طريقة عمل الرواق على كفرات السيارات

[مازن ريان]

بسم الله الرحمن الرحيم


السلام عليكم ورحمة الله وبركاته


اليوم نشرح لكم طريقة عمل رواق على كفرات اليوكن القصير
اولا نذهب لسوق الخيام ونشتري شراع ونقوم بعمل مقاسات للكفرات اليوكن وذلك باستخدام الفرجار والمسطره
اولاً : ناخذ عرض كفرات اليوكن 80 سم ونصف القطر 40 سم ونقص الشراع







ثانياً : عرض دعسة الكفرات 20 سم * 120 سم






نخيط القماش الدايري في القماش المستطيل ونعمل غطاء على الكفرات
بحيث تكون دائره كامله من الامام ونصف دائره من الخلف ونقوم بخياطتها في القماش المستطيل
كما هو واضح امامكم





ثالثا : نضع الغطاء على الكفرات وناخذ المقاس بين الكفرة الامامية والخلفية ونضع علامه







رابعا ً : نضع علامة على مكان كتف السياره ونضع شداد لكي يتم شد الشراع مع المنتصف





خامسا ً : نذهب بقطع القماش الى اقرب خياط اشرعه ونخيط الشراع مع اغطية الكفرات وتكون هذه النتيجة


مع تمنايتنا لكم برحلة سعيده

[سعــود]

ياسلام عليك هذا الشغل ولابلااااش بالفعل اخوي ريحتنا من الغلا الفاحش سعره عندنا 240 ريال وبطريقتك واختراعك وفرت الكثير جزاك الله الف خير

[حجازي20]

والله على صورك ذي يبيلنا نشبك الكمبيوتر على التلفزيون
وكم كلف الشغل ترا ماعلمتنا وخوينا اللي فوق مدري وش دراه انك وفرت غن الجاهز اللي ينباع
وحتى لو فرت كم وزن اللي انت مفصلة وكم وزن الجاهز

[أبو جراح11]

طيب خطرت في بالي فكرة
وهي لو اشتريت تلبيستين حقت الأستبنة بلاستيك او قماش وفصلت عليها القماش يمكن اريح وأوفر
والله يوفق الجميع
أهم شي الجودة من ناحية القوة والوزن
والسعر يكون مناسب00الله يوفقك وننتظر إبداعاتك 00

[aborajwa]

تعبت نفسك وانا اخوك هذا يباع جاهز من كم سنه تحصله عند السنيدي او المرباع او بيت الرحلات كلها بالقصيم واللي له فرع بتلقاه عنده وتحصله في بعض محلات بيع ادوات الكشاته المنتشرة في بعض المدن .. سعره يختلف لان فيه منه نوعين نوع بفرشة مع بعض ونوع بدون فرشة واسعارها من 80 الى 150 ما اظن تزيد عنها .

[مازن ريان]

الاخوان اللي يقولون
سعره من 80 الى 150 اتمنى اني لقيت بهذا السعر

لكن المشكله والادهى والامر اني لقيت في محل الرحلات يقولون نطلب لك طلبيه من القصيم ب 350 ريال

اما هذا تكلفته 60 ريال فقط والوزن خفيف جدا ولا يسوي زحمه في السياره
صفطه وحطه تحت المقاعد الخلفية

[aglanco]

بيض الله وجهك اخي / مازن ريان
وكثر الله من امثالك
والناس تدور الشيء الرخيص العملي ..انت قدمت طريقة التركيب
باقي على الأخوان يحددون نوع القماش وكل واحد بصير نفسه
بارك الله فيك

[الشاهر سعد]

وعليكم السلام ورحمة الله وبركاته
بارك الله فيك وفي جهدك فكره جدا
ممتازه والسعر مناسب بخصوص
الاسعار في المحلات انا اشتريت من
السنيدي في القصيم الرواق بدون
فرشه في شهر خمسه الماضي
ب299 شراع تنزاني

[مازن ريان]

اشكر مروكم الكريم

[مازن ريان]

وعليكم السلام ورحمة الله وبركاته
بارك الله فيك وفي جهدك فكره جدا
ممتازه والسعر مناسب بخصوص
الاسعار في المحلات انا اشتريت من
السنيدي في القصيم الرواق بدون
فرشه في شهر خمسه الماضي
ب299 شراع تنزاني

انت خير دليل كثير من الاخوان يقولون ان سعره من 80 ريال الى 150 ريال

واصحاب محلات الرحلات قالو لي ادفع عربون 200 ريال ونطلبه لك من القصيم ب 350 ريال

اما هذا القماش
فهو شراع باكستاني اعتقد انه 18 المتر الواحد ب 12 او 13 ريال

[مهندس مكشات]

عمل طيب بارك الله فيك

[مازن ريان]

هنا طريقة الشرح مصفره الصور

[ابو شكاع]

الله يسعدك ... بطل والله ... شغل ولا أجمل وسعر ولا أروع ...وإحساس نفسي جميل لما تنتج شي بهالشكل
تحيتي وتقديري

[مازن ريان]

اسعدني مرورك اخي ابو شكاع

[GMC 111]

ماشاء الله تبارك الله

الله يعطيك الف الف عاافيه خوي مازن

مجهود مميز وشغل اكثر من رااائع

ماقصرت يالغالي ..