استطلاع : أفضل كفرات جربتهاا .؟

[abohmad]

بريجستون كد ومد ويتحمل الصخر ويتحمل عيدان السدر فى الفياض وعمره طويل من واقع تجربه فى الجيوب

[راعي-الباث]

يعطيكم العافيه جميعاا على مشاركتكم

[الخلاوي 15]

كل مقاس كفر له شركه معينه

للهايلوكس ماعنك وعن اليوكوهاما كد ومد
للجيب جنط 16 الدنلوب طير شلوى ولو ان طقمه غالي+ماكسس+فيه انواع ثانيه بس قاسيه على غير سنع وتكد مثل البرجستون , لكن الدنلوب دعسته وسط لا لينه ولا قاسيه ويتحمل الجور والوعر بس يبي هوا+كفرات صينيه جربتها وجربوها غير طيبه بالنسبه لسعرها .
للصغيره كفرات رنوي الصينيه

[أبو.محمد]

تجربتي للبرجستون بصراحه كفر يكرف..
والدنلوب جيد لكن قساوته و ثقله و في البر ما تنسم اقل من 15
و اللي ارتحت عليه الهانكوك.. بصراحه فوق الممتاز. . نفود و حصى و خط و كلش. . فيه ليونه في المطب..

و التجربه القادمه للميشلان الفرنسي..

[هاوي بستنه]

انا اشكركم على هذا الأستفتاء لأنه يبين تجارب الآخرين في شتى المجالات .
بالنسبة لي فانا ولله الحمد تجاربي مع الكفرات طويله جدا ، وأخيرا ارتحت مع كفرات هانكوك الكوريه
من بن شيهون ، قويه ، مريحه ، تتحمل حرارة السكه الأسفلت عزكم الله ، تتحمل سرعه .
لي الأن اكثر من عشرة سنوات ما غيرت عنها ، كفرات نظيفه ما تتعبك في الترصيص ..
وانا سفرياتي كثيره وطويله والله الحافظ من كل شر لنا ولكم ان شاء الله ...
ابو وائل

[نجدي حجازي]

طيب يا اخوان وش رايكم في كفرات فايرستون ؟؟

[صدى الصمان]

بالنسبه لي اشوف البالون الماكسس ممتاز جدا وسعره 460في الغرابي في الرياض وبالنسبه للي يقولون انها تنسم انا سألت البنشري قال لي البنشري 2013محد شكا منها لكن 2012 واجد اللي يشكون منها الدفعه الجديده 2013علي كلامه انها ما تنسم

[راعي-الباث]

طيب يا اخوان وش رايكم في كفرات فايرستون ؟؟

عندي جمس وكان عليه قود يير من وكالته .. مقاس 17

وبعد استخدام القوود يير غيرت لفايرستون

اللي فرق معي :
1- الراحه الفايرستون افضل بكثيييييييييير من القوود يير ومطبه مريح
2- الصوت الفايرستون مافيه ازعاج مثل القود يير خاصه عند اللف يمين او يسار
3- القود يير يتقطع بسرعه مع الاستخدام بحيث دعسته صارت مشوهه .. عكس الفايرستون
4- القود يير لو تدعس بالموتر يفحط ويبتل يفحط عكس الفايرستون تماما لدرجة اني اوقف بزفلت ناعم وادعس لأخر شي ولا يفحط وصراحه شي رائع خاصه لسيارة عائلية ,, ولا يزحلق لو تلف على سرعه القود يير يزحف الموتر معك


الاستخدام كلها نفس الشي تماما خطوط وداخل ديره فقط وهذي ملاحظاتي عليه واتمنى اني افدتكم ^

بالنسبة للسعر الطقم غيرته ب2920 .

[منير البقمي]

انا تجربتي :
الدنلوب صراحه جوده وتحمل وكفر يعتمد عليه بعد الله سبحانه

وجربت البالون سيام تاير جيد
وبالون ماكسس 900 ابو جمل ماصلح لي غثني بالتنسيم
والبالون بصفه عامه صح انه منظر للموتر لكن ثقيل

وبالتوفيق للجميع

[نجدي حجازي]

عندي جمس وكان عليه قود يير من وكالته .. مقاس 17

وبعد استخدام القوود يير غيرت لفايرستون

اللي فرق معي :
1- الراحه الفايرستون افضل بكثيييييييييير من القوود يير ومطبه مريح
2- الصوت الفايرستون مافيه ازعاج مثل القود يير خاصه عند اللف يمين او يسار
3- القود يير يتقطع بسرعه مع الاستخدام بحيث دعسته صارت مشوهه .. عكس الفايرستون
4- القود يير لو تدعس بالموتر يفحط ويبتل يفحط عكس الفايرستون تماما لدرجة اني اوقف بزفلت ناعم وادعس لأخر شي ولا يفحط وصراحه شي رائع خاصه لسيارة عائلية ,, ولا يزحلق لو تلف على سرعه القود يير يزحف الموتر معك


الاستخدام كلها نفس الشي تماما خطوط وداخل ديره فقط وهذي ملاحظاتي عليه واتمنى اني افدتكم ^

بالنسبة للسعر الطقم غيرته ب2920 .

مشكور على الافادة
جزاك الله عني كل خير

[راعي-الباث]

مشكور على الافادة
جزاك الله عني كل خير

العفو يالغالي

[صياد الجبل]

عن تجربه

الدانلوب للجيوب لاتدور غيره

اما المواتر الصغيره

هانكوك طيب

....................

فقط

[الوانيت1]

بريجستون كد ومد ويتحمل الصخر ويتحمل عيدان السدر فى الفياض وعمره طويل من واقع تجربه فى الجيوب

نعم وكلامك صحيح ومن تجربة %100

[كهرباء الرياض]

غير الميشلان الاصلي الفرنسي لاتدور خاصة سيارات العوائل الصالونان مثل الجيب والجمس

[صياد الاحساء]

عن نفسي مشلان فرنسي مقاس ١٧-٥٥-٢٣٥ للفود امان تام وراحه بال