ما رأيكم في الشوزن الايطاليه ( صور )

[قلايد الخيل]

اذا سعرها زين لاتوفرها بس اشترلك جلده عشان ندحها قوي واهم شي تاكد انها تنتش الفارغ وجربها برقم 36 وتوكل ع الله

[ابوعاشة]

اخوي انحش عنها جربتها نفس الي بالصورة يعيبها رميها تفرش وماتسوق

[حميدان90]

الشوزن ذي طيبة ومنك الاولات وعزالله انها تبعد وتسوق بس عليك بضغط32 وفالك الشحم عذروبها الوحيد الندف وعلاجه ربلتين مطاط

[تربة الشمال]

عذروبهاء ماتسوق وطريقة رش الحلبي متفرقه وجهت نظري عليك بالشوزن ام سبع ابر او ام سيلان ماصوره 32 وتوكل علئ الله

[مولع قنص]

والله يالغالي الله يعينك على ندفها والله ياهي تكسر الكتف وتكرهك بالرمايه كلها هذا غير قصر سبطانتها

[ابو ضامي]

اضم صوتي لشباب واقولك جرب ام سبع ابر وتشوف الفرق وشكرن

[ابومحمد 88]

معي ام كسر الايطالية من القديمات بدون جسر رميها ماشاء الله قوي وتسوق لكن فيه انواع من الفشق مايضبط معها مثل كاكا وبعض الانواع اللي يضبط معها ابونمر الاسود وكلاسيك ضغط 32 وابوغزال بكل انواعه وبعض النواع نسيت اسمها المهم ان سبع ابر حليوه لكن حديدها مهوب قوي رخو ماترمي ضغوط الايطاليه حديدها قوي مرررة ارمي بها ضغوط 38 و40 جرام و2 تحت الصفر وماخالفت ابد ونادوسها من احسن مايكون والناتوش كذلك اما ام سبع ابر تكذب بعض الاحيان ماترمي ولاتطلع الفشقه زين وناتوشها ثقيل مرة لكن ميزتها ماتندف عكس الكسر تندف لكن مايعيب الرجال الندف ادري اني توي الحق على الرد بس حبيت اوضح