الفزعه يااهل الغنم

[ازعاج ومداد]

السلام عليكم ورحمة الله وبركاته يا الربع حلالي جاه مرض مدري وشهو لعب بالحلال الشاه من تأكل. االبرسيم او الشعير تمشي شوي وتربض محلها ولا تقوم وثاني يوم. ميته وابعضها تشوفها مابهاشي وتمسي ما بهاشي اليوم الثاني ماتقوم من مراحها معى العلم أين مطعم دموي ومعوي افيدوني الله يجزاكم خير

[وجه النهار]

ودي والله أفيدك
بس والله ما عندي خبرة
ولكن اسأل الله الكريم أن يشفي حلالك
وأن يبارك لك في أهلك ومالك

[ماعفتهم]

والله ياخوي الحاله تبي تفصيل اكثر . يعني الاعراض اللي في الغنم لاني كذا مرة بلغت بها بيطري قال انتم ياصحاب الحلال ماتعلمون بالتفاصيل المرض اللي بالغنم . يعني يظهر من فمها رغو او انتفاخ في البطن والخ

ولكن شوف البرسيم يمكن المشكلة فيه

حلالي تو وقف عن الموت وكان مايموت منها غالبا الا الصغير وطعمت كل التطاعيم قال البيطري ماينفع التطعيم


الله يستر ع حلالك وحاول تطلع البيطري ليكون افضل من انك تبلغه ويصرف لك العلاج


موفق ياخوي

[صريح المقال]

السلام عليكم ورحمة الله وبركاته

أحيان يكون البرسيم فيه موية (يستعجلون عليه وقت الحصاد ولا ينشف زين) أو يكون جاءه مطر وهذا يسسب زي العفونه داخل اللبنه وقد تؤدي لموت البهيمه ..
وهذا حله تفك لبنه البرسيم وتفلها قبل بيوم بحيث تنشف تماما قبل تعطيها الغنم ..

وأحيان يكون الكيماويات الي يرشونها على البرسيم زايده ونفس الشي تتسبب بموت البهيمه لو كلتها والحل أحيان يكون نفس الشي تفلها ويتبخر السم وإذا كميه كبيرة وتقدر ترجعها فهو أفضل وفيه ناس تتورط بحمولة تريله او دنه ويضطر يفل كميه تسده وبعدها كميه بحيث يضمن بإذن الله سلامة الحلال .
غير كذا يمكن المويه فيها شي بس البرسيم معروف بالنسبة لنا ويذبح حتى النياق لو تاكله وهو فيه رطوبه وواحد من جيراننا مات عنده ثلاث نياق من برسيم !

ولا أقدر أفيدك بأكثر من كذا قد تكون المشكلة أبسط أو اكبر ولو تستشير بيطيري بيفيدك بإذن الله والله يعوضك ويخلف عليك ويبارك لك في مالك وحلالك .

والله يسهل امورك ويوفقك ويهديك للمشكلة وحلها .

هذا ما لدي فإن أصبت فمن الله وحده وإن أخطأت فمن نفسي والشيطان

والسلام عليكم ورحمة الله .

[ازعاج ومداد]

الله يجزاكم خير لكن. أنا وديت للبيطري كذا شاه ماعرف وش المرض

[النبراس 9]

ياخوي
ماهي الاعراض الي تشوفها عليها ( فيه منقود على المريض ) لأن وصفك يالغالي ماهو واضح ولا يفيد بالتشخيص

لذلك ............. ابسألك كم سؤال
هل عيون الغنم تدمع او لا ؟ وهل عندها اسهال ؟ والتنفس وش وضعه ؟

مصدر البرسيم . وهل البرسيم تغير عليهن ؟

والغنم تشوفها تجتر او لا ؟

ومن مته طعمت الدموي والمعوي ؟ ومن الي طعمها

وهل الموت في الكبير والصغير ؟

وهل طعمت طاعون المجترات او لا


وان حبيت تكلمني فهذا رقمي 0567244141

[تربة الشمال]

اخي الحبيب الله يرفع المرض عن حلالك ويشفيه اول شي حط لحلال سلفه ثلاثيه ثاني شي غير العلف

[ازعاج ومداد]

مابها من الاعراض الي ذكرتوها شيء. والله يجزاكم خير