استفسار عن تجهيز هايلوكس

[عبدالله الوقيان]

السلام عليكم ورحمة الله وبركاته

انا ابي اركب لهايلكس دبل 2011 جنوط هلل وشد عقرب
سؤالي:1-هل ارفع الموتر من قدام والا عادي مايحكن الجنوط؟
2- وش احسن كفرات يصلحن للبر والخط ولايكونن غاليات بالحيل
3- كم تكلفة الجنوط مع الكفرات مع شد العقرب
وشكرآ

[جي تي]

شف ياطويل العمر اول شيء وش نوع الكفر او مقاس الكفر الي بتركبه

جنوط هلل 16 ب 500 ريال تقريبا طبعا صينيه وانا مركبها على موتري الدبل لي سنتين ولا شفت منها خلاف

شد العقرب على حسب الي بتركبه عنده عندك ورشة المواهب في الصناعيه القديمه وعندك ورشة الوادي بالرس
انا مفصل عند المواهب ب 700 ريال قبل سنه تقريبا وشغلهم ما يحتاج

والرفع انصحك ب لعاب 22 او 20 ومساعدات جبريال ورا وقدام كعكه 2ونص او 3 او ياي استرالي

الكفرات اذا تبي شيء يعيش معك ويتحمل عندك ابو لبنه دنلوب حجري (ما تحك برفعت البلد)
بس الرساوه لك عليها وقاسيه وبالنفود ممشاها حلو طبعا سعرها بحدود 600 للواحد

وعندك الشواهين 245/85/16 انا ما جربتها بس يمدحونها في النفود وارسى من الحجريات و الين وسعرها على 580 تقريبا

وعندك مكسس اظاهر 245/75/16 تلقاها في رابطة ملاك الهايلوكس الدبل الجزء الثاني ص92 على ما اذكر في صوره للمكسس على دبل 2010

واي خدمه انا تحت امرك ....

[عبدالله الوقيان]

مشكور اخوي ماقصرت بس فيه ببريده ناس يركبون؟

[جي تي]

بريده والله مالي علم لاكن لاتركب عند اي واحد اسال عن الورش الزينه ورشة الوادي بالرس حولك بالقصيم شغلهم ممتاز وكثيرين يمدحونه و واحد من الربع توه مفصله عقرب على شاص وشغلهم ما شاء الله اما الرفعه تلقى في صناعية عنيزه ورشة ترفيع وانتم ما يحتاج يا اهل القصيم في الهايلوكسات وانا ما لي علم بمحلات القصيم

[عبدالله الوقيان]

مشكور وماقصرت..

[سـهم الجزيرة]

كفرات ماكسس ممتازه فالبر و خفيفه
لكن تزلق مع المطر

[عبدالله الوقيان]

مشكور اخوي سهم الجزيرة