]

هذا العرض يشمل فقط الي راتبه فوق10 الاف ونعم تحسب الفائده ...مع تامين السياره

اذا راتبك أقل تدفع النصف والباقي اقساط شهريه حسب قسطك الي تدفه تقل او تزيد المده وطبعا كل ماقلة قلة الفائده ..

[قناص 28 عفيف]

مشكورعلى الافاده
اجل خلها تصدي عندهم

[sgl2002]

ياليت الحمراني يسويها

[طواش]

الجميع مواتره طايحه في جبده قليل الي بيجيه
خل عبداللطيف جميل يسوي هذا العرض لاتشوف طوابير امام الموسسه ههههه تويوتا علامة الجوده

[اتجاه السحاب]

عروض الجميع بسبب تغير شكل موديل ٢٠١٤
لأنة من ٢٠٠٧ إلى ٢٠١٣ الشكل واحد..

[WWS]

عروض الجميع بسبب تغير شكل موديل ٢٠١٤
لأنة من ٢٠٠٧ إلى ٢٠١٣ الشكل واحد..

تصريف بشكل كبير
<< متـآثر بـآلآسهم
صــآرت عـآم 2006 مثل هـآلعرؤض
نصف آلسعر آلآن ؤ آلبـآقي بعد سنتين

[أطلال نجد]

هذا مصيده و ليس عرض وللأسف وقعوا فيها ناس كثير مع الحمراني

اللي راتبه زين يأخذ عن طريق البنوك الإسلامية أفضل

[مسير عليهم]

بالعكس اشوفها عروض فيه ناس امورهم المادي ماتسمح يشتري اخر موديل وهو يحتاج سيارة تمشيه اقل شي 5 سنوات بدون اعطال ولا يهمه موديل السيارة او الشكل فهي فرصه للي محتاج سيارة جديده بقيمة مناسبه له

[aboabed]

انا مكلمهم اليوم .. يقولون نص القيمه الان والنص الثاني بعد سنتين ولا فيه فوائد ... عاد ناوي امرهم الليله

[سلكي نت]

الجميح كوكيل يخوف بعد ما انتشرت مشاكله ببيع سيارات مرشوشه على انها جديدة
والمشكلة ليست حالة واحد بل اكثر من 550 حالة بناءاً على بيان وزارة التجارة والدعاوي المرفوعة بهذا الخصوص
اما شركة شفرولية وجمس فلا غبار عليها سيارات ما يحتاج

[ابو سديم 15]

عبداللطيف جميل سوى هذا العرض على الاف جي قبل فتره ، كان لمدة محدوده

[النو]

إنتبه لاتكون من السيارات المرشوشه .
تراهم مايخافون الله