رابطة ملاك لاندكروزر 90-97 #الجيل الذهبي#

[العنابي 616]

الله يبارك فيك أخوي شكسبير أسأل الله أن يعيننا على الصيام و القيام و يجعلنا من الفائزين

بالنسبة لمسألة تحويله لبخاخ أنا فكرت فيها من أول و بغيت أسويها و شريت راس مكينة بخاخ و جمعت بعض الاغراض لكن طلعت علي أغلى من بيع السوق ما تسوى الأفضل تغيير المكينة طبعا مديل 98+ لأنه أقوى و أفضل من 97 و تحت
إن شاء الله ناوي أغير المكينة لكن يبغالها وقت

أوي مست الصراحة وزنت الكربريتر و الدلكو و غيرت البواجي و لكن ما صلحت
أنا أتوقع انها من السخان الاتماتيك لكن قلت يمكن واحد من الشباب جرب ويفيدني

[شكسبيرالعرب]

والله ماافهم بالكربريتر لكن ان شاء الله يفيدك واحد مر بنفس التجربة او عنده خبرة ميكانيكية

[شكسبيرالعرب]

شوف هذا عارض كربريتور لاند 97 للبيع

http://haraj.com.sa/112420485/%D9%83...8%D9%8A%D8%B9/

[شكسبيرالعرب]

[العنابي 616]

هلا و الله شكسبير
هههههههه اعذرني رمضان الوضع صعب ما فيه وقت الله يعين

الحمدلله الكربريتر اللي عندي جيد ما لها داعي أغيره و إن شاء الله إني ألقى حل للمشكلة
و إن الله يسر ناوي أغير المكينة لأن الحقيقة يعيب الجيب ضعف العزم مقارنة بالسيارات الجديدة
و أنا رجال أستخدم السيارة بالديرة و السفر و البر و أحتاج مكينة قوية تريحني لأن حاليا السيارة ثقيلة بالقومة و الخط
طبعا سيارتي عليها هدرز بس ما يفرق كثير بالعزم
بحثت بحث طوييييل عن المكينة اللي بأركبها و ما انتهيت الى الان
ودي بمكينة قوية و تركيبها سهل ما يكون معقد و أيضا تكلفتها غير عالية

راح أعطيكم اللي توصلت له إلى الان لعله يفيدكم و يمكن تتحمسون و ترهمون مكاين
بحثت في مكان تويوتا اللي هي ال 6 سلندر 98+ و أيضا مكينة الفكسار 8 سلندر 98+ و أيضا فكرت في مكاين اللكزس ال 400 و ال430


بالنسبة لمكينة ال 6 أهم ميزة فيها سهولة التركيب فهي تركب مباشرة على القير و على كراسي المكينة بدون أي تغيير طبعا تحتاج تغير الظفيرة و الكمبيوتر و تركب طرمبة بنزين كهربائية بالنسبة للكربريتر
و عزمها ممتاز و قريب جدا لمكينة ال 8 و قد تكون أفضل من واقع تجربة في الشارع
تكلفتها المكينة مع كامل أغراضها بحدود ال 14 ألف + تكلفة تركيب المكينة 3000 - المكينة القديمة مع أغراضها 6000 = 11 الف ريال


بالنسبة لمكاين ال 8 سلندر سواء لاندكروزر أو لكزس فهي متشابهه جدا الفرق بينهم سعر المكينة و تركيب الكمبيوتر و الظفيرة
الأمور اللي تحتاج تغيرها : ترهيم كراسي مكينة + شراء داير قير فكسار + ظفيرة و كمبيوتر + طرمبة بنزين + شكمان + عمود السرعة في القير + علبة كلتش + ترهيم كراسي القير + الكلتش + الحذاف

طبعا اللي يميزها انها أخف خصوصا مكاين اللكزس لأنها المنيوم و أيضا اشتغالها سلس و هادئ جدا بالنسبة للعزم فهو مقارب لمكينة ال 6 التكلفة لمكينة الفكسار بحدود ال15 ألف أما اللكزس بحدود ال 10

