ااستشااااره

[محمدالعريني1]

السلام عليكم ورحمة الله وبركاتة ,,,,,,

اخواني العزاء بخيمة السيارات , اسعد الله مساكم بكل خير ,,,,

حبيت استشيركم بين سيارتين انا محتار بينهم . الاولى يوكن ,, وثانيه اكسبدشن , مدري وش الفضل من ناحية الاستخدام والقطع . اتمنا ايفادتي مع التوضيح , ومشكورين والله يجزاك كل خير , واسف على ازعاجكم ,

اخوكم العريني ,,,,

[محمدالعريني1]

ارجو من الخوان الكرام الرد بسرع وقت ممكن ,,,

[التعـ King ـديل]

شي طبيعي محد يرد عليك

لانك وضعت الموضوع بالمكان الخطاء تم نقله للمكان الصحيح

[Abo_Faisal_50]

يوكن وفي الشكل تاهو مايقرف شي بين التاهو واليوكن

[بدوي جنوبي]

انت سئلت من ناحية الاستخدام والقطع
توكل على الله وخذ أكسبديشن

[محمدالعريني1]

مشكور أخوي بدوي على نصيحتك

[.أبوعبدالرحمن]

رابطة ملاك اسد الصحراء ( الاكسبدشن4×4 / 2×4)


رابطة ملاك اسد الصحراء ( الاكسبدشن4×4 / 2×4)الجزء الثاني ‏

رابطة ملاك (اليوكون , دينالي , تاهو , السوبربان ,z71)


رابطة ملاك (اليوكون , دينالي , تاهو , السوبربان ,z71) الجزء الثاني ‏

مع أني للمؤيدين للإكسبدشن من واقع تجربة

[عبدالعزيز-1]

ل سياره لها مميزات وسلبيات :

1- الاكسبديشن مريح جدا جدا في السفر وجميع المراتب متحركه وتقدر توزن ظهر المرتبه على الميول اللي يناسبك بينما مراتب التاهو واليوكن مراتب الصف الثاني والثالث لاتتحرك وثابته على زاويه معينه وهذا الشي متعب جداً في السفر علماً ان الاكسبديشن اوسع من جوا من التاهو واليوكن.

2- الاكسبديشن المرتبه الثالثه اذا اردت سفطها فانها تكون مسطحه مع ارضية السياره مما يعطي مساحه اكبر للتحميل بعكس اليوكن والتاهو اللي تشوف مرتبته بارزه وماتقدر تثنيها بشكل كامل وتضطر انك تنزل المرتبه الثالثه بالبيت.

3- الاكسبديشن اريح في السفر ومطبه خفيف وارسى من التاهو واليوكن وشاصه اقوى في حالة الحوادث لاسمح الله.

4- التاهو واليوكن اخف في المدينه من الاكسبديشن لان الاكسبديشن ثقيل نوعاً ما.

5- شكل التاهو واليوكن اجمل من الاكسبديشن.

6- الديكورات الداخليه التاهو واليوكن اجمل من الاكسبديشن.

7- من ناحية الصيانه ف كل وكلاء السيارتين سيئين ولكن توكيلات الجزيره تعتبر من افضل السيئين في الصيانه.

8- مواصفات الاكسبديشن اقل فئه تعادل مواصفات التاهو واليوكن الفئه الوسط.

9- التاهو واليوكن افضل في حالة البيع من الاكبديشن.


علماً ان تجربتي تمت على اكسبديشن شاص طويل موديل 2008 اقل فئه واكسبديشن 2012 نص فل ويوكن 2010 فئه وسط وتاهو موديل 2012 فئه وسط ايضاً

في النهاية انت شوف ايش راغب واستخر ربك والله يكتبلك اللي فيه الخير

[محمدالعريني1]

مشكور اخوي عبدالعزيز-1 على التوضيح . وجزاك الله خير ..

[Abo_Faisal_506]

تاهو في الشكل اما الشعبيه يوكن