السلام عليكم ورحمة الله وبركاته
كيف حالكم يالغالين عساكم بخير
نزلت باليوتيوب مقطع بسيط لمقناص السودان وفيه قصيده كتبتها باخويانا عسى الله يجملنا معهم في مقناصنا لسودان
ابدا بالقصيده ....
@@@@@@@@@@@@@@
زان القنص والليل باول براده .:":. ياحيكم ياللي نويتو تسجون
الوقت وافر والمطارد حماده .:":. والرفقه اللي بالشوامخ يحومون
مابينهم واحد عليهم نكاده .:":. ولا يهرج الهرج من غير مضمون
هذا الخبر والعلم جاكم وكاده .:":. وابليس مخزينه تركناه ملعون
الضو جمر السمر يزهى رماده .:":. صف الدلال اللي بها الكيف مرسون
قام اللذي عادته للكيف عاده .:":. لقم معاميله على الجمر بفنون
وسواقته للكيف فن وركاده .:":. امدركن عن كل عذروب وجنون
مابين ضحك وبين موقف افاده .:":. واميرهم في حكمته علم مصيون
واعطى سمي البرق كل اجتهاده .:":. ينهج عشاهم والمفاطيح بصحون
بعد العشاء كلن يدور وساده .:":.وعقب المنام اذن عليهم يصلون
واصبح صباح الخير بين زهاده .:":. وارسو صباح الرزق بالكيف يركون
تقاسمو كلن يدور مراده .:":. مابين ضلع وبين هضبات ومتون
كلن على ربه توكل بجاده .:":. لين الفرج يعلن جهازه ينادون
وراع الظبي يطرد ويطرب طراده .:":. يعزل كبير الصيد بالفكر والهون
ومعززه يرمي ورايق زناده .:":. لامدها من بعد ربي يصيبون
طرد الجوازي فيه لذت سعاده .:":. ياماحلا المقناص واللي يصيدون
تغانمو بالفود فوق الاراده .:":. شيٍ شوي واللي على الذوق يطهون
شرب المرق لذه ونطلب زياده .:":. ويازين شحم الصيد بالعيش مدهون
ولشعر موقف والمعاني عماده.:":. يمسي علينا الليل والوقت مفتون
هذي دعاوينا وهذا شداده .:":. والرزق من ربي مدبر بها الكون
//
وســـــــــلامـــــــــــــــتـــكم
وهذا المقطع وشيلة القصيده
//
وختامها صلو على خير البشر
دمتم بخير
كل الود ..
الجهني ..
رد مع اقتباس