للمقارنة
مكينة 6 سلندر قديمة كربريتر 190 حصان
مكينة 6 سلندر قديمة بخاخ 212 حصان
مكينة 6 سلندر جديدة 228 حصان
مكينة 8 سلندر فكسار 231 حصان

هذا طرح سريع اللي يبغى تفاصيل يسأل و إن شاء الله راح أوضح له

[شكسبيرالعرب]

انا الحمدلله جيبي 6 سلندر بخاخ وعزمه ممتاز جدا وقومته نشيطة وهو شد بلد لا ترهيم وﻻ غيره ماشاءالله

[العنابي 616]

حيى الله أخوي شكسبير
الجيب عزمه زين على مديله لكن الان ما عاد يجمل و صدقني لا جته مكينة صاحية بيصير كامل مكمل ما ينقصه شي

شف هذا واحد أمريكي مركب لسارته مكينة كمارو LS3 6.2 لتر 430 حصان الرجال انهبل يقول السيارة صارت صاروخ
و يقول انها صارت خفيفة جدا مجرد تمسك البنزين توصل 120
طبعا يقول صرف البنزين تحسن صار يمشيه بالديره أكثر من 650 كيلو و بالخط أكثر من 900 كيلو
و أيضا المكينة الجديدة أخف بحول ال 100 كيلو

هذا مقطع فيديو للسيارة يوم يدق سلفه

http://s1065.photobucket.com/user/jw...tml?sort=3&o=3

صوته جبااار

[شكسبيرالعرب]

انا ضد الترهيم لان سيارات الدفع الرباعي ماهي مخصصة للسرعة

[العنابي 616]

صدقت يا أخوي شكسبير ما هي للسرعة
و لكن الترهيم ما هو للسرعة أيضا الترهيم للي يبغى يحسن من أداء السيارة

جبتلكم مقطع لاندكروزر استرالي معدل السيارة تعديل كامل مركبله مكينة ls2 6 لتر على قير الوكالة عادي 5 تغييرات
و مغير نظام التعليق كامل من يايات و مساعدات
طبعا هو مجهزها للراليات

المقطع فيه موسيقى

http://www.youtube.com/watch?feature...&v=mzCWsbP75nA

[عاشق مكشات]

السلام عليكم
الشهر مبارك على الجميع
يااعضاء الرابطه وين احصل ازياق GX 96
الحمد لله الموتر طلع من الورشه وقلبته هدد
وعندي مشكله الا وهي تنسيم في القزاز الامامي وش الحل يالربع والموتر يناقز بالخط

[العنابي 616]

الله يبارك فيك
و على البركة انتهاء الموتر و ان ساء الله ما بقى الا البسيط
بالنسبة للأزياق يبيعونها في موزعين تويوتا أنا شريت كل القطع من الموزعين
كل شي تبغاه موجود و لكن بعض القطع تحتاج طلبية 3 أيام

و بالنسبة للتنسيم في الغالب طبيعي اذا ما كان طبيعي افحص الجلدة يمكن يكون فيها قطع
و هل التنسيم طلع بعد تغيير القزازاة؟

بالنسبة للمناقز ما فهمت قصدك بس احتمال يكون عندك مساعد مفقوع

[داورد]

السلام عليكم /
ياشباب ياليت كل واحد يحط لنا ارقام اليايات او المساعدات الاستراليه اللي هو مركب لكي يستفيد البقيه ،،

اما عني انا مركب ياي خلفي (865) وممتااز جداً بس انتهى عمرة الافتراضي ولازم اغيره ( له خمس سنوات )

وشكراً

[ابو نجاح]

يجماعة ان شريت جيب جكس 91 من مزاد والموتر نضيف وعزمه كويس بس قالو ان مكينته 12بلف ضعيفة
ارجو النصيحة لني شاري بقيمه زينه

[برق البحر]

موديل 90 و 91 12 بلف

وبعدها جات 24 بلف القويه

[شكسبيرالعرب]

اذكر جاء منهن قوة المكينة 3900 ضعيفة وموديل 92 جات مكينته 4500 اذا ماخاب ظني