الشاصي متأثر هل فيه ورش متخصصه بهالامور ؟

[راعي الرود]

السلام عليكم

يالله حيهم كلن بأسمه


ياشباب انا موتري تفاجأت ان فيه شرخ بسيط في الشاصي يمكن 2 سم في الكمر الخلفي

مدري وش السبب مع العلم ان الموتر سليم من الضربات و الصدوم !

هل فيه ورش ممكن تلحم هالشرخ اللي في الشاصي بحيث انه يصير متماسك

الآن الموتر مابه خلاف ابد بس بديت اتخوف وانا اسوقه ينطلق الكمر و اجي على التنده الله يكفينا الشر !

شورو علي وش تنصحونن ؟

سمعت بورشه اسمها بن مرضاح او السفريات بالصناعيه القديمه متخصصه بهالامور

فيه احد جربها يعطينا انطباعه عنها ؟ و وش الحلول المتوقعه لمثل هالمشكله ؟ تلحيم عادي ؟ مافيه خوف ان التلحيم ينفك ؟ لأن وزن الموتر كله على الشاصي و اخاف ان التلحيم ينطلق

[الحيسوني-]

اذا تقصد الكمر اللي يمسك الشاص اليمين باليسار يمكن يتغير انت مر التشليح واسئلهم عنه وان شاء الله يصير يتغير


الا سيارتك وشي

[راعي الرود]

اذا تقصد الكمر اللي يمسك الشاص اليمين باليسار يمكن يتغير انت مر التشليح واسئلهم عنه وان شاء الله يصير يتغير


الا سيارتك وشي

انا منب متأكد اذا الكمر هو نفسه الشاصي ؟

المكان بالضبط في الشاصي من الخلف جهه اليسار

و الموتر شيروكي سبورت 2000

[راعي الرود]

ما من علم يارجال ؟

افيدونا باتسر ابروح الصناعيه ولا ودي اروح وانا ادربي راسي عطونا العلم هل من حلول لشرخ الشاصي ؟

[دحيم الفزعة]

السلام عليكم

حدد مكان الشرخ بالضبببببط


هل هو قبل أو بعد أو فوق الدفرنس


وعلى العموم هو يلحم خياطه باللحام ويضمن فوقه ببليته حديد

[راعي الرود]

السلام عليكم

حدد مكان الشرخ بالضبببببط


هل هو قبل أو بعد أو فوق الدفرنس


وعلى العموم هو يلحم خياطه باللحام ويضمن فوقه ببليته حديد

مكان الشرخ في الخلف الجهه اليسار و مكانه قبل الدفرنس

لنفرض ان نقطه البدايه من خشم الموتر الشرخ بالضبط بين الباب الخلفي اليسار وبين الدفرنس ولا يتعدى 2 او 3 سانتي بالكثير

هل تنصح بمكان معين يحكره بحيث انه يكون مافيه مجال ان الشرخ يتوسع مع المطامر او ينطلق الشاصي لا سمح الله ؟!

[راعي الرود]

للرفع رفع الله قدركم

[دحيم الفزعة]

لو كان الشرخ بعد الدفرس ونظام التعليق الخلفي ما منه خطوره بإذن الله

لكن إتضح أنه قبل الدفرنس


أنا للأسف ما أعرف ورش تضبطه بالرس أو الرياض (حسب مكان إقامتك بملفك الشخصي )


لكن المجمعه على طريقك لو حبيت أدلك فيها من يضبطه لك


ودمت بود ====

[راعي الرود]

لو كان الشرخ بعد الدفرس ونظام التعليق الخلفي ما منه خطوره بإذن الله

لكن إتضح أنه قبل الدفرنس


أنا للأسف ما أعرف ورش تضبطه بالرس أو الرياض (حسب مكان إقامتك بملفك الشخصي )


لكن المجمعه على طريقك لو حبيت أدلك فيها من يضبطه لك


ودمت بود ====

بعد التدقيق اتضح ان الشرخ مكانه خلف الدفرنس يعني مابين شنطه الموتر والدفرنس

واتضح لي انه اكبر من 2 سم , لاني ناظرته من جهه وحده ولكن اتضح انه فيه جهه ممتد لها الشرخ وهذي صور للشرخ :


هذي الصورة اول ماشفته من هذي الجهه





و هذي الصورة للشرخ و هو ممتد :

[سوبر مكشات]

احيانا المطامر يشرخ الشاصي..

واحيانا الحمل الزايد..

لحمه عند ورشه وخله يضمنه
اتوقع أي ورشه تضبطه دام السالفه لحام
الله لا يورينا واياك شر..

[راعي الرود]

احيانا المطامر يشرخ الشاصي..

واحيانا الحمل الزايد..

لحمه عند ورشه وخله يضمنه
اتوقع أي ورشه تضبطه دام السالفه لحام
الله لا يورينا واياك شر..

الله يجزاك الجنه

ننتظر الراتب بس ينزل و نشوف وش علمه

[الكدن1]

فيه تلحيم بدون كربون قوي جدا يصلح للشاصي

[1 أبو يزن 1]

نفس كلام (الكدن١)
لحمه تلحيم شاصي فيه مكينة لحام خاصة للشواصي بدون كربون يصب حديد صب

أنا ما أدري وين موقعك لكن التلحيم ذا موجود ببريدة

وممكن تحصله بأي صناعية