مشكلة في جهازي ساعدوني لوتكرمتوا

[بلوز بلوز]

المشكلة الله يحفظكم عندي جهاز ايكوم 2100 ارساله واستقباله ممتاز الحمدلله
ولكن المشكلة اللي حاصله عندي وهي عند الارسال يظهر الصوت مكتوم جدا عند المستقبل لدرجة انه لايستطيع سماع صوتي علم بأن تم تغيير الريشه واتضح انه ليس من الريشه .
لمن صادفته نفس المشكلة ياليت يفيديني كيف تم حلها وايش تنصحوني اي محل صيانه بالرياض.

[كهرباء الرياض]

اذا كان يوجد به زرار للتشفير افتح التشفير

[بطاقة شحن]

مشكلتك لازم فني صيانتها بصيطه اذا انت من سكان الرياض ادلك ع محل يصلح لك الجهاز

[بلوز بلوز]

حاولت في الجهاز باأزرار التشفير ومن قبل اشخاص تفهم بالجهاز لكن دون فائدة

ياليت تدولوني على فني صيانه خاصه بالاجهزه بالرياض واكون لكم من الشاكرين

[بلوز بلوز]

صباح الخير
معقوله مافيه احد يعرف محلات تصلح اجهزه افيدوناجزاكم الله خير

[البجيدي]

شف محل العامه يمكن يفيدونك

[موسى الطيب]

ادا كان الجهاز تغير بشكل مفاجا ومن غير العبث بالاعدادات علما بان الاعدادا لاتكتم الصوت لدرجه عدم فهم المستقبل

السبب يكون مكبر الصوت الداخلي بالبورد (مكثف الصوت ) ويحتاج تغييره عند فني مختص بعد قياسه والتاكد منه


بالتوفيق

[بلوز بلوز]

عافاكم الله لاهنتوا جميعا
ولكن للاسف محل العامه المهندس الباكستاني بلعته الارض بعد الحمله الاخيره
ولم اجد اي فني يعمل بصيانة الاجهزة في المرسلات
ياليت اللي يعرف احد يعمل بصيانة الاجهزة يدلني عليه عاجل جدا وشكرا

[bo AbdullAziz]

افتح غطا الجهاز وخل الشاشة مقابلك
طالع تحت على اليسار
تلقا كلمة ايكوم ICOM
فيه فرار صغير على يمين الكلمة مكتوب على يساره كلمة DEV
فره على اليمين باتجاه عقارب الساعة شوي وجرب الين يضبط الصوت معاك
لكن من عيوبه اذا فريته اكثر من اللازم وتكلمت بصوت عالي يقطع الصوت
اهم شي توصل لمرحلة يضبط فيها الصوت بدون تقطيع

[بلوز بلوز]

بيض الله وجهك يابوعبدالعزيز علي المعلومه
واعتقد ان الفرار خاص بزيادة الصوت وقصره
ولكن راح اجرب عسى الله ينفع به

[bo AbdullAziz]

الفرار لونه فضي وصغير
تحتاج سكروب صغير ناقص
ذا الفرار وظيفته وزن الصوت اللي طالع من الجهاز ( المايك ) ( deviation )
له شرح طويل لكن اهم شي توزنه بحيث ما يقطع الصوت اذا تكلمت بصوت عالي وفي نفس الوقت الصوت العادي ما يكون ضعيف فيه

تحياتي

[بلوز بلوز]

جاري عمل التجربه يابو عبدالعزيز وشكرا لك على المعلومه .